Talabani-3

تاڵەبانی دەبێتە باوکی ڕۆحی یەکێتی ..

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

یەكێتی نیشتیمانی كوردستان دوای چەندین كۆبوونەوە لەبارەی چۆنیەتی تێپەڕاندنی یەكێتی لەو قەیرانەی تێیكەوتووە، گەیشتە ئەنجام و دوو بڕیاری دا :

یەكەم : بەشداریكردن لە حكومەت .

دووەم: پێكهێنانی لێژنەیەك بۆ ئامادەكردنی كارەكانی كۆنگرەی چوارەمی ئەو حیزبە . كۆنگرەی چوارەمی یەكێتی قۆناغێكی هەستیار و یەكلاكەرەوەیە لەبەردەم ئەو حیزبە كە ململانێی تووند و كێشەی ئاڵۆزی تێدایە و پێشتر تاڵەبانی بە ئاسانی دەیتوانی بەسەریاندا زاڵ ببێ . ئەوەی پێش كۆنگرە لەنێو یەكێتیدا یەكلایی بووەتەوە ، پۆستی سكرتێری گشتی یەكێتی نیشتیمانی كوردستانە كە بەدرێژایی تەمەنی یەكێتی لەدەستی جەلال تاڵەبانیدایە .

ئێستا دوو پێشنیاز لەئارادان بۆ رێبەرایەتیكردنی یەكێتی لە غیابی تاڵەبانیدا :

یەكەم: دەستەیەكی سێ كەسی بەشێوەی دەوری یەكێتی بەڕێوەببات كە هەر دەورەیەك یەكێك ببێتە سەرۆك ، بەڵام سەرگرتنی ئەو پێشنیازە بە ئەستەم دەبینرێت . ئەندامێكی مەكتەبی سیاسی یەكێتی كە نەیویست ناوی بڵاوبكرێتەوە ، لەبارەی پێكهێنانی ئەو دەستەیە بە ( رووداو ) ی گوت “ ئەستەمە بەو شێوەیە لەنێو یەكێتیدا بڕیار بدرێ و دواتر خەڵك دێتە پێش و بەراوردكاری زۆر دەبێ كە ئەمە سەركەوتووترە و ئەویدیكە یەكێتی تووشی كێشەو ئاڵۆزی دەكات ، بۆیە بڕواناكەم ئەمە سەربگرێ ”.

پێشنیازی دووەمیش كە بە بەهێزترین پێشنیاز دادەنرێت بۆ رابەرایەتیكردنی یەكێتی و بڕیارە لە كۆنگرەی چوارەمی ئەو حیزبەدا كە لە 31/1/2014 دەبەسترێ گفتوگۆی لەسەر بكرێ ، وەك ئەو ئەندامەی مەكتەبی سیاسی یەكێتی گوتی بریتییە لەوەی پۆستی سكرتێری گشتی یەكێتی چ وەك ناو و چ وەكو پۆستەكە تەنیا بۆ تاڵەبانی بمێنێتەوە و وەكو “ باوكی رۆحی” یەكێتی ناوی لێبنرێ .

لە پرۆژەكەدا هاتووە كە ئەنجوومەنێك دروست بكرێ بەو مەرجەی فراوان نەبێ و كەسێك لەنێو ئەنجوومەنەكە ببێتە سەرۆكی ئەنجوومەن و لە خوارەوەی ئەنجوومەنیش چەند لێژنەیەك پێكبهێنرێ بۆ ئەوەی كاروباری یەكێتی راپەڕێنن . هەروەها ئەوەی دەبێتە سكرتێری ئەنجوومەنەكەش، دەسەڵاتی رەهای نەبێ ، بەڵكو هەندێ مەسەلە هەن دەبێ ئەنجوومەن بڕیاری كۆتایی لەبارەوە بدات .

بەپێی زانیارییەكانی ( رووداو ) ، هێرۆ ئیبراهیم ئەحمەد ، لەگەڵ ئەم بیرۆكەیەیە و پاڵپشتی تەواوی دەكات . لەو پڕۆژە و پێشنیازەدا باسی ئەوە كراوە كە چیدی ئۆرگانێك لەنێو یەكێتی بەناوی مەكتەبی سیاسی نامێنێ ، بەڵكو ئەنجوومەنەكە شوێنی دەگرێتەوە .

س: ڕ