Magret-Mitchell

کامەران وریا قانع : مارگرێت میشێل كێیه‌ .

ئه‌م ئافره‌ت ئه‌مریكییه‌ له‌ هه‌موو ژیانى خۆیی یه‌ك رۆمانى نووسى كه‌ بووه‌ هۆى ناوبانگێكى هه‌میشه‌یی له‌ مێژووى ئه‌مریكا . مرۆڤ زۆرجار به‌ یه‌ك به‌رهه‌مى داهێنه‌رانه‌ ده‌توانێت مێژوویه‌كى هه‌میشه‌یی بۆ خۆیی تۆمار بكات .

ئه‌م ئافره‌ت خاوه‌نى رۆمانى ( رۆیشت له‌گه‌ڵ بایه ‌) ( gone with the wind ) ، كه‌ له‌ ماوه‌ى 10 ساڵ كارى نووسینى ته‌واو كرد . ئه‌م رۆمانه‌ باسى جه‌نگى ناوخۆى ئه‌مریكا ئه‌كات ( 1861 – 1865 ) له‌ نێوان ویلایه‌ته‌كانى باكور و باشور كه‌ نزیكه‌ى 5 ملیۆن ئه‌مریكى له‌م شه‌ڕه‌ له‌ ناوچوون. ئه‌م رۆمانه‌ نزیكه‌ى 30 ملیۆن دانه‌ى لێفرۆشراوه‌ و بۆ زۆربه‌ى زمانه‌ زیندوه‌كانى جیهان وه‌رگێراوه‌ .
سینه‌مایی هۆلیۆد ئه‌م رۆمانه‌ى كرد فلیمێكى درێژى 4 كاتژمێرى. كه‌ 7 خه‌ڵاتى ئۆسكارى وه‌رگرت,له‌ ریزبه‌ندى 4 م دێت له‌ باشترین 100 فلیمى ئه‌مریكى له‌ سه‌ده‌ى بیست . وه‌ ریزبه‌ندى دووه‌م فلیمه‌ له‌ مێژووى سینه‌مای ئه‌مریكى كه‌ زۆرترین داهاتى هه‌بێت . ئه‌م فلیمه‌ دوو ساڵى ویست بۆ ده‌ست نیشان كردنى ئه‌كته‌ره‌كان كه‌ رۆڵه‌كان بگێرێن . بۆ یه‌كه‌م جار له‌ 15 كانونى یه‌كه‌مى ساڵى 1939 له‌ ویلایه‌تى ئه‌تله‌نتا نمایش كرا ، له‌به‌ر گرنگى فلیمه‌كه‌ ئه‌و رۆژه‌ كرا به‌ پشووى ره‌سمى له‌و ویلایه‌ته‌ . ئه‌م فلیمه‌ ئێستاش نوسخه‌ى ئه‌صلی له‌شوێنكى تایبه‌ت له‌ ئه‌مریكى پارێزراوه‌ وه‌كو سه‌ره‌وه‌تێكى نیشتمانى .
ئه‌م ئافره‌ته‌ له‌ ساڵى 1900 له‌ دایك بووه ‌, له‌ دایكیكى ئیرله‌ندى و باوكێكى سكۆتله‌ندى . خێزانى ماگرێت زۆریان له‌ شه‌ره‌كانى ناوخۆیی ئه‌مریكا گیانیان له‌ ده‌ست داوه‌ , كاتێك ته‌مه‌نى خوێندنى دێت , حه‌زى له‌ قوتابخانه‌ نابێت به‌ تایبه‌تى وانەى ماتماتیك , له‌به‌ر ئه‌وه‌ دایكى رۆژانه‌ به‌زۆر ده‌یبات له‌گه‌ڵ خۆیی بۆ قوتابخانه‌ .
به‌ گه‌نجیه‌تى ده‌زگیرانى كورێكى فه‌ره‌نسى ئه‌بێت , به‌ڵام ئه‌م كوڕه‌ دوای په‌یوه‌ندى كردن به‌ سوپاسى ئه‌مریكاوه‌ له‌ یه‌كێك له‌ شه‌ره‌كانى جه‌نگى جیهانى یه‌كه‌م له‌ فه‌ره‌نسا ئه‌كوژرێت له‌ ساڵى 1919 .
دواتر ئه‌م خانمه‌ تووشى نه‌خوشیه‌ك ئه‌بێت ، كه‌ زۆربه‌ى كات له‌ ماله‌وه‌ به‌سه‌ر ئه‌بات , بۆ سوود وه‌رگرتن له‌ كاتى خۆیی ده‌ست ده‌كات به‌خوێندنه‌وه‌ى مێژووى شه‌ڕى ناوخۆىی ئه‌مریكا . ئه‌م خانمه‌ به‌هۆى بیستنى چیرۆكى راستى ئه‌و شه‌ڕه‌ له‌ كه‌س و كاره‌كه‌ى , زۆر سوودى وه‌رگرت . دواجار له‌گه‌ڵ رۆژنامه‌نوسێك ژیان دروست ئه‌كات به‌ ناوى جون مارش له‌ ساڵى 1925.
له‌ جه‌نگى جیهانى دووه‌م وه‌كو خۆبه‌خشێك له‌گه‌ڵ خاچى سورى ئه‌مریكى له‌ فه‌ره‌نسا كار ئه‌كات , بۆ گه‌یاندنى خۆراك بۆ شارى ڤیموتییه‌ , له‌ ئه‌نجامى ئه‌م كاره‌ى له‌ فه‌ره‌نسا خه‌ڵات ئه‌كرێت و نازناوى ( هاولاتیه‌كى خاوه‌ن شكۆى شارى ڤیموتییه‌ ) پێده‌به‌خشرێت .
له‌ مانگى ئابى 1949 كاتێك له‌ شه‌قام ئه‌په‌رێـته‌وه‌ ئۆتۆمبێلێك لێی ده‌دات و دواى 5 رۆژ مانه‌وه‌ له‌ خه‌سته‌خانه‌ گیانى له‌ ده‌ست ئه‌دات . ئێستا ماڵه‌كه‌ى كه‌ ئه‌و رۆمانه‌ى تیا نووسیوه‌ بووه به مۆزه‌خانه‌ له‌ ولایه‌تى ئه‌تلانتا .
زۆر له‌ ده‌زگاكانى راگه‌یاندن داویان لێكرد به‌شى دووه‌مى رۆمانه‌كه‌ بنوسێـت , به‌ڵام رازى نه‌بوو .
ژیانى ئه‌م خانمه‌ پێمان ده‌ڵێت : ده‌كرێت له‌ ژیاندا یه‌ك كارى جوان بكه‌یت و بۆ هه‌تا هه‌تایه‌ مێژوو بۆ خۆت تۆمار بكه‌یت .

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies