ئەبوبەکر جاف : تەنیابوونەوەی پارتی ـ بەشی دووەم .

سەبارەت بە پرۆژەی كاریی هاوبەش و ئەگەری یەكگرتنەوەی یەكێتی و گۆڕان .

لە بەشی یەكەمدا لە سەر ئەوە وەستاین كە یەكگرتن و هاوپەیمانی و بەرەو بەرەكاری لە ناو فەزای سیاسیدا واریدەو هەر دەبێت . لە بەشی یەكەمدا باسمان لەوە كرد كە چۆن پارتی بینای سیاسەتی خۆی بكات لە سەر ئەم ( پرۆژەیە ) ، و چۆن دەسبەرداری هەندێك كاری بچوك و لابەلاو پەیج و ئەكاونتی شەڕە جنێو و بە شەخسیكردنی كێشەو فاكتەكان بهێنێت و بە دوای كردەو ئەكتی نوێی سیاسیدا بگەڕێت و دەسبەرداری ” تیۆری پیلانگێڕی ” بێت و وەك زانست هەم بیخوێنێتەوە و هەمیش بینای سیاسەتكردن و ئەكتی نوێی سیاسی لە سەر بكات .
بۆ ئێمەو بۆ فكر مایەی گالتەجاڕی بوو هەر لە سەرەتاوە بزوتنەوەی گۆڕانمان وەك جەرەیان و تەشكیلاتێكی جیاواز و نوێ و ئەكتێكی نوێی سیاسی وێنا بكردایە ، بۆ فكر زێر ئاسان بوو ، بێ فكر ئاوخواردن بوو بزانێت بكەرە شاخاوییەكان بكەری سەرەكی گۆڕان و داڕشتن و نەخشەڕێژی سیاسەت و گوتاری گۆڕان بن . هێندە وتمان و دووبارەمان كردەوە بوو بە قەوانی كۆن . دەمان ویست تێزێك ئەقڵی ( خەڵك و جەماوەر) بجوڵێت كە بۆچی لە ( كۆبوونەوە حەساس و یەكلاكەرەوەكاندا عومەری سەید عەلی و جەلال جەوهەرو موحەمەد تۆفیق ڕەحتم و عوسمانی حاجی مەحمود …) بكەری خاوەن بڕیارو یەكلاكەرەوەن لە پەیوەندییەكانی بزوتنەوەی گۆڕان لە گەڵ یەكێتی و پارتیدا ؟ گەنج و لاو و نەوەی نوێ جگە لە وشەیەكی فریودەرو هەڵخەڵەتێنەر هیچی دیكە نییە ، تەنیا پردی گواستنەوەی شەڕی نەوەی شاخ و شاخاوییەكانمانن و فۆرمێكی دیكەی ئیدامەدان و شەرعییەت دانە بە شەڕێك كە دەبێت سەرمایەو كاپیتاڵ و شەرعییەت و حیكایەتی نوێ هەبێت . با تەماشای نوسینەوەو داڕشتنەوەی ێەم ڕێكەوتنە بوێیەی كاری هاوبەشی یەكێتی و گۆڕان بگەین بزانین لەمبەرو لەو بەریش كێن ؟ هەر سەركردایەتییە كۆنەكان و زمانی گوتاری كۆنە ) . ئەم پرۆژەی كاری هاوبەش و ئەگەری یەكگرتنەوە نەك نوێ نییە ، بەڵكو جیابوونەوەكەش هەرلە سەرتاوە بۆ یەكگرتنەوەو مۆنۆپۆلكردن بوو . بەڵام خەڵكانێكی ناڕازی و وزەی جوانی یاخی پێ ئاشتكرایەوەو بە جۆرێكی دیكە كرایەوە قوڕگی دەسەڵات و گوتاری نەوەی كۆندا . ئێمە هاوارمان كرد ئۆپۆزسیۆنی پەرلەمانی كڵۆڵترین و پوچترین ئەكتی بەرگری و بەرەنگاری و بەرهەڵستكارییە ، ئێمە و كاری ئێمە تیۆریزەو چەمكاندن بوو بۆ شێوازێكی جیاوازی ئەكتی بەرگری و بەرەنگاری و بە تەنگەوە هاتنی پرەنسیپی عەدالەت بە شێوەیەكی ئاسۆیی پەرشوبلاویی و نەگیراوی و نا مەلموسی و كەمینەیی نا – ئۆرگانی لە هەناو ڕۆحی دەسەڵاتدا . واتە نەهاتنە دەرەوەو ڕێكنەخستن و تەشكیل نەكردنیان لە ناو ڕێكخراو و ئۆرگانی سیاسی و ئیدۆلۆژیدا ، گەورەترین خیانەتی گۆڕان لە ( جەرەیان و جوڵەیەك كە پێش گۆڕان لە ناو دونیای ئێمەدا بوونی هەبوو ، كۆكردنەوەو گردكردنەوەو ڕێكخستنیان بوو پاشان كردنی بە قوڕگی دانوستانی سیاسی و پشك و پشككاری زیاتر لە حكومەتكردن و لە پەرشوبلاویخستنیان .
گۆڕان چی هێنایە كایەوە ؟ گۆڕان جۆرێكی دیكەی لە …… و ….. و چینبەندی هێنایە كایەوە كە كۆمەڵێكی دیكەی خستە ناو تۆڕی مافیایی گیردان درۆکردن و بازرگانیكردن لە بەغداو لە كوردستانیش . ئێستاكەش پرۆژەی كاری هاوبەشی نێوان یەكێتی و گۆڕان دوورو نزیك پەیوەبدی بە ( پرۆژەی فكری و مەدەنی و جیاوازی فكری و فەلسەفی سیاسی نییە بۆ ناو فەزای سیاسی ئێمەو بەرەكردنەوە لە بەرانبەر پارتیدا ، بەڵكو لە سەرەتاو لە كۆتاییدا پەیوەندی بە دۆڕانی چەواشەو خولی یەكەمی گۆڕانەوەیەو هاوپەیمانی بەستنی سیاسی لە پێناو گۆڕینی بالانسی هێز و بە دەستهێنانی قورسایی زیاتر .. ئەی شەرعییەتی ئەو شەڕە جنیۆو تیۆریزەكردنە چیلێهات كە شەوڕۆژ لە تۆپخانەكەوە گوێی ئێمەیان لێ كەڕ كردبوو ، گوایە یەكێتیش هەروەكو پارتییەو بنەمالەیەو مافیاو دزن ؟ ئەی لە ئێستاشا چۆن یەكێتی نیشتمانی ئەو سروشتەی فڕێداو بوو بە هێزێكی مەدەنی فریشتەیی ؟ نوكتەكە لەوێدایە یەكگرتن و پرۆژەی كاری هاوبەشەكە لە گەڵ باڵی بنەماڵەدایە ؟!!
جیاوازییەكەتان چی لێهات ؟
دوا خاڵ كە دەمەوێت لە سەری بوەستم ئەوەیە سەرباری بێ فكری و بێ فەلسەفەو بێ پڕۆژەیی گۆڕان وەك ئەوەی ماسكی بە سەردا دابوو ، لەم پرۆژەی كاری هاوبەشەشدا جولەو حەرەكەیەكی كۆن دوبارە دەكاتەوە و هیچی تازە ناڵێت . ئەزموون كراوێك ئەزموون دەكاتەوە .

کلیک بکەرە سەر سمبولەکانی خوارەوەو ، ئەم بابەتە ئاشنا بکە بە هاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies