عیماد عەلی: ئیسلامیەکان زۆر بێ ئەمەکن لە ئاست بنەماڵەی هەردیدا.

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

ئەگەر مێژووی ئیسلامی سیاسی لە لایەک و بنەماڵەی هەردی بە کورٍ و کچیانەوە لە لایەکی دیکەوە لەبەرچاو بگرین و ئەو رووداوانەی رەوتی ژیانی خەڵک لەم مێژووە نزیکەی گەلی کوردستان بێنینە بەردیدەی هەمووان، کە هەر یەکەو هەڵوێستی خۆی لە ئاستیدا هەبووە، نەک بێ سیفەتی و بێ ئەمەکی، بەڵکو ئەوەمان بۆ روون دەبێتەوە کە ئیسلامیەکان وەکو دراو هیچ بەروپشتێکیان نیە و هەر هیچیان لەبەرچاو نیە. کەس هەیە نکوڵی لەوە بکات کە ئەم بنەماڵەیە بە یەک وشە چیە قسەی نابەجێیان لەسەر ئیسلام و بە تایبەتی ئیسلامی سیاسی نەکردووەو هەمیشە موحافزکاربوون. کەس هەیە ئەو رۆژانەی خۆپیشاندانەکەی بەردەرکی سەرای لەبیر نەبێت کە کاک رێبین بەردەوام بانگی الله اکبری لەبەردەرکی سەرا جاردەداو ئەوانیش نوێژی جەماعتیان دەکرد، ئەو کاتە بۆ ئیسلامیەکان رەخنەیەکیان لەم بنەماڵە نەبوو. کەس هەیە ئەو خودپارێزیەی سەرجەم ئەندامانی ئەم بنەماڵەیەی لەبەرچاو نەبێت لەئاست ئەو پێشێلکاریەی ئیسلامی سیاسی لەمەرٍ بنەما سەرەکیەکانی دونیای سکیولاریزم و هەمیشە رووبەری رێز و حسابکردن بۆ رای گشتی ئیسلامی و تەنانەت ئیسلامیەکانیان لەبەرچاو بووە، بەڵام چی بڵێیت لەگەڵ ئیسلامی سیاسی کە کورتبینە و چاوی هیچ نابینێت و مێژووی لەبیر کردووە.
ئەم خێزانە بەشداری هەموو شانازیەکانی گەلی کوردیان کردووەو تا ئەم چرکەساتە بەخراپی بەلای ئیسلامدا نەرۆیشتوون و بەردەوام خۆیان لەقەوارەی دابونەریتی کوردەواری قەتیس کردووە و شتی ناباویان لە هیچ کلۆرێکدا لەدەست دەرنەچووە. بەڵی لەکاتێکدا ئیسلامی سیاسی شتێکی نامۆ بوو لە بیر و فکری خەڵکی رۆشنبیر و بە توانای ئەم گەلی کوردستانە، هەردیەکان بوونی ئیسلامی سیاسیان لەکوردستان لەبەرچاوی خەڵک ئاسایی کردەوە و رای جیاوازیان هەبوو لە گەڵ خەلکی دیکەدا و رۆڵی کاریگەری خۆیان هەبوو لە سەر بۆچونی خەڵکدا لە مەرٍ کاری سیاسی ئیسلامیەکان و ئەوەشیان لە مێشکی خەڵک جێکردەوە کە ئیسلامی سیاسی وەکو حزبەکانی دیکە لەکوردستان جێگە و رۆڵی خۆیان هەیەو لە دونیای سکیۆلاردا ئاساییە جێگەی سەرجەم راوبۆچون و فکر و بیری جیاواز ببێتە و ململانێ بکەن.
ئەوەی جێگەی باسە، کە لە ناو کوردانی باشووردا، کەم خێزانی رۆشنبیر و تێگەیشتووی هاوشێوەی حێزانی هەردی بەو ژمارە ئەندامە کاریگەر و بەتوایایە بەهەردوو رەگەز لە هەموو بوارەکانەوە و بە تایبەتی رۆشنبیری و زانست و مەعریفەت لە خزمەتی خەڵکدا بووبن.
ئەگەر چاو بە مێژووی مرۆڤایەتی سەرجەم گەلانی جیهاندا بگێرٍین، ئەم جۆرە خێزانانە بوون کە رۆڵی گەورە و کاریگەریان لە پێشخستنی گەلەکانیان بینیوە و تەنانەت وڵاتیان گەیاندۆتە سەربەخۆیی و بنیاتنانی دەوڵەتی نەتەوەیی، کەس هەیە خێزانی رۆمانۆڤ و ئەسکەندەرۆڤ و قادرۆڤ و سەدانی دیکەی لەبەرچاو نەبێت، کەچی ئەم ئیسلامیانە ئەوە بە گەلی کوردستان بەرٍەوا نابینن و لەمەشدا شەکری خۆیان دەشکێنن.

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت