ئاکۆ برایم : عیشقێک بەتامى کابینەى هەشت .
بۆدیدارت پەرێشانم
بۆچى لێم بووى بەکارەبا
بەچەند شەو دێیتە جێژوانم
**
سینەت پڕ لەرقو قینە
بێ وەفایت و راستیت نى یە
وتەکانت
وەکو قسەى کاک سەفینە
**
ناخت پڕ لەنهێنى یە
لەخۆت زیاتر ناهێڵى کەس
پێى بزانێ
هەروەکو جانتارەشەکەى
جەنابى ئاشتى هەورامى
**
بەس ئەمرکە ئەفڕم بەباڵ
ئەبم بە سایە بەرەشماڵ
توخوا گوڵم جنێو مەدە
تۆش لێم مەبە
بەوەزیرەکەى کشتوکاڵ
**
بەماستاوى حساب ئەکەیت
یان مەرایى
دێوانەم بۆت، بەنیازم بێمە داوات
بەڵام چى بکەم قاسەو گیرفانم خاڵى یە
چەشنى وەزیرى دارایى
**
بەگلەیت
لەلاى خەڵک باست کردووم
ئەوەى هەمە هەر رووکەشە
شکڵ و بەرگە
دەستم ناڕوات
کۆپیەکم هەروەک
وەزیرى پێشمەرگە
**
لۆمەم مەکە مەڵى عاشقى
هیچ نەزان
نە بەرنامەت هەیە بۆمن
نەبۆ ژیان؟!
زویر مەبە، واحسابکە
منیش بۆمەتە بەشێک
لەوەزارەتى پلان دانان
**
کەزیز ئەبیت
ئەڕۆیت و ناگەڕێیتەوە
هەروەک مووچە
بەدووسێ مانگ
ئەوجا ئیتر بەنابەدڵى
دێیتەوە
**
تۆ ئەمرکە بڵى بمرە
یەکسەر ئەمرم
هەرچى بڕیارێک دەر ئەکەى
وەکو ئەندامى پەرلەمان
قبوڵى ئەکەم، بێ موناقەشە
دەست هەڵ ئەبڕم
