کۆمەڵەی منداڵانی کورد ـ لە نەرويج

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

بێگومان ئەردۆگان تاوانباری جەنگە، هەموو ئەو تاوانانەی دەرهەق بە منداڵ و سڤیلی گەلی کوردی بێتاوانمان کردوونی لە رۆژئاوا و لە باکووری کوردستان، تاوانی جەنگەن و دژ بە مرۆڤـایەتـین.. بە پێی یاساکانی نێودەوڵەتی دەبێت بگـیڕێت و دادگـایی بکرێت.
بە ناوی سەرجەم ئەنـدامانی کۆمەڵەی منـداڵانی کورد لە وڵاتی نەرویج، زۆر بە توندی پرۆتستۆی تاوانە قێزەوەنەکانی دیکتاتۆری رەگەزپەرست و دڕندە و خوێنڕێـژ، تاوانبار ئەردۆگـان دەکەیـن، کە دەرهـەق بـە منـداڵان و بـە سڤـیلی بێـتاوانی گـەلی کـوردمان لە رۆژئـاوای کوردسـتاندا کردوونی و دەیکات.
پەیامێکیش بۆ هەموو منداڵانی جیهان دەنێرین، کە ئێمەی منداڵانی کورد لە کوردستان
ئەمساڵ لە یـادی جـەژنی (رۆژی جیهـانی منـداڵان) دا، ئاهـەنگ ناگـێڕین.. چونکە بە دەستی ئەردۆگانی ستەمکار بە دەیان منداڵی بێتاوانی کوردمان شەهیدبوون.. بە سەدان منـداڵانمان بـریندارن.. بە هـەزاران منـداڵمان ئـاوارەن و لە کەمپەکـانـدا، ژیـانێکی زۆر ناخۆش و سەخـت بەسەردەبەن.. بە هـەزاران منـداڵ و مێردمنـداڵانمان، لە بەنـدیخـانە سامناکەکانی تورکیا و ئێرانـدا بە توومەتی ( کوردبوون) بەندکراون و رۆژانە پیسترین ئەشکەنجەی جەستەیی و دەروونییان دەدەن.
جارێکی کەش ئەمریکا ناپـاکی لە کورد کرد.. بە ناوی (ناوچـەی ئـارام) ەوە، دەیەوێت گـورگ بکات بە شـوانی مەڕ.. لە کاسەیەکی زێڕیندا کوردی پێشکەش بە تورکیا کـرد.
داوا لە دادگای باڵای نێودەوڵەتی دەکەین، چاویان لەم تاوانانەی ئەردۆگـان نەپـۆشن و بڕیـاری گـرتنی بـدەن و وەکوو تاوانبارێکی جـەنگ لەسەر ئـەو تـاوانـانەی لە کـورد کـردوونی ـ کە هەمـوو بەڵگـەکـان لە بەردەسـتـدان ـ دادگـایی بکـەن.
چاوپۆشین و بێدەنگیتان لە تاوانەکـانی ئەردۆگـان.. تاوانـە. دەبێتە هـۆی هـانـدانی بۆ ئەوەی تـاوانی گەورەتـر و قـێزەوەنتر ئەنجـام بـدات.
ئەردۆگان شانازی بە تاوانەکانییەوە دەکات و دوێنێ زۆر بێ شەرمانە، هەڕەشەی لە کورد لە رۆژئاوای کوردستان کرد و وتی:” بۆ ئەوە هاتووین سەرتان پانەوەبکەین” واتا نیازی گڵاوی ئەردۆگان رەشەکوژی و کۆمەڵکوژی کـوردە.. نیازی داگیرکردن و دەرکردنی کورد و گۆڕینی دیمۆگرافـیای رۆژئاوای کوردستانە.
ئێـمە ئۆبـاڵ و بەرپرسـیارێتی ئەو تاوانـانەی ئەردۆگان کە لە ئێمەی کورد کـردوون و دەیکات، دەخەینە ئەستۆی نەتەوە یەکگـرتووەکان و ئەنجوومەنی ئاسایش و یەکـێتی ئەوروپا و ئەمریکا و روسیا و پەیمانی ناتۆ، چونکە ئەردۆگان بێدەنگی و چاوپۆشینی ئێوەی قـۆزتـۆتەوە.. بۆ درێـژەدان بە تاوانەکانی لە دژی کورد.
بێدەنگی و هەڵەوێستی لاوازتان لە ئاستی تراژیدیای کوردکوشتن شەرمەزارییە بۆتـان.
رێکەوتنەکەی ئەمریکـا و تورکیا، بۆ (ئاگـربەست) هیـچ خاڵـێکی ئەرێنی بۆ کورد تێدا نییە، کە لە بەرژەوەنـدی کورددا بێـت.. تورکیـاش درۆدەکـات و شـەڕی نەوەسـتانووە.. بەڵکوو بە پێچەوانەوە هـێزی زیاتر و چەکی قورستری ناردوو بۆ رۆژئاوای کوردستان و بە چـڕی و بە چەکی قەدەغەکراوی نێودەوڵەتی (فسفۆر) و کیمیاوی دێ و شارەکانی رۆژئاوای کوردستان بۆردومان دەکات.. تا ئێستا (٢٢) منداڵ و (٢٣٥) سڤـیلی کوردی شەهیدکردوونە.. ئەگەر ئەم تاوانانە بە تاوان نەزانن.. ئەی چی بە لاتانەوە تاوانن؟!
داوا لە گۆمەڵگای نێودەوڵەتی و یەکێتی ئەوروپا و ناتۆ و دەوڵەتانی ناڕازی دەکەین.
کە فشار بخەنە سەر تورکیا بۆ راگرتنی شەڕ و دەست هەڵگرتن لە کوشتنی منداڵان و سڤیلی کورد. بێدەنگیش نەبن لە تاوانی بەکارهێنانی چەکی قەدەغەکراوی نێودەوڵەتی.
داوادەکەین ئەردۆگان وەک تاوانبارێکی جەنگ دادگایی بکرێت

