هاوکار حسەین : تڕە ھاوڕێیەتی فەیسبوک .

بیھێنەرە پێش چاوت ، فەیسبوک سەلاجەیەکی ماڵەوەیەو ھەرچەندە ئـەزانیت شتێکی تازەی تیا نیە بۆ خواردن ، کەچی ھەمو 10 خولەکێک ئـەیکەیتەوەو ئـەگەڕێیت بۆ شت . ئـەمە دەلیلی ئـەوەیە لەباشترین حاڵەتدا فەیسبوک نەخۆشخانەیەکی دەرونیەو ئـێمەش ھەمومان نەخۆشین ، جا ئـەوانەی زۆر تیا ئـەمێننەوە ، وەزعیان دیارە خراپترە .

لام سەیرە ! ھەندێک لەکەسانی بەناو رۆشنبیر ، لەم نەخۆشخانە دەرونییەدا ، ناوبەناو ھەڕەشەی ئـەوە لەنەخۆشەکانی تر دەکەن کە ھەڵمەتێکی سڕینەوەیان دەستپێکردووە ، ھەمو پاساوەکانیشیان ئـەوەیە گوایە لایک و کۆمێنت بۆ پۆستەکانیان ناکەن .
ھاوڕێ گیان ! تۆ لەم دنیا مەجازییەی فەیسبوکدا ، وەک دیلێک وایت کە بەم رۆژگارە خەریکی نوسین بیت لەسەر دیواری زیندانەکە ، دواجار ئـەوانە ئـەیخوێننەوە کە تۆ نایانبینیت ، ئـەشێت ھەندێک ھاوڕات بن و ھەندێکیش دژ .
ئـەم ھەڵوێستەی ئـەوانەم وەک ئـەوەی حزبی کوردیی دێتە پێش چاو کە لەھەڵبژاردنەکانی رابردودا ، ھەڕەشەی بایەعی بڕینیان لەوانە دەکرد کە دەنگیان پێنەدەدان . من دەیان جار بابەتی جوانم خوێندووەتەوە ، بەڵام بیرم چووە لایک و کۆمێنتی بکەم .
ئـەڵێن : مەلایەک لەدێیەکدا دەیەوێت لەڕێگەی ترسەوە خەڵکی ئـامۆژگاریی بکا ، سەرەتا بەوە دەست پێدەکات کە ئـەم گۆی زەوییە ، چەند لەرزۆکە و ھاکا دنیا ئـاخر بوو . لەپڕ یەکێک دەپرسێت : مامۆستا توخوا بۆمان باس ناکەیت زەوی چۆنە ؟ ئـەویش ئـەڵێت : زەوی وەکو تۆپێک وایەو لەسەر قۆچی گایەکی شێتە ، ھەر کە رائـەکات ، ئـەو باران و بەفرو تەرزەیە دروست دەکات . ئەم گایەش لەسەر پشتی حوتێک وەستاوەو ھەر کە حوتەکە بەرزو نزم دەکات ، ئـیتر وەرزەکان دروست دەبن .
کابراش دەڵێت : جا وەڵڵا مامۆستا گیان ، ئەم تڕە کەڵەکەیەی تۆ باسی ئـەکەیت ، ئـەمڕۆش نەبێت ، بەیانی هەر دەڕوخێ .
ھەڕەشەی ئـەم جۆرە برادەرانەش لەھی مەلاکە ئـەچێت ، چونکە ھاوڕێیەتیەک وەک تڕە کەڵەک بەلایک و کۆمێنت بەند بێت ، ئـەمڕۆش نەبێت ، بەیانی ، ھەر ھەرەس دێنێت .

بە کلیکێک لەسەر سمبولەکانی خوارەوە ، ئەم بابەتە دەگات بە هاوڕێکانت

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies