شەهاب کەریم: کۆنگرە ئەکرێت یاخوود ئەبەسترێت؟

کۆنگرە ئەکرێت یاخوود ئەبەسترێت.؟ ئەکرێت وەک بەرنامەیەکی ئۆرگانی نێو پەیڕەو، ئەبەسترێت وەک بەستن و کۆمکردن و چاودەنگی ناڕازی و بازدان بەسەر چەوتییەکان و کردنەوەی پەڕەی نوێ گەردن ئازادی!. وەک هاونیشتیمانییەک […]
سمبولی کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

کۆنگرە ئەکرێت یاخوود ئەبەسترێت.؟ ئەکرێت وەک بەرنامەیەکی ئۆرگانی نێو پەیڕەو، ئەبەسترێت وەک بەستن و کۆمکردن و چاودەنگی ناڕازی و بازدان بەسەر چەوتییەکان و کردنەوەی پەڕەی نوێ گەردن ئازادی!. وەک هاونیشتیمانییەک هەمیشە چاوم لە پێشکەوتن و سەرکەوتنی هەموو پارت و ڕێکخراوێکە بە گشتی بۆ هەموو هاوڵاتیان. بە دڵنیایی کۆنگرەی حیزب لە هەموو شوێنێکی دونیادا بۆ ڕێ ڕۆشنکردن و نوێ بوونەوەو بەرەوپێشچوونی ئەندامان لە خزمەتی هاوڵاتیانی ووڵات و ئامانجە گشتییەکان ڕێکدەخرێت.
بە پێچەوانەوە یان بە چەقی وەستاوەوە لەم دەڤەرە بۆ ئاشتکردنەوەی زویرەکان و دڵ ڕاگرتنی پیرەکان و ڕازیکردنی گەنجەکانە، چارەسەر و ڕێککەوتنە لەسەر دابەشکردن و دەستکەوتنی مسۆگەر بە پێی پێوەری شانس و بەرکەوتن.!.
یەکێتی نیشتیمانی کوردستان خاوەنی سەروەری پڕ شانازی و سەرکەوتنە بەسەر دۆخە ئاڵۆز و دژوارەکانی مێژووی سیاسییەوە لە ناوچەکەدا. یەکێتی نیشتیمانی بە مێژووی خۆی حیزبێکی چاونەترس و بوێر بووە و لە هیچ بەرپرسیاریەتێکی مێژووی خۆی نەدزیوەتەوە و تێکۆشاوە و سەرکەوتوبوە.
یەکێتی لە دەرەوەی خوێدا بە ئاستەم توانراوە و کەس نەیتوانیوە بەرەنگاری بێتەوە وەک پەراوێزخستن و وەلانان و دورخستنەوە، ڕێبازی یەکێتی لە خەڵکەوە بە خەڵک و بۆ خەڵک بووە، بەڵام زۆر بەداخەوە لە بارودۆخی ئێستەی سیاسی، بوونی بەرژەوەندی تایبەتی و دەستکەوتی تاکە کەسی بەشێک لە سەرکردایەتییەکەی ئاراستەی خزمەتکردنی خەڵک و بنەماڵەی شەهیدان و ماندونەناسانی یەکێتیان بە مەبەستی کۆکردنەوەی سەروەت و سامانی تایبەتی بۆ بنەماڵە و خۆیان هاوپێچکردووە!. تەواوی ئۆرگانەکانی جەستەی یەکێتیان داڕزاندوە و نیوە پەککەوتەو نیوە مردوو کردووە و، دەیانەوێت هەموو ئەندامانی یەکێتی بێدەنگ بین بەرامبەر گیانەڵانی یەکێتی و پەککەوتنەکەی بۆتە بێ ئومێدی زۆری شۆڕشگیڕ و ماندونەناسەکانی یەکێتی. بەبێ دوودڵی دەبێت هەموو دڵسۆز و خەمخۆرانی یەکێتی نیشتیمانی بەبێ گوێدانە هیچ بەرژەوەندییەکی تاکەکەسی و هیمەت بکەن و دڵنیابن لەوەی یەکێتی دەبێت بە قۆناغی هەڵسانەوەدا تێپەڕێ و ئاوڕ لە پەککەوتە و پەککەوتەییەکانی ناو پەکخستن نەداتەوە و هیچی تر خۆی نەخڵافێنێت بە ژمارەی سوا و سەقەتەوە، کە جگە لە سڕینەوەی جوانییەکانی تری یەکیتی هیچ تر سەوز ناکەن بۆ کەس و کاری شەهیدان و یەکێتی و کوردستان.
لە دواجاردا دەبێت بزانین یەکێتی قوربانی دەوێت، قوربانیش بە خوێنی نوێ و هێزی نوێی دەوێت و دەکرێ نەک کەسێک کە خۆی بە تۆپزی توانای هەنگاوێکی نەبێ و داوا لە ئەندامانی بکات هیمەت بکەن تا یەکێتییەکەمان سەربکەوێت..!.

سمبولی کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت
شەهاب کەریم

ئەرشیڤی بەڕێز: شەهاب کەریم