رەزا شوان
سەرۆکی کۆمەڵەی منداڵانی کورد لە نەرویج
٢٠ی/ ئوکتۆبەر/ ٢٠١٩

ئێمە دڵنیاین کە هەموو زۆردارێک رۆژێکی رەشی هەیە. گۆڕبەگۆڕبوونی ئەردۆگانیش نزیک بۆتەوە.. چـارەنووسی لە چـارەنووسی سـەدام و قـەزافی باشـتر نـابێـت.
ئەردۆگانی ستەمکار، زۆر نامەردانە و بە دڵـڕەقی و بێدەست پارست لە منـداڵان و پیـر و پەکەوتـەی کورد، بە بەرچـاوی جیهـان و بـە ئـاگـاداری پەیمانی ناتـۆ، کوشـندەتـرین چەکی قەدەغەکـراوی نێودەوڵەتی بۆ کوشتـنی کورد بەکـاردەهـێنـێت. لەوانەش (چـەکی فسفـۆری سپی سووتێـنەر) کە لە رێی فـرۆکە جەنگـییەکانییەوە، لە رۆژی پێنج شەممە (١٧ی/ ئوکتۆبەر/٢٠١٩) شاری (گرێـسپی) لە رۆژئاوای کوردستان بـە بۆمبی فسفـۆر بۆردومان کرد.. ژمارەیەکی زۆر لە منداڵ و ژن بەرکەوتن و شەهـیدبوون و ژمارەیەکی یەکجار زۆریش بریندان هەن.. لە نێو بریندارەکاندا منداڵێکی تێـدان کە نـاوی (محـەمـەد حەمـید)ە، تەمـەنی سیانـزە سـاڵە و قـوتـابی پۆلی پێنجەمی سەرەتـاییە. بە فسفـۆرەکەی سوڵتان ئەردۆگانی ئیخوان الشیاطین، هەموو گیانی سوتاوە و برینەکانی سەخت و قوڵن و زۆر ئازاری هەیە.. ئێستا لە نەخۆشخانەی شاری (قامیشلو)ە، محەمەد هـاوار دەکات (دایکە.. دایکە گیان.. سوتام)،(بابە.. بابە.. سوتام.. ئازارم هەیە) چ دڵێک چ وژدانێک جگە لە ـ دڵ و ویـژدانی ئەردۆگان ـ کە گوێی لە هـاواری محـەمەد و دەیـان منداڵی تری کورد ببێت، تەزوو بە لەشیدا نایات و سۆزی نابزوێت؟ ئەردۆگانی نامەرد، ئایە محەمەد ئەو منـداڵە بێـتاوانانەی تری کورد (یە پە گە)ن یان (شەڕڤـانان)؟ چ تاوانێکیان هـەیە؟
بەڵام تـۆ تا سەر ئـێسـقان رقـت لە کوردە، تینوی خوێنی کـوردی. سێـبەرەکەی خۆشـت لێبووە بە کورد و رقت لێیەتی.. ئەردۆگانی سەدرۆ، تۆ فرمێسکی تیمساحیت بۆ منداڵانی (غـەزە) هەڵدەڕشت.. بەڵام دەستە قـێزەوەنەکـانت بە خـوێنی منـداڵانی کـورد سـوورن.. هەمـوو گـیانت هـەر تـاوانـە. هەزار تـف و نەفـرەتت لێبێت ئەی خوێنڕێـژی ستەمکـار.
ئەی منداڵانی جیهان پشتگیریمان بکەن، پێتان دەڵێین، تاوانەکـانی ئەردۆگان لە دژی منداڵانی کورد، هـێندە زۆرن نایـەنە هەژمـارکـردن.
ئەی منداڵانی جیهان، داواتان لێدەکەین، بە هانای منداڵانی کوردەوە بێن، لە رۆژئاوا و لە باکووری کوردستاندا، بە هەزاران پەیـامی نـارەزەایی و ئیـدانەکـردن و رسواکـردن ئـاراستەی ئەردۆگـانی تـاوانبـار بکەن.. داوای لێبکەن بەس مـنداڵانی کورد بکـوژێت.

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت