یاسین ئیسماعیل : داعش لە نێوان سامسارا و تەوتەمدا .
وتاریکورد ماڵپەرێکی سەربەخۆ و ئازادە
ئەگەر چی بژێوی پێداویستە سەرەتاییەکان وای لەو خێڵە سەرەتاییانە کردووە کە باڵندەی کێوی یان گیانەوەرێک یان هەر شتێکی تر بکەن بە پەرستراویان ، ئەوا خاڵی جەوهەری هاوبەش لە نێوان تەوتەم و داعشدا برییەتیە لە غەریزە پەرستی ، بەشێوەیەک داعش بۆ گەیشتن بە غەریزە جنسییەکانیان جگە لەوەی کە لە دوای خۆیان جیهانێکی وێرانی جێدێڵێن ، هەوڵی مانای درۆینیش دەدەن وژیانێکی نا ئارام و پەرش و بڵاو بەرجەست دەکەن کە ئامادەگی ژیان کردن شێەوەیەکی بەردەوامی نییە . ئەمەش وادەکات خۆشییەکان ساتە وەختی بێت بۆ داعش چونکە بوونی ڕاستەقینە ناتوانێت خۆی بەرجەستە بکات ، ئەگەر چی تاکەکانی داعش بێ ئەوەی درک بە وە بکەن کە توشی ژیانێکی پوچ بوونە بەڵام هەمیشە دەبنە درێژە پێدەر خواستەکانیان ، گەر داعش وەک دەریایەک بێت ئەوا شەپۆڵی دەریاکان جولەی هێزی ئەو داعشەن کە لە جمو جۆڵدایە ، بە شێوەیەک دەتوانین بڵێین جیهانبینینی داعش ، جگە لە وێنەیەکی سەرابی هیچی تر نییە ، تا ڕادایەکی زۆر داعشییەکان لە دونایەیەکی فاتالیزمی دان کە بە ئاشکرا دەبینین چەکدارانی داعش هەمویان گشت بوارە نێگەتیڤییەکانی ناخی خۆیان دەرخستووە . سەرەڕای ئەوەی کە شوێنێکی هەمیشەییان نییە بەڵام کاردانەوەکانیان دەتوانن بۆ زەمەنێکی درێژ بژین .
وتاریکورد ماڵپەرێکی سەربەخۆ و ئازادە