ئازاد حەمدی: دەروێش باڵە خانەو خانمی وەسمان پاشا.

لەسەردانێکما بۆلای ( عیسمەتی حاجی محەمەدی نانەوا) براژنە گەورەم. بۆی گێڕامەوە کە خانم دەبێتە دەسەڵاتدار لەهەڵەبجە. پێی دەڵێن: دارتاشێکی دەست رەنگین هاتووە لەبەردەم ماڵەکەیدا لە پیر محمەد، تاکە کورسی دروست دەکات. ناوی (مەحمود ئەمینە ). خانم ئەنێرێت بەدووایدا، پێیدەڵێت: کە تاقمێک لەوتاک کورسیانەی بۆ درستبکات، کە پاڵپشتیان نیە لەگەڵ جەند تەپڵەکێک کە لە تارمەکانی کۆشکەکەیدا دایبنێت.
پاش ئەنجامدانی کارەکەی وەستا مەحمود. شەش کورسی و تەپڵەک دەباتەوە بۆ خانم. کەزۆر بە جوانی و باشی دروستی کردبوون. بەڕادەیەک خانم بەدڵی دەبێت، هەشت دیناری ئەو کاتەی ئەداتێ. ئەمەندە ئەو پارەیە زۆر دەبێت. وەستا ئەمین خانووەکەی تێکئەدات و دەیکاتە باڵەخانەیەک. ئەوخانووە بەتەنیشت ماڵی حەمەی مەحمود ئەفەندی نزیک پیر محەمەد دەبێت بەرامبەر گومرگی ئەو کاتە.
دەنگی دروستکردنی باڵەخانەکە دەگەیەننەوە خانم و پێی دەڵێن: چۆن دەبێت مەحمود ئەمین، باڵەخانە هەڵسێنێت شانبەشانی ئەوەی بەڕێزتان، و بۆتە دەنگوباسی شارەکە.
خانم دەنێرێتەوە بەدوای وەستا و بە تووڕەییەوە، کەچۆن هەستاوە بەو کارە؟. لە وەڵامدا وەستا دەڵێت: شارێک شاری خانمبێت شایان هەموو شتێکی جوان و ڕازاوەیە.
باڵەخانەکەی منیش کە لەسایەی بەڕێزتانەوە لەسەرەتای شارەوەیەو شتێکی جوانبێت باشترە. ئیتر خانم سارد دەبێتەوە و پێیدەڵێت: بڕۆ (قەیناکە دەروێش باڵەخانە ) بەو شێوەیە نازناوی دەروێش باڵەخانەی لێدەنرێت.

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies