ئەبوبەکر جاف : بۆ هیوا قادر و كتێبی سەفەر نامە .

ئەوەی ئێستا ڕوودەدات لە ئاستی میللی و جەماوەریدا ، مانێڤستی هەڵهاتن و هەڵگەڕانەوەیە لە ڕاپەڕین و دروشم و بەڵێن و ئەكتەرو دەرئەنجامەكانی .
مێژووی سیاسی ئێمە لە ” دوو بۆ سێ ” ڕووداو زیاتر تێناپەڕێت . ڕوداوی سیاسی بەو مانایەی پەیوەندی بە ژیانی سیاسی ئێمەو فەزاو كایەی سیاسییەوە بێت . شۆڕشی ئەیلول وەك ئەكتێك كە ، لە ٧٥ ئاوا بوو ، بەڵام ڕوداوێكی ناوازەو دەگمەن و دانسقەی سیاسی بوو . گرنگی ڕوداوێكیش لە دانسقەیی و دەگمەنی بوونیدایە . ئەكتێكی داهێنراو جیاواز لە ئەكتی پێش خۆی . شۆڕشی ئەیلول ئەكتێك بوو لە ناو مۆدێرنیتێ و گوتارێكی سیاسی كوردی جیاواز كە توانی لەو دیو ناوچەگەرایی و لۆكاڵیبوون و قەبیلەو خێڵەوە ئەكت و ڕێكخستن و گردبوونەوەیەكی میللی بخولقێنێت كە لە پێش خۆیدا بەم شوناس و ڕێكخستن و گوتارو سەرمایەو شەرعییەت و حیكایەتەوە بوونی نەبوو .
پاش ٧٥ ڕوودسوێك نابینین تا ڕاپەڕین ، هێشتاكە ڕاپەرین قۆستنەوەی هەلومەرج و بەرهەمهێنان و سودوەرگرتن بوو لە هەلومەرجێك ، بەڵام شۆڕشی ئەیلول خولقاندنی ئەكتی سیاسی بوو . ڕاپەرین ڕوداوێكە بوو ئەویش تەواو بوو ، دوا نەفەس و دوا هەناسەی ئەكتی ڕاپەڕینی ئێمە لە دوو هەزارو سەرەتای دوو هەزاری میلادیدا بە كۆتا گەیشت . لەوێدا ئیدی نەوە و ئەكتێك دەخولقێت كە ، سەر بە سەرمایەو شەرعییەت و زمان و حیكایەت و چیرۆك و ئەكتەرەكانی ڕاپەڕین نییە . بەڵام كارەساتەكە لەوێدا بوو دەسەڵاتی سیاسی ئێمە نەیدەویست دان بنێت بە تێپەڕین و تێپەڕاندنی خەیاڵێك كە ، بە خۆر ڕا دەكێشرا بە ئامانجی درێژبوونەوەی خودی ئەكتەرەكانی پێش ڕاپەڕین و ناو ڕاپەڕین . ڕاپەڕین بۆ دەیەیەك دەچێت چ سەروكارێكی لە گەڵ ئاستە جەماوەری و میللی و حیكایەتەكانی ژیانی ڕۆژانەی ئێمەدا نەماوە ، تەنیا وجودی حیكایەت و سەرمایەی ڕاپەڕین لای نوخبەیەك لە دەسەڵاتدارانی سیاسی دونیای ئێمەیە ، ئەم مانەوەو ڕاكێشان و فو تێكردنە هەڵوەستەو وەستان و دەرگیربوون و پابەندبوونی نیشتمانی و نەتەوەیی و مۆرالی نەبوو ، بەڵكو شەرعییەت وەرگرتن و دەسبەردارنەبوونی نوخڤەی سیاسی ئێمە لەوەی كۆتایی پێ نەیەت و بە كەر نرخێك بێت خۆی درێژ بكاتەوەو دەسكەوت و ئیمتیازی زیاتری ڕەمزی و مەعنەوی و مادی دەسەربەر بكات و زیاتری بكات و پارێزگاری لەوە بكات كە ، لە دەستیدایە . مامەڵەكردنی پاش دوو هەزار لە گەڵ تۆژەكانی یادكردنەوەی ڕاپەڕین هیچ سەروكارێكی بە ڕاپەڕین و بە حوزورهێنانەوەی تەقس و سروت و دۆخی ڕاپەڕینەوە نەبوو ، بەڵكو وەك پشویەكی بەهارانە بۆ گەشت و گوزار و خۆشی و شادی و چێژێك كە ، بە هیچ شێوەیەك پەیوەندی بە ڕاپەڕین و ئەكتی ڕاپەڕینەوە نییە .
ڕۆژە پشوكانی مانگی ئادار بۆ نەوەی نوێ هەناسەو نەفەس وەرگرتنێك بوو لەوەی دەوامی دام و دەخگاكان نییەو لە ماڵەوەین و بە ئارەزووی خۆمان بەیانییەكەی لە خەو هەڵدەسین . جا گەمژەیی و وەهمی دەسەڵاتی سیاسی ئێمە لەوێدابوو وایدەزانی ئیمە ڕۆحییەن هۆگرین بە ڕاپەڕین و یادكردنەوەكانییەوە . لە پاش دوو هەزار هەڵگەڕانەوە بە فۆرم و دەركەوتنی جیاواز بەرانبەر ڕاپەڕین ڕویدا، هەڵهاتن بۆ دەرەوە ، كەمبوونەوەی بەشداریكردن لە هەڵبژاردنەكان ، نەچوون بۆ ئاهەنگ و كۆڕو كۆبوونەوە سیاسییەكان ، دەركەوتنی زمانی سیمبۆلی و ڕەمخی و موفرەدەی دیكە لە ژیسنی ڕۆژانەماندا ، هەڵهستن لە فەزای واقع و ڕۆچوون بە باو فەزسی مەجازیدا ، پەیوەندی بازرگانیانە بە حزبەوە،چوونە ناو حیكایەتی ژیانی تایبەت و دەركەوتەكانی، دەركەوتنی دێوازی دیكەی جیاوازی مامەڵەكردن و دووركەوتنەوە لە ژیانی سیاسی و دەركەوتنی ستایلی دیكەی ژیانكردن و پەیوەندی ئینسانی و پەیوەندی ئینسانی ئێمەو سیاسەت ، دەركەوتنی ئەكتی یاخیبوون و هەڵگەڕانەوە لە دەسەڵاتی سیاسی ….ستسیژی جل و بەرگ و خمانی مامەڵەو ئاخافتن و گفتو گۆ …. بەڵام گەمژەیی دەسەڵاتی سیاسی ئێمە بەرانبەر ئەم ئەكتە نوێیە لەوێدا بوو كە وەك ئینحراف و لادان و دەرچوونی حاڵەتی و نەشاز وێنای دەكرد . یان مەحكومی دەكرد بە فەوزەوییەت و بێباكی و دووركەوتنەوەو ڕەشبینی و بێباكی .
دەسەڵاتی سیاسی ئێمە لە ناو غرورو جەهل و لیشاوو لافاوی هاتنی پارەدا ئەمانەی لە بیرچوو ، گەمژەیی و حەماقەتی دەسەڵاتی سیاسی ئێمە نەیدەزانی ئەمە درزە ، دابڕانە ، ئەكتێكی نوێی سۆسیۆ – سیاسییە كە هەر دەبێت ببێت بە دیاردەو بە كولتورو بە میللی و جەماوەری . ئێستا ئێمە ڕێك لە ناو هەڵگەڕانەوەیەكی دەستەجەمعی و گەورەداین لە بەرانبەر ڕاپەڕین . ڕاپەڕین بۆ ئێستای نەوەیەك وەك چیرۆكێكی ساردوسڕیش تاقەتی گوێ لێگرتنمان نییە . لە لایەكی دیكەوە ، سەرباری بێباكی و خەمساردی چەند نەوەیەك بەرانبەر بە ڕاپەڕین پرسیاری چۆنێتی هەڵگەڕانەوە لە ڕاپەڕین سەری هەڵداوە ، ڕاپەڕین جاش كردی ، ڕاپەڕین كۆمەڵێك شاخاوی هێناو ژیان و ستایلی ژیانی ئێمەی تێكدا ، ڕاپەڕین ئەكتی سیاسی نەبوو ، ڕاپەڕین بە ئاودیوكردنی ژێرخانی ئابووری ئێمە لە شۆفڵ و كارگەكان و شەڕی ناوخۆو دوو ئیدارەیی و سێ ئیدارەییدا دەركەوت . واتە ڕاپەڕین لە گوێپێنەدان و وەلاخستنەوە بوو بە سوژەی ” كتێبێكی ڕەشی ڕاپەڕین و كتێبی ڕەشی شۆڕشی كوردی ” . ڕاپەڕین لە یادكردنەوەوە گۆڕا بە ڕاپەڕین دژی ڕاپەڕین لەناو ڕۆژەكانی یادكردنەوەی ڕاپەڕینی ئیمەدا .

بە کلیکێک لەسەر سمبولەکانی خوارەوە ، ئەم بابەتە دەگات بەهاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies