ئەنوەر ڕەشید : ئەمە حومکەتە یا حوکمەت .

ئەم شتەی لە هەرێمی کوردستان پێی ئەوترێ حکومەت و لە راستیا ئەوان باندێکی بازرگانی نەخوێندەوارن و بوونیان بۆ ئەوەیە تا مسقاڵێک سامانی سروشتی نەتەوەیی لە ژێر زەمین و سەرزەمینی ئەو هەرێمە بمێنێ ، ئەوان دەستبەرداری حوکم نەبن. بەلایانەوە گرنگ نیە نرخی نەوت بەرز بێ یان نزم ، نرخی بەرمیلێک ببێ بە پەنجا سەنتیش ئەوان هەر دەری ئەهێنن و کەمیش بهێنێ لە گیرفانە بەتاڵەکانی خەڵکی دەر ئەهێنن . ئەوان لەگەڵ نەخوێنەواریان خۆێندنەوەیان بۆ میللەت هەیە ، ئەی ئەگەر وا نەبێ چۆن ئەیانتوانن چارەکە سەدەیەک بدزن و بکوژن و سامانی نەتەوەیی بە هەدەر بدەن و میللەت برسی بکەن و ببنە داڵدەدەر و خەڵات کردنی جاش و خۆفرۆشان و دەست بخەنە دەستی هەموو دوژمنانی نەتەوەکەمان و بە شانازیشی بزانن؟ ئەوان ئەزانن چۆن هەندێ خوێندەواریش ئەخەنە ژێر سایەی خۆیان و کارە ناشیرینەکانیان پێ ئەنجام بدەن ، من لێرەدا نموونەیەکی بچووکم دێتەوە یاد ، ئەڵێن برادەرێکی نەخوێنەواری پارتی کە نەیئەزانی ناوی خۆیشی بنوسێ و تەنیا زمانی تورکی و کوردی ئەزانی، لە ئەڵمانیا ئەژیا و لەگەڵ نوسینگەیەکی تورکی رێکەوتبوو کرێکاریان بۆ بەرێ سەعاتی بە دوانزە ئۆیرۆ بۆ هەر کرێکارێک بۆ پاک کردنەوەی کۆمپانیا زەبەلاحەکان ، لەملاشەوە کۆمەڵێ کەسانی خوێنەواری لە ( ئەندازیار و پارێزەر و مامۆستاو …. کە خاوەنی نزمترین بڕوانامەیان دیبلۆم بوو ) ئەبردە سەرکار بە هەشت ئۆیرۆ ( مانای نیوەی پارەی رەنجی هەرهەموویان پێکەوە ئەچوە گیرفانی ئەو نەخوێنەوارە و هەموو کارەکەشی ئەوەبوو بەیانیان ئەیبردن و پاش نیوەڕۆ ئەیهێنانەوە، دیارە وەک ئەڵێن ئەو برادەرە سەروحسابی خۆی نازانێ ، چونکە ئەیزانی گۆشتەکە لە کوێوە ئەخورێ .
دیارە ئەو نموونە بچووکە کەمێک لە ویژدانی تیا هێشتبووەوە ، بەڵام حکومەتی هەرێم ئەوەندە لەخۆی رازیە ، بە هیچ شێوەیەک حساب بۆ هاوڵاتی ناکات تروسکایی بۆ کەرامەتی خۆی نەهێشتوەتەوە و ئەوەش لە گەلۆریەتی و نەیتوانیوە مێژووی زۆرداران بخوێنێتەوە و دەرسی لێ وەگرێ، رەنگە راگەیاندنە بەکرێگیراوەکانی خۆیان لە خشتەیان بردبن و وایان وێنا کردبێ کە خەڵکی بە هەموو گەندەڵی و کەڵەگاییەکانیان رازین، یان ئەوەیە بەو هێزەوە ئەنازن کە لە ئوتومبێلە جام رەشە گوللەنەبڕەکانیانا خۆیان گیڤ کردوەتەوە، ئەڵێن قسە دێت و قسە ئەبڕێ ، بەم ئوتومبێلە گوللەنەبڕانە قسەیەکی هونەرمەند جەمیل سابیرم بیر هاتەوە کە ئەیوت ( من تێناگەم ئەمانە ئوتومبێلی گوللەنەبڕیان بۆچیە، خۆ میللەت تەقەیان لێ ناکا ، ئەو لە جیاتی تەقە تفیان لێ ئەکات ).
ئەمەی ئێستا لە هەرێما ئەگوزەرێ قەیران نیە ، ئەمە کارەساتە ، ئەمە گەمەیەکی مەترسیدارە بە قووتی رۆژانەی خەڵک ئەکرێ و بێدەنگ بوون لەو کەڵەگاییە بەشداریە لە خیانەتا ، بۆیە ئەو لایەنەی ئەیەوێ پێگەی خۆی جێگیر بکا و بەڕووی سورەوە بمێنێتەوە و نەچێتە زبڵدانی مێژووەوە ، ئەبێ روو لە شەقام بکات ، شەقام کە گڕی گرت وەک مووچە هەزەلیەکەیان بە نیوەیی نابێ ، شەقام زریان بەرپا ئەکات ، بۆیە پشتگیری کردنی ئەو باندەی بە ناهەق ناوی حکومەتی لێ نراوە ، دوژمنایەتی کردنی میللەتە ، میللەتیش کە راپەڕی هەرچی خڵتەی چارەگرانی زۆردار هەیە بە شیوی نەهامەتیا رایان ئەماڵێتە زێرابی شەرمەزاری هەتا هەتایی .

بەکلیکێک لەسەر سمبولەکانی خوارەوە ، ئەم بابەتە دەگات بەهاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies