عه‌بدوڵا که‌ریم مه‌حمود: ئارام ی سەرکردە/ بەشی نۆیەم.
ئارام جگه له نوسینه سیاسییه‌کانی، هه‌فته‌ی جارێک بە وتارێک له ده‌رگای باسێکی گرنگی ده‌داو به‌ناوی (سواره)وه له رۆژنامه‌ی هاوکاری له به‌غدادی پایته‌خت بڵاویی ده‌کردوه.
ئارام و هاوڕیکانی گرنگیان بە کاریی هونەریی و وەرگێڕان دەدا، بۆ ئەوەی کورد سوود له ئه‌زمونی خه‌باتی گه‌لانی جیهان وەربگرێت.
ئارام تێڕوانی پڕ له ئاسۆی وردی هه‌بوو، له‌سه‌ر توێژینه‌وه‌ی رابردوو، بۆ ئه‌وساو ئاینده‌ی کۆمه‌ڵەی مارکسی لینینی کوردستان، نابێت کۆمه‌ڵه‌ی ره‌نجده‌رانی کوردستان، وه‌ک حیزبی تحرر- عێراق، (شیوعی ) عێراق و شیوعی کوردستان، ده‌روێشانه خۆیان بکه‌ن به پاشکۆ و سێبه‌ریی یه‌کێتی سۆڤیه‌ت.
کۆمه‌ڵه‌ی ره‌نجده‌رانی کوردستان، له سه‌ر فه‌لسه‌فه‌ی مارکسی و لینینی، ستراتیژی سه‌ربه‌خۆی ره‌وتی کاره‌کانی خۆی هەڵسوڕێنێت و پاشکۆی هیچ داگیرکه‌رێکی نیشتمان و زلهێزێک نه‌بێت.
ئارام له‌ناوشار، له یه‌که‌مین کۆبونه‌وه‌ی کۆمیته‌ی هه‌رێمه‌کان، راپۆرتێکی له‌سه‌ر بارودۆخی کۆمه‌ڵه‌ی ره‌نجده‌ران و گۆڕانکاری و زنجیره رووداوه‌کان و کێشه‌کانی ئه‌و سه‌رده‌مه‌و هه‌نگاویی نوێ بۆ چاره‌سه‌رکرنی کێشه‌و که‌مو کوڕییه‌کان خستە روو. ئەو راپۆرته قوڵ و ورده‌ی ئارام، به راپۆرتی شوپات ناسرا.
ئارام به‌هێمنی یه‌که‌ی خۆی و به‌زمانێکی پاراوی لۆژیکانە ئاماژه‌ی به‌وه‌کردبوو: بارودۆخی سیاسه‌تی جیهانی و ناوچه‌یی و دنیا بینینی کوردستان و عێراق و رێكخراوه‌یی خستبووە روو.
له‌و راپۆرته‌یدا، ده‌رک به ئاسۆی تێڕوانینێکی نوێ ده‌کرا، به ئاڕاسته‌ی ستراتیژێکی نوێ، بۆ ئەوەی هەڵەکانی مێژوو دووبارە نەبنەوە.
یه‌که‌م جار بوو، سه‌رکرده‌یه‌کی کورد، ئاوا لۆژیکانه، هه‌موو ئه‌و بابه‌تانه‌ی ئه‌وسه‌رده‌مه دژواره، به‌ڕاشکاوانه بخاته روو، پڕ بوو له خوێندنه‌وه‌ی وردوقوڵێ پڕ له تێڕامان، به‌رامبه‌ره‌که‌ی سه‌رسام ده‌کرد. به خوێندنه‌وه‌ی مێژووی جوڵانه‌وه‌ی کورد و حیزبه سیاسییه‌کان، کۆمه‌ڵه‌ی رنجده‌رانی کوردستانی، له تێڕوانینی ماوتسیتۆنگ و پاشکۆیه‌تی ده‌وڵه‌تی چین به‌تاڵ کردبوەوە.
ئارام لە شاخ و پێشمەرگایەتی، بۆی ده‌رکه‌وت کاریگه‌رییه‌کانی سه‌رکرده‌ی هەردوو باڵەکەی پارتی دیموکراتی کوردستا ، باڵی بارزانی و باڵی مەکتەبی سیاسیی لە شۆڕشی ئه‌یلوول، له دوای هەرەس لە ناو شۆڕشی نوێدا، به جۆرێکی تر ره‌نگ دەداتەوە، ده‌بنه به‌ربه‌ست له به‌رده‌م پرۆژه‌ی بیری نوێ و به‌رنامه‌ی نوێ بوو بۆ هه‌ڵسوڕانی کاره‌کانی.
ئارام له‌شاخ زانی کۆمه‌ڵە و بیرو بۆچون و تێڕوانییه نوێییه کانی رووبەرووی به‌ربه‌ستی زۆر دژوار و ره‌ق و توند و ئاڵۆز دەبنەوە.
شه‌پۆلی عه‌قڵی دۆگمای خێڵه‌کی و بنه‌ماڵه‌و خانه‌واده‌ی ناو جوغرافیای گوندێکی دیاریکراو، ئه‌و قفله ژه‌نگاوییه بوو، ده‌بوایه زه‌مه‌نێکی زۆر کاریی وردتری له‌سه‌ر بکردایه. بۆ ئه‌وه‌ی به‌کلیلی تێڕاونینی نوێ و ئاراسته‌ی نوێ، به‌هاوسه‌نگی هێزی شۆڕشی سپی، ئه‌و قفڵانه بکرێنه‌وه. بوار به بیرو بۆچونی ره‌نجدەران بدرێ، به لۆژیکانه رۆڵی تێڕوانین و ئاراسته‌ی شۆڕش به ئاڕاسته‌یه‌کی نوێ ببه‌ن.
شه‌پۆلی دۆگمای عه‌قڵی ئاینی، به‌ڕابه‌رایه‌تی رابه‌ری ئاینی و به چه‌کی ته‌ریقه‌تی قادری و نه‌قشبه‌ندی شێخ و مه‌لا، به‌ربه‌ستێکی تر بوون له‌گه‌ڵ عه‌قڵه خێله‌کییه‌کاندا یه‌کیان گرته‌وه، بۆ دامه‌زراندنی پێگه‌ی ده‌سه‌ڵاتی سه‌رکرده دێرینه‌کلاسیکییه‌کان، بۆ په‌یره‌وکردنی سیسته‌می سیاسه‌تی میکاڤیللی و خێڵەکی.
ئاسۆی بیرو بۆچوون و توێژینەوەی ئارام به جۆرێک ئاراسته‌ی بۆ گۆڕانکارییه‌کانی ده‌کرد، بۆ ئه‌وه‌ی سه‌رکرده‌ی خێڵه‌کی و ئاینی وه‌ک ئه‌زمونی ساڵانی پێشووتر، جارێکی تر ئاراسته‌ی شۆڕش و پێشمه‌رگایه‌تی به‌ره‌و گه‌رداو و سه‌راب نه‌به‌نه‌وه.
به نمایش و بە مەزاجی عەقڵی ئه‌و سه‌رکرده کلاسیکیانه و بە خه‌ونه نه‌رجسیه‌کانیان، خوێنی شەهیدان و ره‌نج و قوربانی ره‌نجده‌ران به هه‌ده‌ر نەده‌ن.
هه‌موو ره‌نج و قوربانی و شۆش نه‌که‌ن به شاباشی چه‌ند خانه‌واده‌و بنه‌ماڵه‌یه‌کی دیاریکراو و چەند دەم و چاوێکی دیاری کراو، ئه‌و نمایشه پڕ له سیناریویه‌ی عه‌قڵی ئەو سەرکردە میکافیلیانە به‌تال بکرێنه‌وه.
ئارام ی نووسه‌رو رۆژنامه‌نوس و سیاسه‌تمه‌داری خاکی و به هه‌ڵوێست، بێ پشت و په‌نا، به ته‌نیا هه‌ر خۆی، به پرۆژه‌ی خه‌ونێکی زانستی سیاسییی گه‌وره‌وه، به به‌رنامه‌ی پڕ له تێروانی نوێ، بۆ ئاسۆی سترایتژێکی نوی، جیاواز له‌و سه‌رکردانه‌ی که‌رۆڵیان هه‌بوو له پارتی دیموکراتی کوردستان و شۆڕشی ئه‌یلوول و هه‌ندێک له سه‌رکرده‌و لێپرسراوانی شۆڕشی نوێ، هه‌موو به‌رنامه تایبه‌تی یه‌کانیان، هه‌مووی خه‌ونی رۆمانسییه‌کانیان، هه‌ر هه‌مووی بۆچه‌سپاندنی پێگه‌ی ده‌سه‌ڵاتی خۆیان و خانه‌واده‌و بنه‌ماڵه‌و ئینتهازی و جاش و جاسوس و ماستاو چی و کۆیله‌و کەسیتییە مه‌قاشه‌کانی ده‌وروبه‌ری خۆیان بوو، بۆ هێنانه دی خه‌ونه نه‌رجسییه‌کانیان. دوور له تێڕوانینی قوڵ و وردی ستراتیجی ئارام، دوور له ره‌نج و قوربانی ره‌نجده‌ران و خه‌ڵک، بۆ سه‌رهه‌ڵدانی سه‌رکرده‌ی تۆتالیتارو حیزبی تۆتالیتار.
- بابەتەکانی تری عەبدوڵا کەریم مەحمود
-
عەبدوڵا کەریم مەحمود: قەڵای هەولێریان لە خاپوورکردن رزگار کرد.
- -
عه‌بدوڵا که‌ریم مه‌حمود: سیناریۆی خانه‌واده‌یه‌ک.
- -
عه‌بدوڵا که‌ریم مه‌حمود: بێ ئەلتەرناتیڤ.
- All Posts