محەمەد بەرزی: ئەو ڕۆژانەی لە بیرناچنەوە.  

دوای ڕاپەرین و بۆ کەمکردنەوەی کاریگەری  ئابلۆقەکانی سـەر هـەرێـم، یەکێتی نیشتمانی کەوتە جێبەجێکردنی پڕۆژەیەکی گرنگ، کە بریتی بوو لە دەرهێنانی نەوتی شیواشۆک و دروستکردنی پاڵێوگەیەک لە ناو کارگەی شەکردا. جا بۆ تەواوکردنی ئەو پڕۆژە پیرۆزە، کۆمەڵیک ئەندازیار و کارمەندی چاپوک و چالاکی شارەزا، ڕۆژانە زیاتر لە دوازدە کاتژمێر کاریاندەکرد و بە توانایەکی بەرزەوە  شەویان دەخستە سەر ڕۆژ. بەڵام لە  31ی ئابی ساڵی 1996 دا  هەموو جموجۆڵەکان بە تەواوی وەستان و دەتووت خۆڵی مردوو کراوە بە سەر یەک بە یەکی ئەو کارمەندانەدا، هۆکارەکەشی دەگەڕایەوە بۆ بڕیارێکی سەدامی دیکتاتۆر، کە ناوەرۆکەکەی  ئەمە بوو: (  جگە لە دەوڵەت هەر کەس و لایەنێک دەستکاری بواری نەوت بکات، ڕووبەڕووی سزای مردن دەبێتەوە ).  ئەم بڕیارە ترس و دڵەڕاوکێ یەکی ئیجگار گەورەی خستە دڵی هەموو کارمەندەکانەوە، بە تایبەتیش سەرپەرشتیاری پڕۆژەکە، کە دانیشتووی شاری هەولیر بوو، بە سەردان هاتبوو بۆ سلێمانی و چونکە سەر بە یەکێتی بوو، ڕێگای گەڕانەوەی لیێ گیرابوو. جا هەموو لە بیرکردنەوەدا بووین تا چارەیەک بدۆزینەوە و ڕۆحی خۆمان لە دەستی بەعس و پارتی ڕزگار بکەین.

بۆ خوێندنەوەی تەواوی بابەتەکە کلیک بکەرە سەر ئەو ڕۆژانەی لە بیرناچنەوە

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies