هیوا ئەحمەد: گۆڕان لە نێوان شكست و نوێ بوونەوەدا.

وتاریکورد ماڵپەرێکی سەربەخۆ و ئازادە

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

وەکو ئاشکرایە هەموو بزوتنەوەو جوڵانەوەیەکی سیاسی بەسەرکەوتن و گلان و پاشەکشێ و پێشکەوتندا دەڕوات چی لە مێژوو و چی لە ئێستادا بۆ ئەمە چەندین نمونەی ناوخۆیی و ناوچەیی و جیهانی هەیە ، گرنگە بۆ هەر حیزبێک کە بەرنامەی ئامانجەکانی تا چەندێک دەتوانێ گشتگیر بێت و فرە مەودا و ستراتیژی نیشتمانی دورخایەنی هەبێت و گشتگیر بێت با مانای پڕۆژە بۆ دەستکاریکردنی کۆی دەستەڵاتەکان.
لەم ڕوەوە ئەزمونی باشور کە ئەجێندای دەرەکی توانی هەژمونی خۆی بەسەر بەرهەمی ڕاپەڕیندا بسەپێنێ و ڕێککەوتننامەی ستراتیژی لێبکەوێتەوە کە ڕێککەوتنێکە لە نێوان دوو وڵاتی زلهێزی ناوچەیدا کە ئێران و تورکیایە و هەر ئەم ڕێککەوتنەش مێژویەکی درێژی هەیە و لە جەلالی و مەلاییەوە دەست پێدەکات تا دابەشکاری ناوچەیی و دوو زۆنی لێکەوتەکانی زۆنی زەرد و زۆنی سەوز و دابەشکاری کۆی دەستەڵاتەکانی لێکەوەتەوە.
لە بەرامبەردا گۆڕان لەسەرەتاوە لەژێر بیری سەکردەیەکی نیشتمانیدا دروست بو وەک بزوتنەوەیەکی ڕیفۆرمخوازی گوشاری چاکسازی تا بتوانێت نیشتمانیانە کار لەسەر هەڵوەشاندنەوەی ڕێککەوتننامەی ستراتیژی و دابەشکاری نێوان وڵاتانی ناوچە و داگیرکاری بکات کە بۆ ئەمەش پشتی بە سەرچاوەی مرۆی و هێزی خەڵک دەبەست، بۆ ئەمەش دەیان پڕۆژەی نیشمانی و پاکێجی گشتگیری هەبو.
هەر بەهۆی دژایەتی کردنی تاران و ئەنقەرە بۆ پڕۆژەکەی کاک نەوشیروان و گۆڕان دەیان سیناریۆی گشتگیریان بۆ داڕشت و دەیان ملوێن دۆلاریان خستە خزمەت هێرشێکی ناڕەواوە بۆ کۆشتنی پڕۆژەی نیشتمانی گۆڕان بە تایبەت دوای کۆچی کاک نەوشیروان ، ئەگەر چی گۆڕان لە دوای هەڵە ستراتیژیەکانی وەک بەشداری لە حکومەت و هاوپەیمانی لەگەڵ یەکێتی و پارتی و کوشتنی جیاوازییەکان لای هاوڵاتی توڵەی لێکرراویەو ە وسفر کرایەوە ، بەڵام پڕۆژە و پاکێجە نیشتمانییەکانی هەر ماون دەکرێ دوای نوشت و هەڵە و کەوتن جارێکی تر هێزەکان یەکبخرێنەوە و هێزێکی تر بدرێتەوە بە بەرەی ناڕازی و مۆدێلێکی تری حیزبی کە بتوانێ نمایندەی جیلی نوێ و شەقام بکات و دروشمەکانی عەدالەتی کۆمەڵایەتی و سەروەری یاسا و دادگاکان و خزمەتگوزاری بەرز بکاتەوە و ڕۆحێکی تر بکاتەوە بەربەر شەقام و دەنگی ناڕەزاییدا.

بۆ گۆڕان نوێ نابێتەوە؟!
کاتێک دێینە سەر باس و خواسی بزوتنەوەی گۆڕان و نوێبوونەوەی لەم قۆناغە پڕ ئاڵۆزی ناوچەکەو ناوخۆو قەیرانە هەمەجۆر و هەمە چەشنەکان و یەکانگیر لەگەڵ مێژووی دروستبوونی تا دەگات بە ئێستای هاوبەشی لە حکومڕانی لەگەڵ هەردوو پارتی سیاسی(یەکێتی و پارتی)
كە لە سەدا ٧٠ی دەنگدەر خاوەنداریەتی لێ كردوە كە دەكرێت كۆمەڵە پرسیارو گەل و وەڵام هەڵدەگرێت كە باش دەزانم لەگەڵ خوێندنەوەو گەیشتن بەم دێڕە یەكسەر دەڵێن سەروەری چی و جا چیان كردو ئەوەی كردمان بۆ كوڕەكانی كاكە نەوە بوو، منیش لەگەڵ ئەم ڕەخنەدا هاوڕام و وە بگرە تووندیش. بەڵام هەرگیز لەگەڵ ئەوەدانیم بڵێن گۆڕان نوێ نابێتەوە.
یەکێ لە لایەنە باشەکانی گۆڕان ئەویە کە خیانەتی نیشتمانی نیە و نەبوەتە تەواوکاری ئەجێندای دەرەکی.
بەڵێ گۆڕان دەتوانێت و وەهەموو حیزب و بزووتنەوەیەكیش بە بەعس-یشەوە! بەو مەرجەی چۆن ڕیفۆرم و چاكسازی و پاكسازی دەكات ، جا لێرەوە بابێینە سەر ناوەڕۆكی بابەتەكە گۆڕان سەروەریەكەی چیەو؟ نوێ بوونەوەكەیشی چۆن دەبێت؟
بزووتنەوەی گۆڕان توانی تەواوی ئەو مەلەفی بودجە و دزی و گەندەڵیەی هەیە چی لە بواری نەوتدا و چی لە بواری دەرمان و تەواوی كۆمپانیاكانی تر و سنوورە بازرگانیەكاندا تا جاسووسی و خیانەتی نیشتمانی و كوشتنی ڕۆژنامەنوسان و تا سووكردن و بێ نرخكردنی ئەو سەركردەو وەزیرو ئەندام پەرلەمانانەی كە وەك فیرعەون هەڵسووكەوتیان دە كرد بە میللەت بناسێنێت و توانی ڕووی ناشیرینی ئەم حیزبانە لە ڕەگ و ڕیشە دەربێنیت كە ئاشنای كات بە هەموو تاكیكی كورد تا نەتوانن لە داهاتوو وە لە مێژوودا بە نەمری و شەریفی و كوردپەروەری خویان ناوزەندبكەن.
ئەگەر گۆڕان نەبوایە ئەمانە بۆ هەتا هەتایی وەك فیرعەونەكان دەمانەوەو نەوە دوای نەوە دەبوونە فیرعەونیێكی چاو برسی و شەوهەت باز و وەك پاڵەوانی مێژوو خویان دەناساند ، بەڵام پێش لە ناو چوونیان یان گەورە بونیان گۆڕان توانی ناوەڕۆک و پشتی پەردەی یەکێتی و پارتی دەربخات بێ نرخی كردن وە لەگەڵ تەوابوونیشیاندا دڵنیام كە مێژوویان تەواو دەبێت.
گۆڕان توانی هەزاران دژەبا و یاخی درووست بكات كە لە گۆڕانیش ڕازی نەبێت وە ئەگەر چی گۆڕان تووشی شكست و پاشكشێ بوو، بەڵام توانی پەیامی خۆی بگەیەنیت وە سنوورێك بۆ مێژوو و داهاتویان بكێشیت كە وەك چۆن لە سەرەوە ئاماژەم پێداوە.

گۆڕان چۆن نوێ دەبێتەوە؟
ئەگەرچی شكستی گۆڕانیش مۆدیلێكی تازە بوو كە هەڵسوڕاو دەنگدەرەكەی سزایاندا، ئەمەوێت لێرەوە نوێبوونەوەی گۆڕان لە سەر چەند خاڵێك بخەمە ڕوو ئەگەر نیەتی جێ بە جێكردنیان هەبێت ئەوە بە دڵنیایەوە گۆڕان دەچێتەوە لووتكە:
1- خستنە ڕوی وەسیت نامەكەی كاك نەوشیران كە لای كاك بەختیارو خووشك و برازاكەیەتی كە دڵنیام بە پێی ئەو زانیاریانەی كە من دەستم كەوتوە لە بەرژەوندی بزووتنەوەی گۆڕاندایە.
2- یەك لاكردنەوەی گردی زەرگەتە، كە بەشی كۆمپانیای ووشە و ماڵەكەی كاك نەوشیروان جیاكرێتەوە بۆ كوڕەكانی و باقی بدرێتەوە بە بزووتنەوەی گۆڕان.
3- دەست بەجێ كشانەوە لە حووكمەت و داوای لێبووردن لە هەڵسووڕاو و دەنگدەرەكانی بكات.
4- بەستنی كۆنگرەو كرانەوەی دەرگا بەسەر هەموو هەڵسووڕاو ناڕازیەكاندا.
5- بەكەناڵ و ڕادیۆو، تەواوی ڕۆژنامەو سایتەكان لە خزمەتی گەل و شەقامدابێت وە لەسەر تەواوی پێشێلكاریەكان هەڵوێستی هەبێت و وە خاوەندارێەتیان لێبكات.
6- دابینكردنی بوودجە بە شێوازیكی نوێ و سەردەمیانە بۆ بەڕێوەبردنی ئۆرگانەكانی.
7- کۆتایی هێنان بە ڕێککەوتنەکانی لەگەڵ یەکێتی و پارتی.
8- ڕۆڵی ژنان و بەتایبەتی ژنێك بۆ ڕێكخەری گشتی بزووتنەوەی گۆڕان، كە دەبێتە وەچەرخانێكی نوێ لە خەباتی سیاسی گەلەكەماندا.
9- بۆ هەموو پرس و پرۆژەیەك بچینەوە بۆ سەر پرۆژەو پێشنیارو ووتەكانی (كاك نەوشیروان) وە دانانی تیمێكی ڕاوێژكاری لە سەر هەموو ڕووداوەكان كە كەسانی دڵسۆزو پسپۆرو بن.
10- گرنگیدان بە تاراوگە ، لە ڕێگای كۆڕو كۆبوونەوە و گوێگرتن لە پرۆژەو پیشنیارەكانیان تا ڕەنگدانەوەو دەنگدانەوەیەكی هەبێت. چونکە وەک ئاشکرایە ڕەوەندی کوردی لەدەرەوە بەتایبەتی وڵاتانی ئەوروپاو بەریتانیا، ڕێژەیان زۆرەو کاریگەرن بەسەر ئاستی سیاسی و ئیداریەوە هەیە، دەکرێت سود لە تواناو هاوکاریەکانیان لەبواری سیاسی و ئیداری بۆ بەرژەوەندی گشتی میللەت وەربگیرێت.
11- گرنگیدان بە نووسەر و ئەدیب و شاعیرو و ڕۆشنبیران وە گوێگرتن لێیان و بەسەر كردنەوەیان.
12- خاوەنداریەتی لە گەنجان و لاوان لە ناوەو دەرەوەی كوردستان بكرێت و ڕۆڵی كارایان پێ بدرێت.
13- بەرنامە و پرۆژە و ئاوەدانكردنەوەی گوندەكان بە هاوكارو هەماهەنگی لەگەڵ ووڵاتانی پێش كەوتوو دیارە ئاوەدانكردنەوەی گووندەكان دەبێتە پشتیوانیەكی بەهێز بۆ بووژانەوەی ئابووری.
لە کۆتایدا ئەگەر كوڕانی نەوشیروان مستەفا و تیمی سەركردایەتی ئێستای گۆڕان جێ بە جێكاری ئەم خاڵانەبن، گەورەترین سەروەری بۆ خوێان و كاك نەوشیروان و بزووتنەوەی گۆڕان و دەنگدەرەكانی تۆمار دەكەن، وە من دڵنیام دەبێتە هێزیكی كاری گەری گۆڕەپانی سیاسی كوردستان و ناوچەكە. کەخەڵکانێکی زۆر چاوەڕێی وەها کارێک لەگۆڕانی پڕ لۆمەی ئێستاو پڕ شانازی ئەوسای درووست بوونی دەكەم.

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت