بەهرۆز جەعفەر: تێگەیشتنێکی کۆنکرێتی بۆ چارەنووسی کوردستان لە ساڵی 2018.

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

واقیعەو. هەر یەکێک لای خۆیەوە بارودۆخی کوردستان ئەزانێت و کۆمەڵێک پێدراوی لە هەست و نەستی خۆیدا ڕیزکردووە.
بەڵام بۆ ئەوەی ڕێبازی گۆڕانکارییە ناوخۆییەکان بزانین و، دروست بزانرێت ئەم ڕووداوانە بەرەو کوێ ئەڕۆن، سێ پێدراو وەک سەوابیت وەرئەگیرێت تا لێوەی لە ئایندە بگەین:
یەکەمیان/ مێژووی ناوچەی ڕۆژهەڵاتی ناوەڕاست بە تایبەتی لە سەرەتای سەدەی بیستەوه، كە بریتیە لە فۆڕمەڵەبونی دەوڵەت و، دەخالەتی ئیمپریالیزمی بەریتانی و فەڕەنسی لەم ناوچەیەو٫ دوای جەنگی ساردو شەڕی دووەمی کەنداویش، بریتی یە لە دەستپێکی دەستوەردانی ئەمریکاو بەهای دۆلار و خێرابونی گڵۆباڵیزم.
دووەمیان/ سەت ساڵ بەسەر ڕێککەوتننامەی سایکس پیکۆ (1916)و بەڵێنی بەلفۆڕ (1917) دا تێ ئەپەڕێ هێشتا ڕۆژهەڵاتی ناوەڕاست ئاسایش و سەقامگیریی تیا نییە، لینکی ئەم ناوچەیە بە حەوزەی دەریای ناوەڕاست، پەیوەندی بە ئاسایشی ناوچەی ئۆراسیا، پرسی کەنداوی فارس. هێشتا جارێکی تر لە جەزائیرەوە بۆ یەمەن بۆ سوریاو عێراق و فەلەستین ئاگر و کڵپەی کارەسات تیایدا ئەگەڕێ، جارێکی تر لە باتی ڕێککەوتننامەی کامپ داڤید (1978 بۆ 1979) بەهەمان فۆڕم و چوارچێوە بە سەرپەرشتی هەمان زلهێز ئەگۆڕێت بە هاوپەیمانی سعودیە و ئیسرائیل دژی هەژموونی ئێران و ڕووسیا لە ناوچەکە.
سێهەم/ تێڕوانینە لە سیستەمی نوێی هەرێمایەتی و جیهانی.
لێرەوە، ئاوها ئەکرێت تەماشای کوردستان و ئایندەکەی لەناو ئەو ئیمەیجە بکرێت. زیاتر کلیک بکەیت بۆ ئەوەی مەدای ئەم ئاگرە دوور و نزیکیەکەی چەندە لە کوردستانەوەو، كەی ئافاتی تێ ئەکەوێ و کەی نا، دوو فاكتەری پەیوەست و ڕاستەوخۆ هەیە ئێستا ناوەندەکانی دونیا خێراخێرا کۆڕوکۆڕبەندو پەیپەری لەسەر بڵاوئەکەنەوە٫ چونکە ئەزانن ئەو دوو هۆیە ئەنجامی هەموو لایەک دیاری ئەکات:
1- هاوپەیمانی نوێی سعودیەو ئیسرائیلە بۆبەرەنگاربونەوەی ئێران، ئەوە ئەبینن لە ناوەوە هێزە دەرەکییەکان ئیش لەسەر ئێران ئەکەن و، لە دەرەوەش ئەم ململانێیە لە کەنداوەوە تا یەمەنی تەنیوەتەوە، جا ئەوە ڕاستەوخۆ کاریگەری لەسەر کوردستان هەیە، وەک چۆن دوای ڕیفراندۆم وەزیرانی دەرەوەی تورکیاو عێراق و ئێران کۆئەبونەوە کەچی لە کوردستان سیاسیەکان و میدیاکان مێشێ میوانیان نەبو، خەریکی شەڕەگەڕەک بوون، ئەمیش ئاوها. بۆیە ئەبێت ئەم پرسە لە ستراتیژی نوێی ئاسایشی نیشتیمانی ئیدارەی ترامپەوە ببینرێت بۆڕۆژهەڵاتی ناوین.
2- بریتییە لە ئاسایشی ووزە و هێڵەکانی ووزە لە عێراق وە لە ناوچەکە، کۆتایی مانگی ئایندە لە بەغدا کۆنفڕانسی لوتکەی ووزەی عێراق ئەبەسترێ، دونیا تیا میوانە کورد نەبێت، ئێمەش لەوێ ئەبین وەکو ئەوەی ئیستیوتی مێدیتریانە کە ئەندامە لە کۆڕبەندی ووزە.
لە کۆتاییدا ئەوەی ئەمێنێتەوەو ئەوترێ، وەڵا فڵان واو فیسار هێزی ئەمنی هەیە لە کوردستان و فڵان نفووسی زۆرترەو ئەو سایتە دیفاع نازانم لە کێ ئەکاو، وتارەکەی ئەم واو پەیجەکەی نازانم کێ وا٫ واو وا٫٫٫٫، هەممموی تەنها هەنێ دەنگە دەنگی ناو کەمپێکی گەمارۆدراوەو، بە پێش چاوی نەک دونیا بەڵکو عێراق و تا لای سنورەکەی برایم خەلیلیشەوە وەک ئەوەیە کۆمەڵێ خەڵکن بۆخۆیان هەر ئەڵێن و با بڵێن ئاکامێکیان نییە و، هەر هەنێ باڵبادان و شتی دەروونی و ناوخۆییەو ئەرزشێکی نییە.
جا بۆیە کات زۆر درەنگە بۆ کورد ، ئایا ناوەندەکانی خۆی سەرپێ ئەخاو، ئیش لە سەر ئەوشتانەی سەرەوە ئەکا؟ ناشی کات هەر خەریکی ئەوە ئەبێت بزانێت ئەم واو ئەو ئەمەی چۆن کرد ئەبێ، ئەوە شتێکی ترە.

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت