عوسمان عومەر: 183 ساڵ لەمێژووى ئیسلام دیارنییە؟ چى لێ بەسەرهاتوە؟

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

دواى ئەوەى کاک کارزان کۆیی ووتارێکى پر دیکۆمێتى لەسەر بوخارى بلاو کردەوە و، وێراى دەستخۆشیم لەبەرێزیان، هەندێ گەرانم لەپێگەکانى ناو ئەنتەرنیت کرد و، ئەو ووتارەم بەرچاوکەوت کە یەکیان دکتۆر نزار الحیدرى نوسیویەتى و بلاوى کردۆتەوە لەپێگەى. amazighworld.org لە 28/ئایارى 2018 . هەروەها ئەنیس محەمەد صالح لە 24ى ئەیلولى 2017و، هەروەها ئەندازیار عدنان الرفاعى لیکۆلەرو بانگخوازى ئیسلامى لەو بارەیەوە نوسیویانە. پێم باشبوو خوێنەرى کورد ئاگادارى ئەو ووردەکاریانە بێ، بۆیە وەرمگێڕایە سەر زمانى کوردى. بۆئەوەى چیتر خەلک نەگەمژێنرێ و مێشکى گەنجان بەهەندێ شتى پرۆپۆچ پر نەکرێت.
نوسەرەکان دەلێن لیرەدا دەمانەوێ ئەوەى ئەو بابەتە دەخوێنیتەوە مەبەست تانەوتەشەر نییە لەهیچ لەکەسێ، بەتایبەت زانایان و بانگخوازە ئیسلامیە بەڕێزەکان، تەنها مەبەست بابەتێکى مێژووییە و پێویستمان بە وەلامى ڕاست و ڕەوان هەیە سەبارەت بەو پرسیارانەو نیشانەى پرسیارەکان، وەک باوەردارێک.
بابەتەکە لێرەوە دەست پێدەکات، زۆربەى زۆرى موسلمانان پشت بەفەرمودەکانى پێغەمبەر(د.خ) بەتایبەت سەرچاوەکانى صحیح موسلم و بوخارى و ترمزى و….هتد، دەبەسترێ و جێى گومان نییە بەپێى بیروچونەکانیان. بابڕوانینە هەندێ راستى مێژووی، پێغەمبەرمان د.خ کەساڵى 11 ى کۆچى لەدونیا دەرچووە:
• صحیح بوخارى: بۆخارى کێیە؟ محەمەد کوڕى ئیسماعیل کوڕى ئبراهیم کورى مەغیرە کوڕى بردز جەعەفى ناسراو بەبوخارى، چونکە لە بوخارا لەخوراسان ئۆزبەکسانى ئیستا لەدایک بووە لە سالى 194ى کۆچى و ساڵى 256ى کۆچى کۆچى دوایی کردوە، لە لەتەمەنى 62 ساڵى، واتە 173 ساڵ دواى وەفاتى حەزرەتى محەمەد المستەفا؟
• صحیح موسلیم کێیە؟ ئەبو الحسن مسلمى کوڕى حەجاجى نیسابوریە لە نیسابورى وولاتى فارس سالى 206 ى کۆچى لەدایک بووە, سالى 261ى کۆچى, کۆچى دوایی کردووە. لە تەمەنى 54 ساڵى واتە 195 ساڵ دواى وەفاتى پێغەمبەرمان.
• سنن النسائى: ناوى ئەبو عبد الرحمن ئەحمەد کوڕى شوعەیب کوڕى عەلى کوڕى بەحر کوڕى سنانى نسائى سالى 215ى کۆچى لەدایک بووە، شارى بنساء شارێکى بەناوبانگ بووە لە خوراسانی ئۆزبەکستانى ئیستا و، لە شارى ڕەملەى فەلەستین سالى 279ى کۆچى, کۆچى دوایی کردوە لە تەمەنى 70 ساڵى. واتە 204 ساڵ دواى وەفاتى پێغەمەرمان.
• ترمذى: ناوى محەمەد کوڕى عیسا کوڕى سنورە کورى موسا کورى زوحاکى سەلەمى ترمذى نازناوى ئەبو عیساى ترمزى, لە شارى ترمذ لەخواروى ئۆزبەکستان سالى 209ى کۆچى لەدایک بووە و سالى 279 کۆچ،ى کۆچى دوایی کردووە لە تەمەنى 70 سالى. واتە 198 ساڵ دواى وەفاتى پێغەمبەرمان.
• ئیبن ماجە ناوى عەبدوڵا محەمەد کوڕى یەزید کوڕى ماجەى ڕەبعى قەزوینى لە وولاتى فارس لەدایک بوە ساڵى 209ى کۆچى و لە رەمەزانى 273ى کۆچى دوایی کردووە. خۆزگەم بەخۆى لە ئاگرى جەهەنەم دوورە، چونکە لەرەمەزان دا مردووەو لە رەمەزان هەمو مردوان دەبەخشرین لە گوناهو کردەوە خراپەکانیان. لەتەمەنى 64 ساڵى واتە 198 ساڵ دواى وەفاتى پێغەمبەرمان.
ئەو موسلمانان و خواناسانە سەرچاوەى هەموو فەرمودەکانى پێغەمبەرن، ئەوانە ڕاستگۆترین کەسانن کە هەموو ئۆمەتى ئیسلام بە راستیان دەزانن و هەموو فەرمودەکانیان دیکۆمێنت کراوە؟ بەلام ئایا ئەوان لە چ دێکۆمێنت یا دەستنوسێک فەرمودەکانیان وەرگرتوە ؟ خۆ ئەوانەى لەگەڵ پێغەرمبەر بون هیچیان لە دونیا نەمابون یا ئەوانەى گوێیان لە فەرمودەکان بوە کەسیان لە ژیان نەماون؟ ئایا نەوەکانیان بە شێوەیەکى دروست فەرمودوکانیان لەبەربووە؟ ئایا شتى نەخراوەتە سەر یا بۆ زیاد نەکراوە؟ لەهەموشى گرنگتر ئەوەیە ئەوانە هیچیان بنچەیان عەرەب نین و خەلکى نیمچە دورگەى عەرەب نەبون؟ و ئایا پێغەمبەرمان هیچ ڕاسپادەیەکى نەبووە بۆ نوسین یا کۆکردنەوەى فەرمودەکانى؟ کە و

• ئەبوبەکرى سدیق (ر5خ) لە سالى 11ى کۆچى تا 13ى کۆچى= 632ى زاینى
• عومەرى کوڕى خەتاب ڕ5خ لەسالى 13ى کۆچى تا 23ى کۆچى = 634ى زاینى
• عوسمانى کورى عەفان ر5خ لەسالى 23ى کۆچى تا 35ى کۆچى = 644ى زاینى
• عەلى کورى ئەبوتالیب ر5خ لەسالى 35ى کۆچى تا 40ى کۆچى = 661ى زاینى
• معاویەى کورى ئەبوسفیان لەسالى 41ى کۆچى تا 60ى کۆچى = 661 تا 68٠ى زاینى
• یەزیدى یەکەم کورى معاویە لە سالى 60ى کۆچى تا 64ى کۆچى= 680 تا 683ى زاینى
• معاویەى دوەم کورى یەزید لەسالى 64ى کۆچى تا 65 ى کۆچى = 684تا 685ى زاینى
• عەبد المەلیکى کورى مەروان لە سالى 65ى کۆچى تا 86ى کۆچى = 685 تا 705 ى زاینى
• وەلیدى کورى عبد المەلیک لە سالى86ى کۆچى تا 96ى کۆچى = 705 تا 715ى زاینى
• سولەیمانى کورى عبد المەلیک لەسالى 96ى کۆچى تا 99ى کۆچى = 715 تا 717ى زاینى
• عومەرى کورى عەبدالعزیز لەساڵى 99ى کۆچى تا 101ى کۆچى = 717 تا 720 ى زاینى
• یەزیدىدووەمى کورى عبدالمەلیک 101ى کۆچى تا 105ى کۆچى = 720 تا 724 ى زاینى
• هیشامى کورى عەبد المەلیک لەسالى 105ى کۆچى تا 125ى کۆچى= 724 تا 743ى زاینى
• وەلیدى دووەم کوڕى یەزیدى دووەم 125ى کۆچى تا 126ى کۆچى = 743 تا 744 ىزاینى کوژراوە
• یەزیدى سێیەم کوڕى وەلیدى یەکەم 126ى کۆچى تا 126 ى کۆچى = 744ى زاینى
• ئیبراهیمى کوڕى وەلیدى یەکەم 126ى کۆچى تا 127 ى کۆچى = 744 زاینى کوژراوە
• مەڕوانى دووەم کورى محەمەد 127ى ى کۆچى تا 132ى کۆچى = 744 تا 750ى زاینى کوژراوە
• ابو العباس السفاح عبدولا کورى محەمەد 132ى کۆچى تا 136ى کۆچى = 750 تا 754ى زاینى
• ئەبوجەعفەر النصور عەبدولا کورى محەمەد 137ى کۆچى تا 158ى کۆچى = 754 تا 775ى زاینى
• المهدى: ابو عەبدوڵا محمد کوڕى عەبدوڵا 158ى کۆچى تا 169ى کۆچى = 775 تا 786 ى زاینى
• الهادى: موسى کورى محەمەد 169 ى کۆچى تا 170 ى کۆچى = 786 تا 787 ى زاینى
• هارون الرشید: هارون کورى محەمەد 170ى کۆچى تا 193ى کۆچى = 787 تا 809 ى زاینى
• الامین : محەمەد کوڕى هاڕون 193ى کۆچى تا 198ى کۆچى = 809 تا 814 ى زاینى
ژمارەى خە لیفە عەباسیەکان 37 خەلیفە بوون لەدواى ئەمین, مەئمون هاتوەو، دواتر معتصم و دوا خەلیفەشیان المستنصر بیلا بووە ساڵى 656 بەرامبەر 1258ى زاینى دەکات کاتێ تەتەرەکان گەیشتنە بەغداى پایتەخت و بە لەقە کوشتویانە.
جارێکى دیکە دەلێم بوخارى و موسلیم و نیسائى و ترمزى و ئیبن ماجە هەر هەمویان نە ئەوانەیان ناسیوە نەلەگەڵیان ژیاون هەروەها خەلیفە ڕاشیدیەکان و فەرماندەکانیان5 پرسیارەکە ئەوەیە ئەم هەموو فەرمودەیەى پێغەمبەریان لەکوێ هێناوە؟ سەرچاوەکانیان و ئەوانەى بۆى گەڕاونەتەوە کێ بوون؟ شایەتحالەکانیان بۆ ئەو فەرمودانە کێ بون؟ کوا دیکومێنت و دەستنوسەکانى بەدەست خەتى خۆیان نوسرابێ وەک خۆى؟ واتە 200, 300, 500 فەرمودەم بۆ دەنوسى, دەبێ هەمان ژمارە دەق و دەستنوس بونى هەبێ؟ چونکە ئەوە ئاینێک و شەریعەتێکە و ئەوە ڕاوبۆچون نییە تا کامەیمان پێ باش ئەوەیان هەلبژێرین و بە دڵمانبێ؟

کوان گوتارەکانى ڕۆژانى هەینى؟
بێگومان هەرلە ئاشکرا بونى پەیامى ئیسلام هەموو هەینیەک نوێژکراوەو ووتارى هەینى هەبوە5باس لەوەناکەم کە پێغەرمبەرمان درودى خواى لێبێ پەیامەکەى 21 ساڵ بەردەوام بوو بەلام وا مەزەندە دەکەم کە 10 ساڵ بێت با ژمیریاریانە لێکى بدەینەوە لە مانگێک دا 4 هەفتە هەیە,ساڵیش 12 مانگە واتە12×4 = 48×10 =480 ووتارى هەینى کوا؟کە پێویست بوو لە کتێبەکانى بوخارى و ئەوانى دیکە بونى هەبێ, هیچ نەبوایە 50 وتاریان دیاریبکردایە قسەمان نەدەبو … ئایا گونجاوە بوخارى موسلیم هەزاران فەرمودەی پێغەمبەر بەگشتى و شەخصیەکانى ئاخۆ چەندیشیان بەهۆى لاوازى و نەگونجاوى ڕەتکردبێتەوە باشە بۆچى حەوسەلەى نوسینى چەند ووتارێکى هەینى پێغەمبەریان نەبووە؟ خۆتان خاوەن بڕیاڕبن. ئایا گومانێکى لۆژیکى نییە؟
چەند پرسیارێکى لۆژیکى:
• نوسەرەکانى پێغەمبەر(ص) لەکوێ بون؟چییان نوسیوەتەوە؟
• کوا ئەوانە ئاڵ بەیت (ر.خ) گوتویانەو نوسیویانە؟
• کوا ئەوانەى هاوەڵانى پێغەمبەر(د.خ ) نوسیویانە؟
• کوان ئەوانەى شتەکانى لەبەرکردبوو باوەڕ پێکراوەکانى کەسایەتیەکانى عەرەب؟
• ئایا پیاوە ئاینیەکانى ئەوکات و سەردەمە هیچ رێکەوتنێ یاگوژمەیەکیان نەکردوە لەسەر حسابى ئاین؟
• ئایا سەردەمى ئەمەویەکان هێندە ئالۆزبووە کەئەو فەرمودانە رێگەپێ نەدراوبێ یا ساختەکرابن؟
• کێ ئەو دەستنوسەى فەرمودەکانى سوتاندوە یا لەناوبردوەکە بەووردى بەشایەتحالەکانەوە نوسراون؟
• کێ بەرژەوندى هەبوە لە دەرنەخستنى ئەو ڕاستیانە,ئایا ترسى بەرەنگاربونەوەو شوۆرش بووە؟
• ئایا گرژى ئاڵۆزى نێوان ئەمەویەکان و ئاڵ بەیت هۆکار بون بۆ دەرنەخستنىان؟
• گەر بوخارى و موسلیمتان دەست نەکەوتایەلەرۆژگارى ئەمرۆدا چیتان دەکرد و دەگوت؟چون ئەوفەرمودە وسوننەتانەتان دەناساند؟ سەرچاوەکان کێ دەبون؟ یا لەسەرەتاو کۆتاى ئیسلام هەر کارتان بە قورئانى پیرۆز دەبوو؟
• کێ بەرژەوەندی لەودابوەکاربە قورئانى پیرۆز نەکرێ فەرمودەکان پێش بخرێن کە گوتەى پێغەرمبەرمانە قەدەغەکراوى تێدا هاتوە کەخواى گەورە قەدەغەى لەسەردانەناوە لەقورئانى پیرۆزدا.
دواى ئەو خستنە ڕووە گونجاوە لەدواى وەفاتى پێغەمبەرمان 6 نەوە و زیاتر لە 183 ساڵ و 24 خەلیفەى موسلمانان کە دلسۆزو باوەردارو پارێزەرى ڕاستەقینەى ئیسلام و کەسى وایان نەبوە تا بچن لە موسلمانانى خوراسان وولاتى فارس خەلک بهێنن و ئەوان پێمان بلێن پێغەمبەرمان چى فەرموە؟ ئایا ئال بەیت و هاوەڵانى و باوەرپێکراوان و نوسەرانى, دیارە هەموو هۆزى عەرەب لەخەوى غەفلەتابون یا مردبون! تەنها راستیمان دەوێت کە پێمان بگوترێ 6 نەوە و 183 ساڵ چى رووى داوە چ دەستنوسێک هەبوە لەسەر پێغەمبەرمان نوسرابێتەوە؟ بەبەڵگەى تەواوو خەوشى تێدا نەبێ, دەق و دەستنوسى ژیارى سۆمەریەکان و بابلیەکان و فیرعەونەکان کە لەگرنگترین ژیاریەکانى سەردەمى خۆیان بون تا ئیستا ماون, دەبوایە سەردەمى پێغەمبەرمان پێشکەوتوتر بوایە لە و ژیاریانە، چونکە ئەوان چەند هەزار ساڵ پێش ئیسلام بون. کوا دەستنوسەکانى سەردەمى خەلیفەى موسلمانان هارونە رەشید کە شیعرو گوتارو هونەرى تێدا کۆکرابۆوە؟
لەکۆتایی دا تێمان گەیەنن وپێمان بلێن ئایا پیلانگیرى و خیانەتکارى بەسەر ئاینەوە کراوەلەلایەن خودى موسلمانانەوە؟ نە رۆمەکان و نەتەتەر و نە فارسەکان نەگەیشتونەتە مەککە تا ئەمرۆش؟ بەلام خەلیفە موسلمانە عەرەبەکان بون هێرش وپەلاماریان بردۆتە سەرکەعبە و وێرانیان کردووەو سەحابیەکان و هاوەڵانیان کوشتوە…!
گەر پیلانگیرى و خیانەتکارى و دزى وفەوتاندن و سوتاندنى بەمەبەست بۆ فەرمودەکانى پێغەمبەرمان کە هیچ دەقیک یا دەستنوسێکى نەمابێ. کەواتە کتێبەکانى بوخارى و موسلیم و ئەوانى تریش چەند کتێبێکن ناتوانرێ پشتیان پێ ببەسترێ، چونکە ئەوانیش نەسەرچاوە نە دەق نە دەستنوسیکى رەسەنیان بەکار نەهێناوە واتە ئەوانە ساختەکراون ویا تەحریف کراون. ئایا لەوە ترساون کە ئۆمەتەکە لە دەست دەرچن و وەرگەرێن ئەوکات عوزر لە قەباعەت خراپتر. گوناهیشمان دەگات باوەر بە هەندێ فەرمودە نەکەین کە پێغەرمبەرمان فەرمویەتى و لەبرى ئەوانە فەرمودەى تر تۆماربکرێ کە هیچ پالپشتیەکى مێژویی و ماددى و راستى تێدا نییە کە بخرێتەروو. واتە شێواندنى راستى و تىحریفى تێدا هەبوە وەک چۆن هەندێ ڕاستى میژووى ئیسلام وڕیوایەت کردنى هەندێ داستانى خەیالى کە سەرچاوەکانیان نازانرێ چۆن هاتون.