PUK-1

دەرسیم دیبەگەیی : چەند تێبینییەک لەسەر سەروەریەکانی یەکێتیی نیشتمانیی کوردستان لە ڕۆژگارە سەختەکانی گەلی کورددا .

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

نووسینەوەی مێژوو زۆر جیاوازە لە نووسینی بابەتێکی ڕۆژنامەوانی یان دیمانە و ڕیپۆرتاژێک. ئەرکی نووسینەوەی مێژوو قورسترە لە نووسینی پەرتووکێکی ئاسایی سەبارەت بە بابەتێکی دیاریکراو، مێژوو نووسینەوە وردبینی، وریایی، هەڵە نەکردن، ئەمانات، ڕاستگۆیی و دڵنیابوون لە ڕاستی و دروستی ڕووداو و یاداشتکردنیانی دەوێ !

ئەوەی عوسمان کانی پانکەیی، لە نووسینی پەرتووکی ( سەروەریەکانی یەکێتیی نیشتمانیی کوردستان لە ڕۆژگارە سەختەکانی گەلی کورددا) تۆماری کردوون، کارێکی گرنگ و پڕ بایەخە، بەڵام ئەگەر بێتوو خۆی زیاتر ماندوو بکردایەو سەرچاوەی زیاتری بەکاربهێنایە باشتر دەبوو، بۆ نموونە کاسێتە کۆنەکانی دەنگی گەلی کوردستان بۆ سوود وەرگرتن لە مێژووی داستان، چالاکییەکان، ژمارە، ناوی شەهید و بریندارەکان، دەزگای شەهیدان و مەکتەبی شەهیدان بۆ وەرگرتنی ناوی تەواو و دروستی شەهیدەکان، هەروەها دیداری تایبەت و فرەی کەسانی بەشدار بوو لە داستانەکان و پەیوەندی کردن بە بنەماڵەی ئەو شەهیدانەی کە کوڕەکانیان لە شەڕێک، داستانێک یان چالاکییەکی دیاری کراودا شەهید بووینە .  

نووسەر زۆربەی ناوەکانی بە عارەبی نووسیوە، کە دەبوایە تەواوی ناوەکانی بە کوردی بنووسیبایە و چ پێویستی بەوە نەدەکرد ناوەکان بەمشێوەیە بنووسێت: محمد، أحمد، ناصر، محمود، ملا، محسن، سعید، صالح ، خفیفە ، عبداللە ، عبدالرحمن ، علی ، خلیل ، عمر، سید صادق و سەدان ناوی دیکە !

نووسەر زۆر گرنگی بە ناوی تەواوی شەهیدەکان و بەرپرسێتی هەندێکیان نەداوە ، کە دەبوایە بە هاوکاری دەزگای شەهیدان و مەکتەبی شەهیدان تەواوی زانیارییەکانی تۆمار بکردایە .

ئەم پەرتووکە چاپی چوارەمێتی، خۆزگە زووتر چاپی ئەم پەرتووکەم دەست دەکەوت بۆ ئەوەی زووتر لە چەندین هەڵە و کەموکوڕی ئاگادارم دەکردەوەو بۆ چاپی دواتر سوودی لە نووسینەکەم دەبینی. وا لە خوارەوەدا خاڵ بە خاڵ و لاپەڕە بە لاپەڕە هەڵەکانی نووسەر وەکو خۆی تۆمار دەکەم و دواتریش هەڵەکان دەست نیشان دەکەم و ڕاستیان دەکەمەوە. هیوادارم ئەم هەوڵەم سوودی هەبێت بۆ هەموو لایەک. هەرچەندە وەکو خوێندنەوە، ئەم پەرتووکەم نەخوێندۆتەوە بەڵکو تەنیا سەیرێکی بابەتە سەرەکییەکانم کرد و بەشێکیانم خوێندەوە، دڵنیام ئەگەر بە وردی بمخوێندبایەوە هەڵەی زیاترم دەدۆزییەوەو داستان و ڕووداوی گرنگتری تۆمار نەکراوی سنووری مەڵبەندەکانی (٣) و (٤)ی پارێزگای هەولێرم دەست نیشان دەکرد .

ل٤٠/ لە ڕۆژی ٥/١١/١٩٧٨ کۆبوونەوەی فراوانی لە شێنێ و گۆڕینی ناوی (کۆمەڵەی مارکسی لینینی کوردستان) بۆ (کۆمەڵەی ڕەنجدەرانی کوردستان) دوای خوێندنەوە و هەڵسەنگاندنی لەناو ڕێکخستنە نهێنی یەکان و شاخدا بە پێی گونجاندنی لەناو چین و توێژەکانی جەماوەری گەلی کورددا. نووسەر هەر خۆی لە لاپەڕە (١١٠)دا نووسیوێتی : (لە ٣/١١/١٩٧٨ کۆبوونەوەی کۆمەڵە ناوی کۆمەڵە لە کۆمەڵەی مارکسی – لینینی کوردستان گۆڕا بۆ کۆمەڵەی ڕەنجدەرانی کوردستان بۆ ئەو سات و کاتەی ناوبانگی لەناو جەماوەری گەلی کوردا ڕۆڵی کاریگەرو وەرچەرخانێکی باش بوو) .

عوسمان کانی پانکەیی لە دوو لاپەڕەی ئاماژە پێکراو لە سەرەوەدا، دوو مێژووی (٥/١١/١٩٧٨) و (٣/١١/١٩٧٨)ی بۆ گۆڕینی ناوی کۆمەڵەی مارکسی – لینینی کوردستان بۆ کۆمەڵەی ڕەنجدەرانی کوردستان دیاری کردووە، کە هەردووکیان هەڵەن .

شەهید شاخەوان (محەمەد عەباس عەوڵا)، ئەندامی سەرکردایەتی یەکێتیی نیشتمانیی کوردستان ، سەبارەت بە گۆڕینی ناوی کۆمەڵە لە لاپەڕە (١٩٨) ی (سەفەری کوردایەتی بیرەوەرییەکانی شار و شاخ ١٩٧٤-١٩٨٠)دا نووسیوێتی: ( کۆمەڵەی مارکسی – لینینی کوردستان لە ١/٥/١٩٧٩ لە بارەگای سالار عەزیز کۆبونەوەیەکی کرد، کە ژمارەیەک لە کادیران و سەرکردایەتی کۆمەڵە و لە ئەنجامدا لە کۆبوونەوەکە بەوە گەیشتن کە ناوی کملک ببێ بە کۆمەڵەی ڕەنجدەرانی کوردستان ).

بۆیە بۆچوونەکەی شەهید شاخەوان بە ڕاستتر دەزانم ، چونکە ژمارە (٤) ی وەرزنامەی کۆمەڵە، بەهاری (١٩٧٩) ، لە سەری نووسراوە : ( کۆمەڵە ، ئۆرگانی ناوەندی کۆمەڵەی مارکسی – لینینی کوردستان) ، بەڵام لە ژمارە (٥ ) ی هاوینی (١٩٧٩) دا نووسراوە: ( کۆمەڵە ، ئۆرگانی ناوەندی کۆمەڵەی ڕەنجدەرانی کوردستان ) .

بۆ خوێندنەوەی تەواوی بابەتەکە کلیک بکەرە سەر … سەروەریەکانی یەکێتیی نیشتمانیی کوردستان