Imad-Ali-003

عیماد عەلی: پارتی باوەری بە رەفتار و شێوە دەسەڵاتی بەعس ئاسا هەیە.

هاورێیەک ئامۆزایەکیی بەرپرسی دیاری پارتیە، زۆر بە ئاگاییەوە بە ورتەورت بۆی گێراوەتەوە کە چەندین جار لە کۆبونەوە نهێنی و هەندێک جاریش بە ئاشکرا و لەرێگەی باس و خواس و گفتوگۆی سەر چا خواردنەوە، سەرکردەکانی پارتی ئەوەیان گێراوەتەوە، کە ئەگەر ئەمریکا و هاوپەیمانان نەبوایە تا ئێستاش دەسەڵاتی بەعس بەردەوام بوو، هەر بەعس بووە کە زانیوەتی واقعی کۆمەڵایەتی و سایکۆلۆجی و رەفتار و سیفەتەکانی گەلانی عیراقی بە باشی بخوێنێتەوە و بە وردی لێی تێگەیشتوە، کە چۆن مامەڵەیان لەگەڵدا دەکات و حوکمیان دەکات، کەچی حەقی میلەتی کوردی فەرامۆش کردووە و مامەڵەی گونجاوی لەگەڵدا نەکردووە، بۆیە لەدەرئەنجامدا ئەو کارەساتەیان بەسەردا هاتووە، کە هەمووی لە دەرئەنجامی پێشێلکردنی مافی کوردەوە بووە هەر لە شکستهێنانی شۆرشی ئەیلول و تەنازول کردن بۆ شای ئێران و، ئینجا پەشیمان بونەوە و هەلپەرستی قۆناغی پاش شۆرشی ئیسلامی ئێران و هەوڵدان بۆ گێرانەوەی ئەو شوێنانەی کە لە ریکەوتنەکەی جەزایر لە گەل شادا دۆراندبویان و بەو پێیە تاوەکو گەیشتوە بە داگیرکردنی کوەیت و راپەرین، کە هەموو هۆکارەکەی لە بنەرەتدا پێشێلکردنی مافەکانی کورد بوون کە لەدەرئەنجامیدا بەرپابونی شۆرشەکان لێکەوتۆتەوە، ئەگینا بەعس و جۆر و شێوەی حوکمەکەی لەگەڵ واقع و ناسینی بارودۆخی گەلانی عیراق گونجاوترین رەفتاری کردووە و باشترین سیستم بووە بۆ گەلێکی لەم جۆرە.
ئەمرۆش رۆژ لە دوای رۆژ ئەو بیرکردنەوەیەی پارتی دەردەکەوێت و دەیسەلمێنن کە لەو باوەرەدان بە پیادەکردنی جورە حوکمی بەعس ئاسا بۆ ئەم خەڵکە گونجاوەو، ئەمەش لە بیرکردنەوە و جوڵانەوە و مامەڵە کردنی پارتی لەگەڵ روداوەکاندا دەردەکەوێت و، تەنانەت خەریکە ئەوەش دوپات بکاتەوە کە گەیشتۆتە ئاستی ئەوەی پێناسەی حزب و کەسایەتی رەفتار فاشی بۆ بکەیت و، جگە لە قازانجی تەسکی خۆی و هینانەوەی بەهانە و پاساو بۆ هەموو رەفتارێکی نابەجێ و ناراست و تەنانەت قێزەونی خۆی هیچ هەنگاوێکی راست و سەردەمانە نانێت و رۆچۆتە قوڵایی زۆنگاوی هەڵەی خۆیەوە و، دەبێت لایەنەکان بە وریاییەوە رەفتاری لەگەڵدا بکەن و خەڵک لە زەرەرە هەمەجۆرەکانی بە دوور بگرن .
تۆ وەرە دان بە شکستی تەواوی خۆت نەنێیت و ئەو شوێنەی کە بە موفلیس لە قەڵەم بدەیت و لەرووی داراییەوە خۆت بە دانا بزانیت و بە ئیدعای سەربەخۆیی چەواشەی خەڵک بکەیت و بتەوێت شکستەکانت بەو شێوەیە داپۆشیت، ئێستاش کە لەناخی خۆتدا باش بزانیت فەشەلت هێناوە و پەشیمان بوبیتەوە و وا بەزەلیلی روو بکەیتە ئەو شوێنەی کە تاە دوێنی بە نەیار لەقەڵەمی بدەیت، کەچی بۆ ئیحراجی و روداری و مانەوەی ئاوی ئابروت بڵێیت باسی سەربەخۆیی کوردستانیان لەگەڵدا دەکەم نەک بەپەشیمانیەوە دەگەرێمەوە بۆ باوەشیان و منیش مەمنون .
بۆیە هەر وەک چۆن هەر پێاوێک زاڵم و زۆردار و مامەڵە خراپ بێت لەگەڵ خێزان و بنەماڵەی خۆیدا، لەدەرەوەش هەمیشە ملکەچ و چاولەخوارە، پارتیش لە مامەڵە کردن لەگەڵ نێوخۆی کوردستاندا بەو شێوەیە دەیبینین و لەگەڵ دوێنێ و ئەمرۆ ی تورکیا وئەمرۆی بەغداش هەمیشە دەست لەسەر سینگ و مات و مەلولە و هەر بەو رەفتارەی لەگەڵ وەزعی نێوخۆی کوردستاندا ناجۆرە و لەسەر زوڵم وزۆری بەردەوامە، مەجبورە لە پێگەیەکی لاوازەوە مامەڵە لەگەڵ ناوەندی عیراق و دەرودراوسێ بکات . بۆیە دەپرسم ئایا ملکەچبون بۆ گەلەکەی خۆت سەت جار لەوە ئەشرەفتر نیە کە بۆ دەرەوەی بکەیت ، کەچی بە هەوڵی بەعس ئاسا بتەوێت تاکرەوی بکەیت و زاڵ بیت و حوکمی کوردستان بکەیت .

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies