وەزارەتی پێشمەرگە : جه‌میل بایك بازرگانی ماده‌ی هۆشبه‌ره‌ .

له‌ وه‌ڵامی لێدوانێكی جه‌میل بایك هاوسەرۆكی كەجەكە، كه‌ گوتبووی پێشمه‌رگه‌ ناتوانێ شه‌ڕ بكات و فێری ڤێلا و بازرگانی بووه‌ ، وه‌زاره‌تی پێشمه‌رگه‌ی هه‌رێمی كوردستان رایده‌گه‌یه‌نێ پێشمه‌رگه‌ هه‌رچی بێت باشتره‌ له‌وه‌ی وه‌ك جه‌میل بایك خه‌ریكی بازرگانیكردن بن به‌ ماده‌ هۆشبه‌ره‌كان .

هەڵگورد حیكمەت بەرپرسی راگەیاندن و رۆشنبیریی وەزارەتی پێشمەرگەی كوردستان بۆ (باسنیوز) رایگه‌یاند قسەكردن لەوەی چەكدارانی پەكەكە یان یەپەگە شەڕیان كردبێ، ئەمە دوورە لە راستی و چەواشەكارییە، خوێنێ پێشمەرگە لە هەموو بەرەكانی شەڕدا رژاوە ’.

دوای ئەوەی جەمیل بایك پێشمەرگەی بەوە تۆمەتبار كردبوو، كە بە هۆی ڤێلا و بازرگانییەوە، ناتوانێ شەڕ بكات، به‌رپرسی راگه‌یاندنی وەزارەتی پێشمەرگە ئه‌وها وه‌ڵامی ده‌داته‌وه‌ كه‌ ئەم لێدوانە خزمەت بە یەكڕیزی كورد ناكات و بەشایەدی هەموو وڵاتانی دنیا پێشمەرگە بەرگریكاری تەواوی هەرێمی كوردستان و ناوچەكەیە .

هەڵگورد حیكمەت گوتیشی قسەكانی بایك لەبارەی پێشمەرگە لەجێی خۆی نییه‌ و بۆ بچوكردنەوەی ناوی پێشمەرگەیه‌، كە ئێسته‌ هەموو دنیا باسی ئازایەتی پێشمەرگە دەكات كە بەرامبەر دەوڵەتێكی تیرۆریست شەڕ دەكات .

ئه‌وه‌شی راگەیاند ’پێم سەیرە هەندێك كەس خۆیان تۆمەتبارن بە بازرگانیكردن بە مادە هۆشبەرەكانەوە، رێگا بەخۆیان دەدەن ناوی پێشمەرگە بەخراپ بەكاربێنن ، هێزی پێشمەرگە پتر لە 1050 كلم سنووری لەگەڵ تیرۆیستان هەیە، ماوەی چەند مانگێكە قارەمانانە بەرگری دەكات و ئێسته‌ش لە هەموو بەرەكانی شەڕ پێشمەرگە پێشڕەوی دەكات ، چۆن دەكرێ بڵێی پێشمەرگە شەڕ ناكات ؟’.

سەرچاوە – باسنیوز

تێبینی / بەرپرسی ڕاگەیاندنی وەزارەتی پێشمەرگە ، لەسەر سلکی پارتییەو ، ڕاگەیاندەکانیشی راستەوخۆ زیان بە وەزیر و جێگری وەزیری پێشمەرگە دەگەیەنێت ، پێویستە هەڵوێستیان هەبێت و باشوری کوردستان بەرەو نائارامی نەبات .

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies