بەرهەم کادار: لەکۆنفڕانسسی میونشن چی باس نەکرا،کورد چی دەست کەوت، ئامانجی چی بو؟

ئەم کۆنفرانسە کە ساڵانە دوبارە دەکرێتەوە بێ گومان بێ ئامانج نیە، بۆ ئاڵوگۆڕکردنی ڕای ئەو دەوڵەتانەیە کەبەهێزن یان بەشێوەیەکە پەیوەندیان بەبابەتێکەوەوە هەیە، بابەتە سەرەکیەکانی ئەم کۆنفڕانسە لەهۆڵەسەرەکیەکاندا ئەنجام دەدرێ و […]
سمبولی کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

ئەم کۆنفرانسە کە ساڵانە دوبارە دەکرێتەوە بێ گومان بێ ئامانج نیە، بۆ ئاڵوگۆڕکردنی ڕای ئەو دەوڵەتانەیە کەبەهێزن یان بەشێوەیەکە پەیوەندیان بەبابەتێکەوەوە هەیە، بابەتە سەرەکیەکانی ئەم کۆنفڕانسە لەهۆڵەسەرەکیەکاندا ئەنجام دەدرێ و دەبێتەجێی سەرنجی میدیا جیهانیەکان و، بیرۆکەی نوێی نێوان ملانێی دەوڵەتەکان بابەتی گفتوگۆیە. بەدەر لەهۆڵەسەرەکیەکیەکان ژورو هۆڵە بچوکە داخراوەکانیش هەن کە نەمیدیای کۆنفڕانس و میدیای جیهانی گرینگی پێنادات و لەبەرنامەی کۆنفرانسەکەدا نین. جا ئەگەر کەسەکە وەزیری دەرەوەی هەر دەوڵەتێکیش بێت، نابێتە بابەتی بڵاوکردنەوەی میدیاکان. بۆ نمونە تا کێشەی هواویی و چین و ناتۆ و ئەوروپاو ڕوسیا هەبێت، کورد نە سفری دوای فاریزەیەو نە خاڵی کۆتای لاپەڕەیە. لەم کۆنفرانسە سێ ڕۆژیەدا هەموشتێک گەر بابەتی سەرەکی گفتوگۆ بوبێت، داعش بابەت نەبو. گرنگی داعش کۆتای پێهات و چی تر ئەو بابەتە جیهانیە نیە سەرنجی بدرێتێ کوردیش نەی توانی سودی لێ وەر بگرێ، بابەتێکی هەرێمی بوو دروستکراوێکی کاتی بوو، بەڵام ئێمە لەکۆنفرانسی ئاشتی و ئەمنی و ژینگەی و تەندروستیش هەر داعشمان بەدەستەوە ماوە، لەبەر چاوی ناوەوە خۆمان دەرخەین و بەستکەوت پێشانی بدەین. بینینی پۆمپیۆ بۆ سەرکردەی کورد تەنها بەیعەت تازەکردنەوەیەکەو بابەتی گفتوگۆش زۆر ئاسانە، منیش سەرۆکی حکومەتی هەرێم بم لەعیراقێکی بێسەرەو بەرەدا دەڵێم: ئێمە هەرێمێکین نەوتمان زۆرەو کۆمپانیاکانتان بنێر کوردوستان بیکەن بە بێژنگ و نەوت دەرهێنن. ئەمریکاش بازاڕی شێواوی دەوێ. ئەمە هەمو دەسکەوتی کوردە بەدێژای کۆنفڕانسەکان.

دوەم /بابەتی جیهانی
کۆنفرانسی ئەمجارەی میونشن چەند ئەنجامێکمان لە کۆتای کۆنفرانسەکە لەدوای بابەتی کۆنفڕانسەکە بۆ دەردەکەوێت. تێکدانی ژینگەی جیهانی بەهۆی پیشەسازیە زەبەلاحەکەی چینەوە، هەروەها بەهانەی ئەمریکیەکان بۆکومپانیای هواوی، کە جاسوسی دەکات بەسەر خەڵکەوە. ئێستا گەر ئەمریکا هێندە خەمخۆری جیهانە هەر خۆی فەزیحەتی چاودێری هاوڵاتی لێ کەشف نەبو بەهۆی ئەپڵەوە کە ئیدوارد سنۆدن کەشفی کردو ڕای کرد بۆ ڕوسیا. خێرە ئێستا بۆ هواوی کێشەیە؟
بابەتێکی تر هەم پێش کۆنفڕانس و هەم دوای کۆنفڕانس طالیبانی ئەفغانستانە، کە ئەمریکیەکان گفتوگۆو ڕێکەوتنیان ئەنجام داوە. حکومەتی ئەفغان لەڕێگەی سەرۆکی دەوڵەتەکەوە ئەشرەف غنی ناڕەزایەتی خۆی دەربڕی لەو کۆنفڕانسەداو، کە نەی زانی چۆن ڕێکەوتون. من بەڕای خۆم وای دەبینم ئەم کارە بۆ دژی ئێران کراوەو تاکو بەوشێوەی ئەمریکا دەیەوێت هەڵسوکەوت بکات.
بابەتیکی تر باس نەکراوی گرینگ پرسی ناتۆیە
ئەمریکا بەرنامەی وایە مادام عیراق بریاری دەرکردنی هیزی ئەمریکای داوە لەبەرامبەردا هیزی ناتۆ دەهێنرێتە ناو عێراق. واتە گەر گفتوگۆ نهێنیەکان سەربگرێت و دەوڵەتانی ئەندام ڕازی بن، گەر ڕازیش نەبن سەرجەمیان هەردەوڵەتەو بەگوێرەی پشکی خۆی لەناتۆ هێز بنێرێ بۆ عراق، ئەمەش بۆ دوو مەبەستە، یەکەم/ هێزی ڕوسی یان فەراغ بۆ ڕوسیا دروست نەکات. دووەم/ دژی ئێران لەجیاتی هیزی ئەمریکی لەعیراق بن.

بابەتی سێەم و چەندین بابەتی تری گرینگ/ وەک گلەی لەڕوسیاو کێشەی ئێران، کە زۆر بابەتی کۆنفڕانسەکەبو گرینگی کۆنفڕانسەکەبو، ئێرانیەکان یان زەریف وەزیری خاریجی لە گفتوگۆکانی هیچ نەرمیەکی نەبو، تەنانەت گلەی هەبو لەبابەتی کوشتنی قاسمی سولەیمانی. ئەمریکیەکان لەم بابەتەدا بەدوای گەلەکۆمەکێیەکی خێراوەن دژی ئێران. ئەڵمانیاش دوای درێژ کردنەوەی گفتوگۆی هەردوولاو، ڕێکەوتنی هەردولای دەکرد. فەرەنساش خەمی دەریای ناوەراست و داهاتوی ئەوروپای هەبوو.
ئیستا سەرئەنجام لەم کۆنفڕانسە ئەمانەمان بۆ دەردەکەوێت
1- ئاڕاستەکردنی تاکلایەنەی کۆنفڕانسەکەو کاریگەری ئەمریکا لەناو کونفرانسەکەدا
2- لاوازی ئەوروپاو کێشە جیا جیاکانی کۆچبەری سوری و ژینگەو یەکلای نەبونەوەی ئەوروپا لەبەرەی ئەمریکا دژی ئێران
3- فشاری ئەمریکا لەچین تاکو ڕێکەوتنی لەگەڵ بکات و دەست لەپشتیوانی ئێران هەڵبگرێ
4- ترسی ئەمریکا لەهیندو چین وەک دوو هێزی زەبەلاحی ئاسیا بەئابوورییەکەشیانەوە
5- دروست بونی دوو جەنگی سارد، یەکەم/ جەنگی ساردی ئابوری دژی چین – جانگی ساردی هەمەلایەنە دژی ڕوسیا.
ئیستا پرسار: کورد لەکوێی ڕووبەڕوڕونەوەی کۆمپانیای هواویدایە، کە ئەمریکا داوا لەئەوروپا دەکات ڕووبەڕووی ببنەوە؟
کورد لەکوێی هاوپەیمانی دژی ئێراندایە، لەکاتێکدا دەیانەوێت لەم ڕووبەڕووبونەوەیە عێراق بپارێزن؟
ئایا حکومەتی هەرێم بەشێک نیە لەنائەمنیەتی خۆرهەڵاتی ناوەڕاست بەهۆی گەندەڵی ئابوری و کۆچی گەنج و عەقلیەتی میلشیایی، یان هیشتا بەهۆی داعشەوە بازرگانیمان پێوە دەکرێت.

سمبولی کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت
بەرهەم کادار

ئەرشیڤی بەڕێز: بەرهەم کادار