PUK-1

ئەکرەم محەمەدئەمین: یەکێتیەکان لەمە بگەن.

Avatar photo

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

ئەگەر یەکێتی نیشتمانی کوردستان سود لە کات وەرنەگرێت کات زیانی پێئەگەیەنێت، چۆن؟

ئەوە ئێستا وەکو ئەزانین لایەنە ئیسلامیەکان کۆنفراسیان کرد و بەرنامە و پلان دائەرێژن بۆ ئایندە:
1 – هەوڵ ئەدەن بۆ هەڵبژاردنەکان بە یەك لیست دابەزن.
2 – هەوڵ ئەدەن لە یەك چوارچێوەدا خۆیان کۆ بکەنەوە کار ئەکەن بۆ نزیك بونەوەی خالە دوورەکانی لەیەکتری.
3 – کار ئەکەن هەتا ئەو ساتەی ببنەوە بە یەك حزبی ئیسلامی.

ئەمەش بۆ زۆنی سەوز ترسناکە، لە چەند روویەکەوە:
1 – بە هێز بونی پێگەی ئیسلامیەکان لە یەك حزبی یەکگرتودا واتە لە ژێر یەك ناودا ، کەواتە ژمارەی کورسی زیاد ئەکات و یەك پلان و بەرنامە ئەبێت .
2 – لەوانەیە بکەونە ژێر هوژمی تورکیاوە چونکە یەکگرتوو و دەسەلاتی تورکیا دۆستایەتیان بە هێزە و بۆ یەك بەرنامە کار ئەکەن .
3 – لە رێگەی ئیسلامیەکانەوە پێگەی پارتی بەهێز ئەبێت لە ناوچەکەدا .
4 – ئەوکاتە یەکێتی ئەبێتە لیستی ژمارە چوار .

بۆ یەکێتی کات ئاڵتونە.
1 – زۆر گرنگە سەرکرادیەتی یەکێتی بریاری لێبوردەیی و بەخشندەیی قبول بکەن و پێکەوە دابنیشن.
2 – زۆر بە راستی و بروای تەواوە لەگەل گۆران پەیمان نامەی نێوانیان جێ بەجێ بکەن.
3– یەکێتی پێش کۆنگرە پلینۆم ببەستێت بۆ رەوینەوەی کۆمەلێك کەم کوری و ئامادە سازیەك ئەبێت بۆ کۆنگرەیەکی باش.
4 – هەڤالان و ئەندامان و دۆستانی یەکێتی پێویستە پیداگیری بکەن و داوا لە سەرکردایەتی بکەن بۆ چارەسەر و سود لە کاتەکان وەربگرن.
هەڤالان پێگەی یەکێتی لەو ئاستەدا نیە کە چاوەرێی لێئەکەین، جاران و سەردەمی بەڕێز مام یەکێتی پێشەنگ بوو . پێویستە بە هەموومان کار بکەین بۆ گەرانەوەی دەسەلاتی سیاسی و ناوەندی بۆ یەکێتی نیشتمانی کوردستان . یەکێتی حزبی شەهیدانە هی کۆمەلانی خەڵکی کوردستانە.

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت