سيروان رەشید : بارزانی لەسەرۆكایەتی حیزبەكەشی ماوەی بەسەر چووە !

بەرێز مەسعود بارزانی نەك تەنها لەسەرۆكایەتی هەرێمی كوردستان ، بەڵكو لەسەرۆكایەتی حیزبەكەشی شەرعیەتی سەرۆكایەتی نەماوە ، كە كۆنگرەی حیزبەكەی بە دەق رێگری لێكردووە .
كۆنگرەی سیانزەی پارتی دیموكراتی كوردستان لە رۆژی 11/12/2010 ، لە شاری هەولێر ئەنجامدرا ، كە بەپێی مادەی 22ی پەیرەوی ناوخۆی پارتی كە لەوكۆنگرەیەدا بڕیاری لەسەر دراوە ، تەمەنی ویلایەتی سەرۆكی حیزب و سەركردایەتیەكەی بۆ ماوەی چوار ساڵە . كە بەپێی بڕگەی سێی مادەی 22 بەدەق دەڵێت : تەمەنی یاسای نێوان دوو كۆنگرە چوار ساڵ دەبێت لەحاڵەتی زۆر پێویستدا ئەنجومەنی سەركردایەتی مافی درێژكردنەوەی تەنها یەك ساڵی تەمەنی یاسایی كۆنگرەی هەیە  .

هەربۆیە دەبوو مانگی 12ی ساڵی 2014 ، پارتی كۆنگرەی 14ی ببەستایە ، بەڵام بەوپێیەی دەستوری حیزبەكەی بۆ ساڵێك ئەومافەی بەسەركردایەتیەكەی داوە ، كۆنگرە دوابخات ، ئەوەبوو تا 11/12/2015 بۆ ماوەی ساڵێك كۆنگرە دواخرا ، كە دەبوو بەر لە 11/12/2015 ، كۆنگرەی چواردەی ببەستایە ، پێش تەواوبونی ئەو ساڵە كە ئەنجومەنی سەركردایەتی بۆی درێژكردۆتەوە ، هەربۆیە ئێستا ئەو ساڵەش تەواو بووەو، بەوپێیە ئێستا بەرێز بارزانی لەسەرۆكایەتی حیزبەكەشی شەرعیەتی لەدەستداوە .
ئەمە سەرباری ئەوەی یاسای ژمارە 17ی ساڵی 1993ی یاسای پارتە سیاسیەكانی هەرێمی كوردستانی عێراق ، داوا لە حیزبە سیاسیەكان دەكات پابەند بن بە بنەما دیموكراسیەكانی هەڵبژاردن و ئەنجامدانی كۆنگرە لەكاتی خۆیدا .

 

Dastwri Parti

 

 

بەکلیکێک لەسەر سمبولەکانی خوارەوە ، ئەم بابەتە دەگات بە هاوڕێکانت

 

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies