سەباح شێخانی : لە یادی 117ی ڕۆژنامەی كوردستانی دایك دا .

هـەواڵ لـە ڕۆژنـامـەنووسیی كـوردیـدا ( تێگەیشتنی ڕاستی ) بە نموونە

ئەگەر لەسەرەتای ڕۆژنامەنووسیی كوردیەوە دەست پێ بكەین ، ئەوە ئاشكرایە كە نۆبەرەی ڕۆژنامەنووسیی كوردی ، لەغەریبیدا چاوی هەڵێنا ، دوای دەرچوونی سی و یەك ژمارەی ڕۆژنامەی كوردستان ، هەر بە غەریبی سەری نایەوە ، لەگەڵ ئەوەشدا بووە سیمبۆل و بەردی بناغە بۆ دامەزراندنی ڕۆژنامەنووسیی كوردی . لە ڕۆژنامەنووسیی كوریدا هەواڵ كاریگەری هەبووە بەڵام بەو شێوە نییە ، وەك ئەوەی لە ڕاگەیاندنی بیانییدا دەبینرێت ، جا چ بە هۆی شێوازی نووسین بێت یان ئەو هەموو كۆسپ و تەگەرەیەی كە دێنە ڕێی . ئەمڕۆ جیهان بەهۆی تەكنەلۆژیاوە ، بووەتە گوندێكی بچووك ، سەرجەم ڕووداوە یەك لە دوای یەكەكان كە ڕۆژانە لە چركەیەكدا لەسەر زەویدا ڕوودەدەن ، بەشێوەی هەواڵ بڵاودەبنەوە .
لەم لێكۆڵینەوەیە باسی سەرەتای پەیدا بوونی هەواڵ كراوە و دواتر چۆن بە شێوەی نوسراو ، گەلانی دنیای گرتۆتەوە و دواتریش پەڕیوەتە كوردستان ، لێكۆڵینەوەكە باس لەوە دەكات كە چۆن بە هۆی كاریگەریی تەكنۆلۆژیاوە ، هەواڵیش لە دنیادا پێش كەوتووە ، هەروەها لە بەشی دووەمی باسەكە ئەوەش خراوەتە ڕوو كە تا چەند هەواڵ ڕۆڵی بینیوە . لەبەشی سێیەمی ئەم لێكۆڵینەوەیەشدا ، ڕۆژنامەی ( تێگەیشتنی ڕاستی ) مان بەنموونە هێناوەتەوە ، وەك ڕۆژنامەیەكی كوردی كە تا بزانین چەند لە ڕۆژگاری ڕابردوودا ڕۆڵی هەبووە . ڕێبازی لێكۆڵینەوەی ئەم باسە ، شێوەی مێژووی شیكاریە لە كۆنەوە تا ئێستا ، بەشێوەیەكی گشتیش شیكاری مێژووی دروست بوون و پەڕەسەندنی هەواڵ لە مێژووی ڕۆژنامەگەنووسیی كوردیدا ، لە سەرهەڵدانیەوە تاكو ئێستا كراوە .

بۆ خوێندنەوەی تەواوی بابەتەکە کلیک بکەرە سەر ــ لە يادى 117ى ڕۆژنامەى كوردستانى دايك دا

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies