هێمن قادر : ئەوقاف و حیزب .

لەکۆمەڵگای ئێمە وەزارەتی ئەوقاف لەبەری نموزەجێکی جوانی بەڕێوبەردن بۆتە بەشێک لە فەسادی ئیداری و گەندەڵیەکان . مامۆستایانی ئاینی ئەم وەزارەتە لەژێر هەڕەشە و دوورخستنەوەو چاو سورکردنەوە و سوتاندنی ڕیشیان کارەکانیان ڕایی دەکەن . ئەوانەی ئەم وەزارەتە بەڕێوە دەبەن زۆربەیان کەسانی سەر بەحیزبی دەسەڵاتدارن و شارەزایی یان لەکاروباری ئاینیدا نیە .

لەڕۆژگاری ئەمڕۆدا کاتێک عەرشی ئەم دەسەڵاتە گەندەڵە هاتۆتە لەرزین و دەترسن لەمانەوەی خۆیان بۆیە بەپێچەوانەی پەیامی ڕابردوویان کاتێک پێیان وابوو دین شتێکی روحیە و دەبێت لەچوارچێوەی مزگەوتدا بمێنێتەوە نابێت پەل بهاوێتە ناو کایەکانی تری ژیان ، بەڵام ئێستا هەوڵدەدەن نەک بەبئ دەنگ کردنیان بەڵکو بەکارهێنانیان لە بەرژەوەندی خۆیان، بەتایبەت لەم چەند ڕۆژەدا کەئاستی ناڕەزایی خەڵکی گەیشتۆتە لوتکە .
لەهەولێر ئەو هەولێرەی کەدەسەڵاتدارەکانی هیچ دوژمنێکی کورد نەماوە کە بۆی نەچەمابنەوە ، دوا مامۆستایانی ئاینی دەکرێت کەبێ دەنگ بن و هانی خەڵکی بدەن بۆ ئەوەی دان بەخۆیاندا بگرن بەبیانوی جیاواز و لاواز ، ئەگەریش مامۆستایەکی ئاینی بەپێچەوانەی ئەوان ڕاستگۆیانە باسی گەندەڵی و فەسادییەکانی دەسەڵاتی باسکرد ئەوا تەقە لەماڵەکەی دەکرێ و یاخود ئیهانە و سوکایەتی پێ دەکرێت و ڕیشی دەسوتێنن .
لەسلێمانیش دوا لەمامۆستایانی ئاینی دەکرێت لەوتاری هەینیدا هانی مامۆستایان بدرێت بچنەوە هۆڵەکانی خوێندن و بایکۆتکردن بشکێنن ئەم داوایەی وەزارەتی ئەوقاف لەمامۆستایانی ئاینی و جێ بەجێکردنی لەلایەن مامۆستایانی ئاینی وەک ئەوە وایە منداڵێک لە برسان بگریا و لەبری ئەوەی پارووە نانێکی بدەیە دکتۆرێکی دەروونی بۆ بانگ بکەی و باسی برسییەتی بۆبکەی بۆئەوەی ژیر بێتەوە .
ئەمە لەکاتێکدایە مامۆستایانی ئاینی لەبارو دۆخێکی وەها ئەگەر لەبەر پیرۆزی کارەکانیان نەبا گومانی تێدانیە بایکۆتی کارەکانیان دەکرد ، هەروەها وەزارەتی ئەوقاف یەکێکە لەوەزارەتە گەندەڵەکان لەبەری ئەوەی خۆی بەراستکردنەوەی کارەکانی خەریک بکات بۆتە ماوسێک بەدەست حیزبە دەسەڵاتدارەکان چۆنیان بوێ بەم شێوەیە کاریان پێ دەکەن .

بەکلیکێک لەسەر سمبولەکانی خوارەوە ، ئەم بابەتە دەگات بە هاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies