پەشێو محەمەد ئەمین : ئۆجەلان چۆن نامە بۆ بارزانی دەنێرێت ؟؟ ..
وه ك ئاشکرايه فەلسەفەو ئایدیاو ستراتیجی پارتی کرێکاران ، تەواو پێچەوانەی سیاسەتی پارتی دیموکراتی کوردستانە . بە تایبەت لە کوردستانی ڕۆژئاواو باکورو باشور . هەمیشە پارتی وا خۆی وێناکردوە ،کە ئەو خاڵانەی پەیوەستن بە سەربەخۆیی نیشتمان و ، دۆزی کوردەوە ئەو خاوەنداریی دەکات و هەر خۆیشی ڕێبەری یەکەمە .
بەڵام ئایا ئەمە واقیعە ؟؟ . من نامەوێ بچمە ئەو تەفاسیلەوە ، چونکە تاک بەتاکی ئەم کۆمەڵگایە ، لەوە تێگەیشتوون ، کە ستراتیجی پارتی تا چەند نیشتیمانیە ؟؟ . دەمەوێ لێرەدا بوەستم و بۆچوونی خۆم لەو بارەیەوە ڕوونبکەمەوە ..
هەر لەسەرەتای دروستبونی ناسیۆنالیزمی کوردیەوە لەکۆتاییەکانی سەدەی بیستەم ، چەند کەسایەتیەک بە ماسکی شۆڕشگێریە وە هاتنە مەیدانەوە وەک و (ئۆجەلان و تاڵەبانی و بارزانی) . ئەوەی جێگای سەرنجە دەبینین یەکێک لەو کەسایەتیانە دەنوسێت (مرۆڤی کورد پیویستە بە بیروو مشتومڕوو هەڵسەنگاندن نیشتمانی خۆی بناسێ و بە گیان تێیدابژی)کە ئەمە وتەی بەڕێز ئۆجەلانە ، کەچی ئەگەر تائیستا نیشتمان هەردیلی وڵاتانی ئیستعمار بیت ،! بەڵام بۆ خۆیشی لەپاڵ نیشتمانداو لەپیناو ئەودا دیل بوون بەشەڕەف دەزانێت . نەک وەک ئەوانی تر میژووی شەڕی ناوخۆ بە خەڵک بفرۆشنەوە ، کە بەڕای من پیسترین و بۆگەنترین مێژووە لە سەرەتای دروستبوونی کەونەوە دەرحەق بەکورد ئەنجام درابیت . بۆیە شیعاری( یاکوردستان یا نەمان) قسەی دەم با بوو لەگەڵ هەورا ڕٶیشت . چونکە نەکوردستان سەربەخۆ بوو نە ئەوانیش بۆی فیدا بوون . بۆیە دەڵێم شەرعیەتی شۆڕشگێڕی ئەوکەسە وەری دەگرێ ، کە وەک ئۆجەلان بە گیان لە نێو نیشتماندا بژێت ، ئەمە مانای وایە کە ئەوان هەمیشە سیاسەتیان بۆخوود پەرستی و مانەوەی خۆیان کردووە ، وەکو بەرپاکردنی شەڕی ناوخۆو بنیادنانی دووئیداری ودرستکردنی زیندانی نهێنی ولیدان لە پارتی کریکاران و ، حیزبی دیموکراتی ئێران و ، دەم کوتکردن و سزادانی سیاسی وبە هەدەردانی سامانی ووڵات و … هتد .
ووتەیەک هەیە دەڵێت(پینەدۆز پێڵاو دروستدەکات ، بەڵام تەنها ئەوکەسەی پێڵاوەکە لە پێدەکات دەزانێت لە کوێدا پێی دەگوشێ) . بۆیە ئەو کەسانەی سیاسەت دەکەن تەنها گەل دەزانێت کە تاچەند ڕێبازەکەیان تاڵ و نادروستەو یا ڕێبازێکی نیشتمانیە …
بابێینەوە سەر باسی ئەوەی کەبۆچی ئۆجەلان نامە بۆبارزانی دەنیرێت ؟؟ من پێم وایە ئەمە هۆشداریەکە لە لایەن ئۆجەلانەوە بۆ بارزانی ، بەڵام بەزمانێکی سیاسی چونکە بەڕای من ئۆجەلان پێی وایە دەست تێنەوەردانی بارزانی لە سیاسەتی پەیەدە ، لەڕۆژئاوا خۆی لە خۆیدا پشتیوانیە . چونکە ئەوتێگەیشتووە لەوەی کە ئەوانەی سەرۆکایەتی حکومەتی خۆجیی و کانتۆنەکان دەکەن دنیابینی و مەنتقی سیاسی وئینتماو بەنیشتمانی بونیان زۆر لە بارزانی بەهێزترە !، چونکە وەک خۆی دەڵێت : بارزانی زیاتر لەئەفسەرێکی پلە باڵای تورک دەچێت ، نەوەک سیاسەتمەدارێکی کورد . کە لەپێناو بەرژەوەندی کورددا سیاسەت بکات ،، وەک ئاشکرایە ئەم پیاوە هەمووکات کوردستانی فرۆشتوە لە پێناو مانەوەی خۆی …
