بەهرۆز جەعفەر : ساڵی 2013 ناوبنێین چى ؟

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

2013 : ناوى تێکچونى خانەو شانەکانى بونیادى نەتەوایەتیمانە ، ئەوانەى دەیانەوێت بکۆلنەوه له ( ئاسایشى نیشتمانى و ستراتیژیی نیشتمانیی ) و بەهێز بکەن ، یەکسەر نەخشەیەک دەکێشن و ، بوعدەکانى ئەمنى قەومى تیا دیارى ئەکەن ، کە پێویستە بەهێز بکرێت وەک : لایەنى سەربازیی و سوپایەکى نیزامى و پۆشتەو پەرداخ … ئابوریی بەهەموو لقەکانى ( سەرمایە .. بانک .. کشتوکاڵ .. پیشەسازیی .. لێکدانەوەى مەترسییەکانى سپى کردنەوەى پارە (غسیل الاموال ) .. بوعدى کۆمەڵایەتى و ڕۆشنبیریی .. بوعدى سیاسیی کەئاسایش لەخۆئەگرێت ..) . لە (2013) سەرکردایەتى سیاسیی و ئۆپۆزسیۆن و جۆرەکانى میدیاى مورتەزەقە لە کوردستان ، هاتن هەموو ئەم لایەنەنایەن تێک پێک شکاند ، نەک بەهێزى بکەن ،، هاتن لەبرى دەزگاى هەواڵگریی باش ،، ترسیان خستە سەر کیانەکە ،، لەبرى بەهێزکردنى ئینتماى تاکەکان ، کاریان کردە سەر ڕووخانى کەسێتى تاکى کوردیی ..

ئەوەى بەعس نەى کرد ئەمان تەواویان کرد… بەعس و حکومەتە یەک لەدواى یەکەکانى عێراق وێڕاى بەهێزیی و بەرنامە ڕێژییان ، توانییان خاکەکەمان سوتماک بکەن ، بەڵام زمانەکەمانیان نەسر|ییەوە ،، توانییان ئەنفالمان بکەن ،، بەڵام لینکەکەکانى پەیوەندیی کۆمەڵایەتیان پێ لاقە نەکرا .. توانییان مەحکەمەى سەورە دروست بکەن ،، بەڵام ئێمە دادگاکانى کوردستانمان دواى (22) ساڵ کردە سەکۆیەک بۆ لێپرسینەوەى هەژاران و ڕۆژنامەنووسان .. من بەعس لە ساڵى (2000) گرتمى ، دواتر بەحوکمى مناڵیم : ناسنامەکەیان پێدامەوەو خستمیانە سەر ڕێ ،، کەچى ئەمان لەسەر ڕێش دەرمان ئەکەن ،، لەوڵاتى خۆمان غەریبمان ئەکەن .

2013 : ساڵى نەمانى پارەیە لەبانقەکانى کوردستان . پڕبونى ژێرزەمینەکانە لەفەردە دۆلا ر.. ساڵى بێ کارەبایی و تاریکى و تیرۆرى کەسایەتیەکانى کوردو ڕۆژنامەوانانە .. ساڵى خانەنشینکردن و بە بەرخۆریکردنى کۆمەڵى کوردەوارییە.ساڵى کەمبونەوەى ڕێژەى کوردە لەناوچە دابڕاوەکان .. ساڵى مادەى بەسەرچاوو تلیاک و هیرۆینە.

ئیدى ئەم گەلە ، قەدەرى وابووە ، هەر کەسایەتیەک ، سیاسییەک ، ڕۆژنامەنووسێک ، سەرنوسەرێک هاتووەو ، وەک گورگ ملى هەندێکى شکاندووەو هەندێکیشى بۆخۆى خواردووەو ڕۆیشتووە . بابزانین چى دیکە بەڕێوەن .!.

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت