Yusif

یوسف خەلیل : كەسی داهێنەر .

ئەم سەردێرە كۆمەڵێك دەستەواژە دەوروژێنێـت ، كە هەر یەكە بۆ خۆی سەكۆیەكە بۆ بیركردنەوە ، یاخوود خوێندنگەیەكە تا هەنگاوی تێدا بنرێت ، زۆرجاریش دەبێت چاوەروانی پێچەوانەكەشی بین ! ئەمانە لە فارگۆنی بیركردنەوەی تۆدا سەر دەردێنن ، ئێدی یا بێباكی ، یا هەموو تەمەنت دەكەیتە قوربانی لایەنێكیـــان ، یـا مەلە لــە نێوانیاندا دەكەیت ، ئێدی زۆرجاریش دەخنكێیت ! لەوانەشە بتوانیت بپەڕێیتەوە ! جا ئایا كردبێتت بە هۆكار بۆ پەڕینەوە یا گەشتن بێ بە ئازادبوون و وەدەستهێنانی ئارامی ، گە بێ هیوایی رێت پێنەگرێت نەتوانێت هەرەست پێبێنێت ؟
لێرەوە دەكرێت وەڵامی سەرەوەت وەچنگ بێت بۆ هەر یەك لەو تەكژانە و دۆزینەوەی گۆشەنیگا !! زۆرجار مرۆڤ دۆش دادەمێنێت و هیچ رێگا چارەیەك بەدی ناكات .. پێویستە هانا ببرێت بۆ خۆشكردنی رێگا لە رێی گەڕان و خۆدانە دەست سروشت .. بێگومان جێگۆڕكێ‌ و گۆڕینی دیدە و وەرگرتنی هەناسەی قووڵ دەبێتە كلیلی چارەی قۆرتمەكان ..
ئەم تەنگژانە لە هەموو هەنگاونانێكدا دێنە ڕێ .. گەر بتەوێت ئاكامی نڤارئاسا بەدەست بێ .. هێوور رێبكە و پەلەمەكە و پشوو درێژ بە ! لێرەوەیە كە دەكرێ بلێین مرۆڤ بەتەنها ناتوانێ‌ رێ بكــا بێ یاوەری دەوروبەر و ئەو كەشەی چاوی تێدا هەڵدێنێ‌ ..
كە گەشتینە ئەم بڕوایە و توانیمان دونیا بە روونی ببینین بێگومان هەوڵی جوانتركردنیشی بۆ دەدەین .. بۆیە شەونخونی پێویستە بۆ بچێژرێ .. زۆریشن ئەوانەی هەردێن و دەڕۆن و هیچ بەردێك ناخەنە سەر بەردێكی دیكە .. تەنانەت هیچ گۆشە پرسیارێكیشیان لا ناوروژێت ! ئەم جۆرانە بێ ئەوەی بە خۆیان بزانن نەبوون مەبەستیشیان نییە كە ببن لەوانەیە تاوانیشیان نەبێت تیایدا ! ئەگینا كەس لەگەڵ لە دایكبوونا .. هیچی لەگەڵ خۆیدا نەهێناوە .. نابێ ئەوەش لەیاد بكرێت كەش و هەوای لە دایكبوون و زەمینە سازان بۆ چۆنیەتی گەورەبوون .. گاریگەریی تەواوی هەیە لەسەر چۆنیەتی دروستكردنی كەسێتی ! چ داهێنەر یا بێباك واتە قۆناغی منداڵی .. چۆنیەتی هەڵسوكەوتكردن .. ئایندەی ئەو كەسە دیاری دەكەن .. یا بەرەو چ قۆناغێكی دەبەن ؟ .. واتە كەسەكان پێكەوە دەتوانن ئایندەی رێڕەوەكان دیاری بكەن چۆن؟ ..
گەر بتوانن پشت و پەنا بن بۆ یەكدی و بەرەخنەی پاك یەكدی تەواو بكەن لە شكستەكاندا دەستی یەكدی بگرن و ببنە هێزێك بۆ رووناكی و ئایندەیەك بۆ بەهیوابوونی ژیان گەر ئەمانەش بەدەست هات هیچی دیكی نامێنێت بۆ وتن؟

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies