عەبدوڵڵای مەلا نوری : بارزانی ئازایانە قسەی دڵی دركاند !

بەرزانی رایگەیاند : كاتێك دەستبەرداری پۆستەكەی دەبێت كە هەرێمی كوردستان بگاتە قۆناغی سەربەخۆیی ( دەوڵەت ) !

ئەم رستەیەی بەرزانی لە سەر پرسەكانی دەوڵەتی كوردی و كورسیەكەی ، بە كورتی ئەم خاڵانەمان بۆ دەردەخات :
یەكەم : بەرزانی وادەی دەستبەردەرابونی لە پۆستەكەی دیاریكرد ، هەروەها وادەی دروستكردن و راگەیاندنی دەوڵەتی كوردیشی دیاریكرد ، بەڵام بۆ هەردوكیان خواو بەرزانی دەزانێت كەی دەبێت؟!
دوەم : بەرزانی دانی بەوەدا نا ، بۆ مانەوەی لە پۆستەكەیدا پێویستی بە دیموكراسی و شەرعیەتی قانونی و پشتیوانی لایەنە سیاسەكان و پەرلەمانیش نیە ، بەڵكو شەرعیەتی مانەوەی لە سەر كورسیەكەی ، لە دروستكردنی دەوڵەتی كوردیەوە دەبێت .
واتە ئێستای بەرزانی شەرعیەت لە داهاتویەكی ناڕۆشنەوە وەر دەگرێت ، كە ئەمە هاوكێشەیەكی بێ وێنەیە لە مێژوی مرۆفایەتیدا !
سێیەم : بەرزانی دانی بەوەدا نا ، كە پرسی دروستكردنی دەوڵەتی كوردی بۆ خۆی قورخكردووەو ، لە ناو ٥ ملێون هاوڵاتی ئەم هەرێمەدا ، لە ناو تەواوی قیادەی هەمو حیزبەكاندا ، تەنها خۆی بە شایستەو شیاوی ئەو كارە دەبینێت و ، هیچ دامەزراوەو حزب و كەسێكی تر ، بە ئەهل و لایەقی ئەو كارە نابینێت .
بەرزانی ئازایانەو راستگۆیانەو راشكاوانە قسەی دڵی خۆی كرد !
ئێستا ئیدی كاتی ئەوەیە بزانین هەڵوێستی لایەنەكانی تر چی دەبێت ؟
ئایا لێدەگەڕێن لە لایەن تاكە كەس و تاكە حزبێكەوە ئایندە و چارنوسی ئەم وڵاتە ئاڕاستە بكرێت ؟
یان لایەنەكانی تر ؛ بە تایبەت گۆڕان و یەكێتی هەوڵی ئەوە دەدەن تەواوی پرسەكان ؛ بە پرسی سەرۆكایەتی هەرێم و دەوڵەتی كوردیشەوە لە چوارچێوەی پرۆژەیەكی نیشتیمانی گونجاودا ئاڕاستە بكرێت ؟
دەستەوەستانی و بێ هەڵوێستی و بێ پلانی لایەنەكانی تر ، لە ئاست قسەو روداو و پێشهاتەكان ؛ شەرعیەتدانە بە تاكڕەوی و سپاردنی چارەنوسی ئەم وڵاتە بە قەدەری نا دیار .

س ـ شار

بە کلیکێک لەسەر سمبولەکانی خوارەوە ، ئەم بابەتە دەگات بە هاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies