tenha-4-480x300

ئەفسانە سروش : جاڕی ژن بوونم .

Avatar photo

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت
 

جاڕی ژن بوونم

ده‌مه‌وێ

ڕێگه ‌له‌مردن بگرم

هه‌موو ده‌رگاکانی

ژیان بکه‌مه‌وه‌

خۆم پاك بکه‌مه‌وه‌

پاك پاك

له‌کفرکردنی

په‌شیمانی ژن بوون

له‌کافربوون

له‌ئاستی ژنیه‌تیم

خۆم له‌ئاوی ته‌وبه‌

هه‌ڵکێشم

ئیمان به‌ ژنیه‌تی خۆم بهێنم

به‌سه‌ر پلیکانه‌کانی

سه‌ختیدا سه‌رکه‌وم و

هه‌موو تیخه‌ مل بڕه‌کان

له‌سه‌ر گه‌رده‌نی

ئاواته‌کانم بشکێنم

یه‌خه‌ی دین و

نه‌ریت و کۆمه‌ڵگه

له‌به‌ر خۆمدا دابدرێنم

ژن بوونم ده‌ربێنم به‌تاوانی

جوانی له‌ قه‌فه‌س

ڕه‌نگ بکه‌م نه‌خشی

باڵی په‌پووله‌ی ژیان

سێ به‌رد

له‌ده‌ستی ترس بنێم و

له‌هه‌موو دنیادا

جاڕی ژن بونم بده‌م

 

 

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت