کاوسێن بابەکر : کاک مەلابەختیار قسەی دڵی هەموومانی کرد .

 

لەناوەرۆکی قسەکانیدا خەمێکی گەورە نمایان بو ، بەردەوام پیداگری لە بەرپرسیارەتیەکی گەورەتر دەکرد ، گەورەتر لەڕێکەوتنەکان ، ڕێکەوتنی ستراتیژی یەکێتی پارتی ، گەورەتر لە ڕێککەوتنامەکانی ئۆپزسیۆنی پێشوو ، گەورەتر لە ڕێكەوتنامەی ئەم دواییەی گۆڕان و یەکێتی . بەرپرسیارەتیەک هەموان شانی بدەنەبەر دوور لەڕقی حزبی وتەماحی کەسی ، هەر ئەو بەرپرسیارەتیەش تەبایی و یەکڕیزی دێنێتەدی و ئەو یەکڕیزیەش پێشمەرجی سەرخستنی ئامانجی دوورو نزیکی گەلەکەمانە .

کاک بەختیار پشتیوانی سەرخستنی ڕێکەوتننامەکەیە تاڕادەی تێکەڵبوونەوە ، ئەو خاڵانەی ڕەخنەشی لێگرتن تەنها لەبەر ئەوەیە دەبنە ڕێگر لە وەدیهاتنی ئەم بەرپرسیارەتیە دەستە جەمعیە کە زەرورەتی یەکڕیزیە ، ڕێکەوتنێک دەبێ هەموان خەون و خولیاکانی خۆیانی تێدا ببیننەوە نەک دوور بخرێنەوەو خۆیانی لێ بەنامۆ بزانن ! یان خاڵی کۆسپ ئاسا دابنرێ و ئەوی تر نەتوانێ لێی نزیک بێتەوە ، یان دەستی یەکێتی ببەستێ لە گفتوگۆ و دانوسان لەگەل لایەنە ناکۆکەکان و ئەویش بکەوێتە قۆرتی لێکدابران !

سەرلەنوێ کاراکردنەوەی پەرلەمان پێویستی بەدانیشتن و سەرلەنوێ تەتەڵەکردنی بیرۆکەو پێشنیاری نوێێە نەک سور بوون لەسەر بیرۆکە کۆنەکان ، یەکڕیزی پێویستی بە لێبوردەییە نەک گەورەکردنی هەڵەکانی یەکتر ، هەموان چۆن کاریی باشیان هەیە بێ هەڵەو پەلەش نەبوون ڕێگری پارتی لە سەرۆکی پەرلەمان و ئاودیوکردنەوەی وەزیرەکان هەڵەی یاسایی و گەورەبوون ، بەڵام نابێ بەهەڵەی تر وەڵام بدرێنەوەو پارتیش  نابێ سوور بێ لەسەر ئەم هەڵانە ، دەبێ کاک مەسعود چ کاک نۆشیروان دەستپێشخەری گەورەبکەن مەرجی گەورەیی سەرکردە دەستپێشخەری گەورەیە ، واتا پیاوی مەزن بەدەستپێشخەری گەورە دەناسرێتەوە دەنا بۆ پێی دەڵێن پیاوی گەورە .

کاتێ  جەنابی مام جەلال لەجەنگەی شەڕی ناوخۆدا سەردانی کاک مەسعودی کرد ، کەسی تر نەیکرد ، ئەوە نیشانەی گەورەیی و هەستکردن بە بەرپرسیارەتی مام بوو . دەبێ بەکردەوە بسەلمێنرێ ئەم ڕێکەوتنە نەک دژی هیچ کەس و لایەنێک  نییە بەڵکو تەواوبە پێچەوانەوە لەپێناوی ڕێکخستنەوەی نێوماڵی کوردو کۆکردنەوەی لایەنە سیاسەیەکان هاتۆتە ئارا ، چۆن کێشەکانی نێوان یەکێتی و گۆڕانی چارەسەر کرد ئاواش هەنگاوێکی گەورەو جدیە بۆ چارەسەری کێشەکانی نێوان لایەنەکانیش بەتایبەت پارتی و گۆڕان ئەوەش بەهەڵدانەوەی لاپەڕەی نوێ و خوڵقاندنی زەمینەی سازان دەکرێ نەک خۆبەستنەوە بەپەندی ( بشفڕێ هەر بزنە ) ، بەوە دەکرێ ڕۆڵی ناوبژیوانی لەیەکێتی نەسێنرێتەوە بۆ نزیک خستنەوەی گۆڕان و پارتی و ئەو پڕۆژەیەی یەکێتی داویە بەپارتی بۆ ئەم مەبەستە فەرامۆش نەکرێ . بەم بێخەمیەی پارتی و گۆڕان و تاڕادەیەک پارتەکانی تریش نابێ ئەم  دەرفەتە لەدەست بدەین ، دەرفەتێک دوودەرگای هەیە یەکێکیان سەرکەوتنێکی گەورەیە کەبەرەو دەوڵەتی کوردیمان دەبا و دەرگای دوەمیش دەرگای جەهەننەمی کارەساتەکانی رابردووە دووبارە دەبێتەوە !.

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies