ئارام عەلی عەزیز: عیراق، مۆدێلی رێبەرایەتى ئینسانیەت.

عیراق لانکەى شارستانیەتە، چەندین شارستانیەتى دیرێنیشى تیادا بنیاتنراوەو لە هەموو رویەکەوە خزمەتێکى گەورەى مرۆڤایەتی کردوە. ئەم شارستانیەتانە تەم و مژى نەزانین و جەهالەتى بە پرشنگى رۆشنایی خۆرى مەعریفە رەواندۆتەوە، دوروبەرو […]
بۆ ناردنی ئەم بابەتە بۆ سەر بەشی بەرێزت یان هاوڕێکانت لە تۆڕە کۆمەڵایەتییەکان، کلیک بکەرە سەر ئەو سمبولانە

عیراق لانکەى شارستانیەتە، چەندین شارستانیەتى دیرێنیشى تیادا بنیاتنراوەو لە هەموو رویەکەوە خزمەتێکى گەورەى مرۆڤایەتی کردوە. ئەم شارستانیەتانە تەم و مژى نەزانین و جەهالەتى بە پرشنگى رۆشنایی خۆرى مەعریفە رەواندۆتەوە، دوروبەرو ناوچەکەو جیهانى رووناک کردۆتەوە.
دیارە هیچ شارستانیەتێک بە بێ فکرو هیچ فکرێکیش بە بێ خودا بوونى نابێت. عیراق نشینگەى پێغەمبەران و نێردراوانى خودایەو لە قۆناغە جیاجیاکاندا رۆڵى گەورەى لە رووبەڕووبوونەوەى هێزى شەڕو خراپەدا بینیوە. عیراق لە روى کەش و هەواوە هەرچوار وەرزى تیادا دەنەخشێنرێت، سەرزەمین و بن زەمینەکەى گەورەترین سەرچاوەى دەوڵەمەندى سروشتی لە ئاوو، غازو نەوت و کانزاى گرنگ تێدایە. لەبەر ئەوە بە درێژایی مێژوو دووچارى پەلامارو داگیرکاریی شەڕخوازان بۆتەوە، کە لە لایەک بۆ خامۆشکردنى چراى رێبەرایەتى مێژوویی و ئینسانیی ئەم خاکەو، لەلایەکى دیکە بۆ دەستبەسەرداگرتنى خێروبێرەکەى بوە.
چیرۆکی هەبوونى چەکى ئەتۆمیی و پەلامارى 2003 ئەمریکایش بۆ رووخاندنى سەددامەکەى خۆیان هێنابویانە سەرکورسى حوکمدارى لە عیراق بۆ پێشگرتنى سەرکردایەتى مێژوویی عیراق بوو، دروشمە رەونەقدارەکانى مافی مرۆڤ و دیموکراسیشیان هەر بۆ ئەوەو لە و چوارچێوەیەدا بوو.
خۆپیشاندانەکانى، کە ئەمڕۆ لە عیراق و ئێران و لوبنان و جەزائیرو پۆلیڤیاو چیلی وغینیاو هۆنگ کۆنگ و کازاخستان و بریتانیاو کەتەلۆنیاو فەرەنساو ئیکوادۆرو چەندین شوێنى دیکەى جیهانداى بەڕێوە دەچن، گۆڤارى ئیکۆنۆمیست واى گومان لێدەکات و وای لێکدەداتەوە، کە لەوانەیە هۆکارێک لە ئاسمان و کەشوهەوادا هەبێت ،بۆیە ئەو هەموو دەوڵەتە خۆپیشاندان و ناڕەزایی جەماوەریی بە خۆیانەوە دەبینن.
هۆکارى خۆپیشاندانەکان لە کەشوهەوا دا نین، بەڵکو هۆکارەسەرەکیەکەى کۆبۆتەوە لە هەستانەوەى ئینسان دژ بە خراپەکارو شەڕخوازو دوژمنانى ئینسانیەت و مرۆڤ ، کە خۆى لە سیستەمى ستەمکاریدا دەبینێتەوەو، ئەمڕۆ پێنج لایەنەکەى هێزى شەڕ کە بە هەڵە بە ئەنجومەنى ئاسایش ناودەبرێن نوێنەرایەتى دەکەن و، مرۆڤایەتیان گەڕاندۆتەوە بۆ قۆناغی کۆیلایەتیی و لە خۆرهەڵاتى ناوەڕاستیشدا ئاگرى فارسایەتیی و مەغۆلیەتى تورکی و جەهالەتى عوربانیان زیندوو کردۆتەوە.
ئەمڕۆیش هەر هەمویان پێکەوە، کە کۆى سیستەمى ستەمکاریی جیهانیی و ئیقلیمیی پێکدەهێنن بە شێوازى جیاجیاو، لە ژێر ناوو نیشانى هەمەڕەنگ پەلامارى عیراق و کوردستانى سەرزەمینى ئایین و شارستانیەت دەدەن، زۆر بە ئاشکرا پووچەڵبوونەوەى پلانەکانیان لەو هەستانەوە ملیۆنیەى عیراقیەکان و هەستانەوەى گەلانى ناوچەکە لە لوبنان و ئێران و چیلی و ئیکوادۆرو فەرەنساو بریتانیادا دەبینرێت، کە کاردانەوەى سروشتیی و بەرخۆدانی خۆڕسکی ئینسانن. عیراق و کوردستانیش بە حوکمى پێگە ئایینیی و شارستانیەکەى مقەوماتى رێبەرایەتی مێژوویی بووژانەوەى شارستانیی و مقەوماتى رزگارکردنى ئینسانیەتى هەیە، وەکو مۆدێلێکی سەردەمیانەى رێبەرایەتى ئینسانیەت و مرۆڤایەتى. مژدە بێت لە عیراق، بووژانەوەى سێهەم پیرۆز بێت لە گەلانى ناوچەکەو مرۆڤایەتى.

بۆ ناردنی ئەم بابەتە بۆ سەر بەشی بەرێزت یان هاوڕێکانت لە تۆڕە کۆمەڵایەتییەکان، کلیک بکەرە سەر ئەو سمبولانە
ئارام عەلی عەزیز

ئەرشیڤی بەڕێز: ئارام عەلی عەزیز