کامەران وریا قانع : یه‌كێتی و ده‌ستى دوو .

له‌ دنیایی بازاردا هه‌موو جار كه‌رسته‌یه‌كى ده‌ستى دوو نرخه‌كه‌ى ئه‌وه‌نده‌ هه‌رزان ئه‌بێت , كه‌ خاوه‌نه‌كه‌ى ئاماده‌یه‌ هه‌رزان فرۆشى بكات و هه‌ندێكجار هه‌ر له‌ كۆڵى بێته‌وه‌و نرخ لاى گرنگ نیه ‌.
ئه‌مرۆ هێزیكى وه‌ك یه‌كێتى نیشتمانی وایلێهاتووه‌ ، بووه‌ به‌ كه‌رسته‌یه‌كى ده‌ستى دوو , كه‌ زۆر هه‌رزان فرۆش كراوه‌ له‌ لایه‌ن ئه‌وانه‌ى خۆیان به‌ خاوه‌نى ئه‌زانن . ئه‌وه‌ى یه‌کێتی ‌هه‌رزان نرخ كرد یاسایی بازار نه‌بوو , به‌ڵكو سیاسه‌تى هه‌رزان نرخی بوو , به‌رامبه‌ر هێزێكى وه‌ك پارتى .
ئاخر ئه‌م هێزه‌ له‌ هه‌موو روویه‌كه‌وه‌ هیچى له‌ پارتى كه‌متر نیه‌ له‌ هێزى سه‌ربازیه‌وه‌ بیگره‌ بۆ توانایی دارایی بۆ پێگه‌ى جه‌ماوه‌رى و تاكو خه‌باتى شاخ , به‌لام كه‌ سه‌رنج ئه‌ده‌یت وه‌كو زۆربه‌ى ئه‌ندامه‌ پله‌ به‌رزه‌كانى ئه‌ڵێن پارتى هه‌موو شتێكى بۆ خۆیی بردوه‌ و ئه‌مانیشى له‌ بازارى سیاسه‌ت هه‌رزان كردوه‌ .
ئه‌وه‌ى ئه‌مرۆ ئه‌م هه‌موو قه‌یرانه‌ى دروست كردوه‌ پارتى نیه‌ به‌ ته‌نها به‌شێكى زۆریشى له‌سه‌ر یه‌كیه‌تیه‌ , به‌و جۆره‌ى كه‌ سه‌ركرده‌كانى ئه‌م حزبه‌ به‌ ئاشكرا دیاره‌ كه‌ كوردستانیان به‌ چه‌ند ملیۆن دۆلارێك به‌ پارتیان فرۆشتوه‌ , ده‌سه‌لاتیشیان داوه‌ به‌ پارتى به‌ دڵى خۆیی ئه‌م میلله‌ته‌ به‌ دار و به‌رد بكێشێت , ئه‌وه‌ى یه‌‌کێتی لێئاگادار نیه‌ ئه‌مرۆ كه‌ سه‌رچاوه‌كانى هێز زۆربه‌ى به‌لاى ئه‌ودا شكاوه‌ ، به‌ڵام هه‌موو مه‌ست بوون به‌و ته‌ماحه‌ بچوكه‌ى پارتى .
یه‌كێتی له‌ رووى په‌یوه‌ندیه‌کانی ده‌ره‌وه‌ له‌ پارتى باشتره‌ , له‌ رووى سامانى سروشتیه‌وه‌ زۆنه‌كه‌ى ده‌وڵه‌مه‌ندتره‌ , له‌ رووى په‌یوه‌ندى له‌گه‌ڵ هێزه‌ كوردیه‌كان باكور و رۆژهه‌لات كه‌ ئه‌مرۆ چاوه‌روانى گه‌وره‌یان لێده‌كرێت باشتره‌ له‌ پارتى , له‌ رووى شه‌ڕى داعشه‌وه‌ داستانى گه‌وره‌یی كردوه‌ و … هتد .
ئیتر ئه‌بێت چ سحرێك بێت ئه‌م حزبه‌ ئه‌وه‌نده‌ ترسا بێت له‌ حزبێكى وه‌ك پارتى كه‌ به‌ بێ مه‌رج ته‌سلیمى هه‌موو سیاسەتێكى بووه ‌. چ نهێنیه‌كه‌ ئه‌م حزبه‌ ئه‌وه‌نده‌ خۆیی به‌ بچوك ئه‌بینێت ؟ ره‌نگه‌ سه‌ركرده‌كانى یه‌كێتی مانه‌وه‌ى خۆیان به‌ مانه‌وه‌ى باڵاده‌ستى پارتى له‌ كوردستان به‌ستبێته‌وه‌ ؟
یه‌كێتی له‌م رۆژەدا ته‌نها بنكه‌ جه‌ماوه‌ریه‌كەى ته‌ندروست و باشه‌ ، ئه‌گینا سه‌ركرده‌كانى هه‌موو بوون به‌ ده‌ستى دوو و سێ و چواریى هه‌رزان فرۆش بۆ پارتی .

بەکلیکێک لەسەر سمبولەکانی خوارەوە ، ئەم بابەتە دەگات بە هاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies