دێهات عوسمان: سەرقاڵکردنی کۆمەڵگا بە سەماکردن و کۆمیدیای پێکەنیناوی تاك بە کۆیلە دەکات.

Avatar photo

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

نامەوێت بە مەبەستی کۆکردنەوەی کۆمێنت و لایك لە تۆرە کۆمەڵایەتیەکان, وشە بێ جلوبەرگەکان و وشە پێکەنیناویەکان فرێ بدەمە بازاری فەیسبوك، بەڵکو ئامانج بڵاوکردنەوەی فکری هۆشیاریی کلتوریی و نەتەوەیی و ئاشتەوایی و یەکتر قبوڵکردنە. بەمەبەستی دەرباز بوونی تاك لە بازنەی بە کۆیلەکردنە.
بە بۆچونی من ئەو جۆرە قەڵەمانە هیچ خزمەتێك ناگەێنن، بەڵکو رۆڵی خراپ دەگێرن لە هەڵدێرانی کۆمەڵگا. پێم وایە قەڵەم بەدەستەکان دەبێت ڕۆڵی بەرچاو بگێرن لە هۆشیارکردنەوەو بەرەو پێش بردنی کۆمەڵگا، لەڕووی بڵاوکردنەوەی فکر و گەرانەوەی کەرامەت و بنیاد نانەوەی تاكی کۆمەڵگا لەسەر بنەمای باوەر بوون بە خۆ! دەبێت تاکی کورد لەو فکری خۆ بەکەم زانین و خۆ بە بچوك بینین رزگار بکرێت. تاك ببێت بە داهێنەر و خاوەنی بریاری ژیان بێت، تاك بە پلە یەك لەبەر ئەوەی کۆمەڵگای ئێمە خاوەنی سیستەمێکی پاڵپشت بە دادوەری و دەستوری نییە، سەرکردایەتی حیزبە کوردیەکان ڕاستەوخۆ دەسەڵاتیان هەیە لە بڕیاردان، تاکی کورد وەک پێویست ناتوانێت ئامانجەکانی لە هەموو بوارەکانەوە بپێکێت ، بۆیە درک بە خراپی رۆڵیان دەکەین، ئەوە راستی حاشا هەڵنەگرە.
بە پلە دووەم/ چینە قەڵەم بەدەستەکە کە زۆربەیان سێبەری دەسەڵاتی چەوسێنەرن، تەمسیلی سیاسیە بازرگان و شەهوەت بازەکان دەکەن و،تاکیان سەرقاڵ کردوە بە بابەتە سێکسی و بابەتە کۆمیدیەکان. ئەم رۆڵەش خزمەتی بە بەهێزکردنی دەسەڵاتی چەوسێنەر و دەسەڵاتی بنەماڵەی کردوە، بۆیە بچوککراونەتەوە بەئەندازەی ئەوەی ئەسڵی خۆی بیربچێتەوە.
تاك دەبێت لەسەر بنەمای بابەتە هۆشیاری و کلتوری و نەتەوەی و مێژووی پەروەردە و بنیاد بنرێت، کاتێك کۆمەڵگا خاوەنی مرۆڤگەلێکی هۆشیار و کلتوری و نەتەوەیی و یەکتر قبوڵکردن بێت، ئیدی هیچ رەوت و هێز و دەسەڵاتێك ناتوانێت تاك بە کۆیلە بگرێت و، کۆمەڵگا دەبیت بە بڕیاردەریی حیزب بۆ دەسەڵات و حکومەت، ئەم ڕەهەندە لە کۆمەڵگای ئێمەدا پێچەوانەوەیە، هەر بۆیە دەبینین رۆڵی کۆمەڵگا لە بریارە سیاسی و ئابوری و نیشتیمانیەکان خنکینراوە، وەک ئەوەی لە وڵاتەکەی ئێمە چەند بنەماڵەو چەند کەسێك قۆرخی هەموو جومگە ئابوری و سیاسییەکانیان کردووەو، هەر ئەوان بریاردەرن.
کۆمەڵگاکەمان کۆمەڵگایەکی سەرداخراوە، هۆکاریی ئەم بێ دەنگییەی، رێژەی زۆریی خراپ بەکار هێنراویی قەڵەمەکانن بۆ خزمەتی دەسەڵاتێکی ناتەندروست و پاڵنەریی چینی گەنجانن، کە هێزی سەرمایەی مرۆین لە هەموو ولاتێك، ڕۆڵی خراپ بگێرێت لە ئارەستەکردنی دەسەڵات و حکومەت.
دەسەڵات لە وڵاتی ئێمە ئاقڵانە کاریی کردوە لە بێ ڕۆڵکردنی گەنجان بە شێوەیەکی راستەوخۆ لە رێگەی قەڵەم فرۆشەکان بۆ سەرقاڵکردنیان بە بابەتە سێکسی و بابەتە کۆمیدیاکان، ئەم هەوڵە باش سەریی گرتوەو، بابەتە فکری و هۆشیاری و کلتوری و نەتەوەیەکانی هەڵداوەتە دەرەوەی کۆمەڵگا، هەر بۆیە وڵاتەکەمان لە نەبوونی کۆمەڵگایەکی ئازاد و خاوەن دەستور و بە سیستەمکراویی پرپفیشناڵ ئەوەی لێچاوەڕوان دەکڕێت سست و بێ بەرهەم بێت.

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت