بورهان محەمەد: مرۆڤ دۆستی لەجەنگدا .

ئەم چیرۆکە ڕوداوەکانی لەساتەوەختی جەنگی غفران ڕویداوە ، کاتێک بریندارێکی ئیسرائیلی بەهۆی برینێکی سەختەوە لە نەخۆشخانەی عفولە کەوتبوو و لەتەنیشتیەوە بریندارێکی فرۆکەوانی سوری بەدیل گیراو هەمان شت چارە دەکرا .

ڕۆژنامەنوسی خانەنشینکراو باروخ مئیری . پۆستێکی بڵاوکردەوە لە لاپەڕەی ( پارێزگارانی عیراقی ) بەزمانی عیبری ، سەبارەت بەڕوداوێک لە کاتی جەنگی غفران ، ئەو جەنگە توند و تیژەی کە بووە مایەی گۆڕینی تێڕوانینی ئسرائیلییەکان و دەرسێکی دادان بەوەی سەرچاوەی زانیارییەکان زۆرکەن تا دووبارە نەکەونەوە هەڵە لە لێکۆڵینەوەکانیان ، وەک چۆن لەسەرەتای جەنگی غفران تێی کەوتن ، چونکە پێیان وابوو جموجۆڵە سەربازییەکانی میسر جەنگیانە نییە .
هیمئیلی کە لە شاری ئیلاتی سەر دەریا دەژیا ئەو ڕوداوەی 11 ئکتۆبەری 1973 دەگێڕێتەوە کە ئەویش سەرباز بوو ، ئەرکەکەی جەنگی نەبوو .
پاش ئەوەی تێلێکی بۆهات لەنەخۆشخانەوە لەلایەن هاوڕێیەکی بریندارییەوە داوای بینینی کرد :
پاش چەند چرکەیەک پەیوەندی بەفەرماندەی لیواکەیەوە کرد ، داوای 24 کاژێڕ مۆڵەتی لێکرد . بەهیچ شێوەیەک نەم ئەزانی لە نەخۆشخانە کێیە داوای بینینم ئەکات . چەند وشەیەکی خۆشەویستی و خۆحافیزیم چرپاند بەگوێی خۆشەویستەکەم ، پاش کەمێک ڕێگای باکورم گرت ، ئەمجارە بەڕاستی بەرەو باکوری دوور بوو . بۆ ئاگاداری دانشتوانی ئیلیات . ئەوکات تەنها ئەوانە بەرەو باکور دەڕۆشتن بەباکوری بناسرابایان ..
بێ ئەوەی لە نیوەی ڕێگا ڕاوەستم یان کوپێک قاوەی بەیانی بخۆم ، پاش چەند کاژێڕێک گەیشتمە نەخۆشخانە لە عفولە . باشە بیرتان نەچێت ئەودەمە گەنج بووم ، سەفەرکردن بەدانشتنی سەر کورسی سەیارە ئەرکێکی گران نەبوو .
لە دەرگای یەکێک لەژوورەکان فوکسی لەپێشوازیم بوو : باش گوێت لەوەی پێتدەڵێم : پزیشکانی ئێرە زۆر بەگومانن لەوەی بژیێت ، بەڵام هاوڕێکەت ئازایە و شتێکی بەهێزی تیایە و خاوەن ئیرادەیەکی زۆرە بۆ بەردەوامی لەژیان. ماوەیکی درێژ سەرنجی نێو چەوانی هاوڕێکەم دا موشی براک ( بتسون ) ی خوێناوی. لەژێر کاریگەری دەرزی بێهۆشی بوو قەدەغەبوو کەس بەخەبەری بێنێتەوە . کاتێک چاوی کردەوەو بینیمی ، یەک وشەی نەوت، نارەحت بوو بتوانێت قسەبکات. بەڵام دەمتوانی سەرسوڕمانی لە نێوچەوانی بخوێنمەوە .
پاش تێپەڕبونی ساڵێکی تەواو کە لەنەخۆشخانە بەسەریبرد، موشی نەبووە مایەی سەر سوڕمانی پزیشکەکان بەتەنها، بەڵکو ئەندامانی خێزانەکەشی. گەڕایەوە بۆ ژیان. پێش چەند ڕۆژێک، گەشتم کرد بۆ جۆلان لەگەڵ هاوڕێم و زاوام ئەفسەری یەدەگ ئیلی . حەزمان کرد گردی ساقی ببینین کە موشی هاوڕێم تێیدا بریندار بوو . مەزارگەی یادەوەری ئەو 12 سەربازەی لە جەنگەکە کوژران . دەیان خوێندکاری خوێندنگانمان بینی سەردانی شوێنەکە دەکەن . پێشنیارم بۆ مامۆستایەک کرد گوێ لە شایەتحاڵی ئەوجەنگە بگرن .
بۆ ماوەی چەند خولەکێکی زۆر موشی وەستا و گێڕایەوە: گەیشتینە ئێرە یەکەی 352 گرادی قورس ، دەسمانکرد بە ئاگربارانی هێزەکانی سوریا ، لەپڕ سەرنجماندا دوو دوو فرۆکە بەلاسەرمانەوەن ، لەسەرەتا دڵنیا بووین کە هی خۆمانن ، بەڵام لەپڕ ئەم شوێنە بووە پارچەیەک لە دۆزەخ ، بومەلەرزەیەکی ڕاستەقینە . بینیم هاوڕێکانم دائەوەرن ، جەستەم بووە یەک پارچە خوێن ، هەستمکرد دەستی چەپم وردو خاش بووە ، وردە وردە هەستم کرد لەهۆش ئەچم ، ژن و سێ منداڵەکەم هاتنە پێش چاوم . نەخێر ، بەخۆمم گوت ، من نیازم نییە بەجێتان بێڵم . ئەژیم . لەڕێگەی ئەو هێزەی تیامدایە ، دەستی چەپم گرت بۆ ئەوەی خوێن بەربونی ڕاگرم . لە نەخۆشخانە پزیشک وتی گەر ئەوەم نەکردایە کەسیان دەسنەئەکەوت چارەسەری بکەن .
ئەوە کەی بوو ؟ پرسیار لەموشی کرا . لە 10 ی ئکتۆبەری 1973 ، کاژێڕ 9:31 وڵامی دایەوە . خوێندکاران پرسیارەکانیان نارەحتتر کرد : چۆن کات و خولەکت لەبیرە . دەرکەوت پێش ئەم ڕووداوە بەچەند ڕۆژێک ، موشی ئاهەنگی لەدایک بوونی گێڕابوو ، ڕاحیلی ژنی کاژێڕیکی بەدیار بۆ کڕیبوو ، موشی لەدەستی چەپی کردبوو لەگەڵ کاژێڕەکە ورد و خاش بوو .
پاش چەند ڕۆژێک لەنەخۆشخانە ئاماژەکانی چاک بوونەوە بە ڕوخساری موشێ بەدەرکەوتن . کاتێک زانی فرۆکەوانە سورییەکە کە فرۆکەکەی و فرۆکەی هاوڕێکەی خرابووە خوارەوە لەلایەن فرۆکەکانی میغی سوپاکەمان ، لەهەمان بەشەکەی خۆی لەنەخۆشخانەیە . داوای بینینی کرد ، فرۆکەوانە سوریەکە سەری بەداواکاریەکەی سوڕما ، بەخێرایی ئامادە بوو لەبەردەم سیسەمەکەی موشی . تەنانەت لەو ساتە وەختەشدا ، فرۆکەوانە سورییەکە کینە و ڕقی نەشاردەوە ; گەلی سوریا لەجەنگ بەردەوام ئەبێت تا دەرکردنی دوا ئسرائیلی لە فلستین ، گەر من نەمتوانی ئەوە بکەم ئەوا مناڵەکانم و وەچەکانم دەیکەن ….;
لەنەخۆشخانەی عفولە درکیان بەوەکرد ئەو کارانەی کە دەبێتە مایەی دڵخۆشبوونی موشێ ، خواردنی بەچێژی عیراقییە ، بەتایبەت سوچێکی بچکۆلانەی چێشتخانە بۆ دایک چاک و دڵسۆزەکەی ،سیمحا کە سیسەمی کوڕە بچوکەکەی چۆڵنەکرد (بەو شێوەیە ناویان ئەبرد چونکە بچوکترین مناڵی بوو ) زۆر لەسەربازە بریندارەکان چێژیان لە خواردنی عیراقی بینی . بەدڵنییاییەوە بۆنی خواردنەکە گەشتە لوتی فرۆکەوانە سورییە بریندارەکە . دایکی موشی قاپیکی فراوانی هەڵگرت و برنجی سپی تێکرد و لەقاپێکی کە هەندێک شلە و کوبەی تێکرد چەند هەنگاوێکی بچوکی نا ، بەڵام لەگەڵ بزەیەکی گەورە ، بەرەو سیسەمی فرۆکەوانە سورییەکە ; ئەوە بۆتۆ ;
فرۆکەوان سەیرێکی دایکەی یەهودیەکە کرد و هیچی نەوت ، برنج و شلەی وەرگرت بە چێژێکی گەورەوە . خواردنێک بوو ، بەدڵنییاییەوە ماڵەکەی وەبیر هێنایەوە . پاش ئەوە لەسەر سیسەمەکەی هەستا و چووە ژورەکەی تەنیشتی ; موسی وەک جۆن حەزم ئەکرد موشی هاورێم بانگ بکەم ; گەر دایکی وەک ئەمەتان هەبێت ، خواردن بە فرۆکەوانی دوژمن ئەدەن کە خەریک بوو کوڕەکەی بکوژێت ، ئێمە هەرگیز ناتوانین بەسەرتانەوە سەرکەوین.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies