بێکه‌س به‌رواری :  لبیرەوەریا 26 ساڵییا تیرۆرکرنا شەهید ڕەئوف کامیل ئاکرەیی دا .

تێروركرنا هزرێن ئازاد

چیروكه‌ك ژبه‌رپه‌رێن ئازادیخازا

ده‌م شه‌ڤه ‌… و باژێر یێ بێ ده‌نگه … ئه‌لكترێكا هاتیه‌ بڕین و تاریكستانه … ئه‌ڤ باژێره‌ ژی وه‌كی گه‌له‌ك باژێرێن دی ین كوردستانێ بویه‌ كه‌ لها ترسێ … و هولكا سه‌یێن ئاغایه … و دیلانا مرنێ شه‌ڤبێریا وانه ‌!.

ترومبێل كێكم دكولان و شه‌قامێن باژێڕی دا دهێن و دچن …  مروڤ نه‌وێرن گه‌له‌ك بپشتڕاستی ده‌ربكه‌ڤن … تاریه‌ و سه‌ێن نێچیرێ خو ڤه‌لیساندیه ‌! ده‌نگێ سا و پاسه‌وانا ، و فیتكێن وان و چرپه‌ چرپا ده‌نگ و ڕپه‌ رپا پێێن روێبوار تێكه‌لی ئێكدبن . سه‌موفونیایاكا ترسێ لێ دده‌ن .

ئه‌و رابو شپێرڤه ‌… كورسیكا خو پالدا پشتێ و بره‌وێڤه ، هێدی به‌ره‌ڤ ره‌خێ راستێ زڤڕی ، ژ ناڤبه‌را مێز و كورسیا هاته‌ ده‌رێ .. دڤیا خاترا خو بخازیت ، ئه‌ویێ بله‌زبو … كوڕێ وی كاوه‌یێ لهیڤیێ ، دره‌نگه ، شه‌ڤه ، تارییه‌ ، تاریكستانه ، به‌لێ ئه‌و هه‌رشه‌ڤ دره‌نگ ڤه‌ دگه‌ڕیته‌ مالێ كارو خه‌باتا وی یێ بێ سنوره‌ و وه‌ستانێ نزانیت ، دیوانێن وی دگه‌رم و بمڤانه ، كوڕ ، كومبون ،  سمینار ، ئێڤاریێن هوزان و چیروك خاندنێ بوی بله‌زه‌ت و دخوشن ، زانا و هێز به‌خشه‌ و نه‌ترس و بباوه‌ر… ئێكی گوتێ روینه‌ ئه‌م ژگوتنێن ته‌ تێر نابین … ئێكه‌ دی كوتێ شه‌ڤه‌ تاریییه … راوسته‌ بلا ئه‌لكتریك بهێته‌ ڤه ، وی گوت هه‌ڤال مه‌و تاریێ شه‌ره‌ و ئه‌و نه‌شێت مه‌بڕه‌ ڤینیت ، ئێكه‌ دی گوتی گه‌لی هه‌ڤالا بهێلن بلا بچیت نوكه‌ ده‌یكا كاوه‌ی لهپڤیاوییه … ئه‌وی بگڕنژینڤه‌ گوت : مانێ هه‌می شه‌ڤان چاڤێ وێ لڕێیه‌ و گوهێن و ل چكه‌ چكه‌ كلیلایه‌و ڤه‌كرنا ده‌رگه‌هی … دزانم نوكه‌ هزره‌ك وێ دبه‌ت و سه‌د هزرێن دی وێ دئیننڤه‌ و ئه‌و د هزراندایه‌ و لهیڤیا ڤه‌گه‌ریانا منه … ژ بو وێ گرنگه‌ ڤه‌گه‌رم ، چ ده‌م بیت بته‌نێ ئه‌ز ڤه‌گه‌ر ئه‌و ژبوێ گرنگه ‌!

دایكا كاوه‌ی یا لبه‌ر په‌نجه‌رێ و چاڤێ وێ یێ لڕێكێ و گوهێن وێ ێن لده‌نگی ده‌رگه‌هی و چكه‌ چكا كلیلا “”

كاوه‌ی گازیكر دایێ بابو نه‌ هات ! نه‌ داو نه‌ نه‌هات .. نزانم بوچی دیار نه‌بو .

دادێ بابێ من هه‌ ر دره‌نگ دهێت … ئه‌و یێ لگه‌ل هه‌ڤالێن خۆ .. مانه‌ دادێ ؟

به‌لێ كوڕێ من به‌لێ ئه‌و گه‌له‌ێێ بهه‌ڤالێن خو ڤه‌گرێدایه .

كورێ من نوكه‌ ئه‌وێێ گه‌نگه‌شێ دكه‌ن … داو حالێ وی هه‌ر ئه‌ڤه‌یه ‌!

چ دادێ گه‌نگه‌شێ یه‌عنی شه‌ڕی دكه‌ن …! نه‌ داو ئه‌و مناقه‌شێ دكه‌ن.

دادێ بوچی بابو گه‌له‌ك لگه‌ل هه‌ڤالێن خوبه‌حسێ رێنجه‌را و هه‌ژار و ئاغا و زوردارا دكه‌ن ؟

دادێ ماهه‌می ئاغا دخاربن … نه‌ داو نه‌ ئه‌و ئاغاێن زولمێ دكه‌ن یان هاریكاریا دوژمنا دكه‌ن ئه‌و دخرابێن … نه‌هه‌می داو نه‌هه‌میی .

داو ئه‌و لسه‌ر دوزا مله‌تی دئاخڤن وان دڤێت وه‌ك هه‌ڤی هه‌بیت و فه‌قیری كێم ببیت و هه‌می بخوشی بژین له‌وما به‌حسێ ئاغاژی دكه‌ن ئه‌و به‌شه‌كن ژ كومه‌ڵگه‌ها كوردستانی …

ئه‌وی گوتی گه‌لی هه‌ڤالا ئه‌ڤه‌ ده‌مه‌كه‌ هه‌وه‌ ئه‌ز راِستاندیم ، هیڤیدكه‌م لمن ببورن دڤێت بچم دره‌نگه .

كتێبێن خو ده‌ینانه‌ دده‌ستێ چه‌پێ داو به‌رچاڤكا خو بده‌ستێ راستێ گرت ، هیدی به‌ره‌ڤ ده‌رگه‌هی چو لسه‌ر ملێ خو زڤڕی دوجاران گوتی شه‌ڤ باش هه‌ڤالان بخاتراوه‌ و ژ چایخانێ ده‌ركه‌فت !

به‌رچاڤك هاڤێته‌ چاڤێن خو… خاندنا زێده‌ چاڤێن و یێن هه‌وجه‌ی به‌رچافكا كرین!

هزره‌ك وی دبه‌ت و یه‌ك دئینیت و هزردكه‌ت سنورێن كوردستانی ، سه‌ربه‌خویی و ئازادیێ ، وه‌ك هه‌ڤی و و ، و ،… گه‌له‌ك هزر و هیڤی هه‌رده‌م دمه‌ژیێ ویدا كومدبن … وه‌كی ڤولِكانه‌كێ دمه‌ژیێ وی دا شه‌ڕه‌ دناڤبه‌را حه‌ز و هیڤی و جێبه‌جێ بونێدا !.

ده‌ستێن خه‌و لپه‌رتوكێن خو دشدینیت ، باشترین هه‌ڤالێن وی و زێره‌ڤانێن وینه .

چه‌كێ وینه .

ئه‌ویێ دل ساخه‌و باشورێ كوردستانێ ئازاده … كوردستانی وه‌لاَتی برێڤه‌ دبه‌ن… ددلێ وی دا هه‌می هه‌ڤالن … دهزری ویدا گوتنێن وی هه‌می دبه‌رژه‌وه‌ندیا بلند یا كوردستانێدانه … راسته‌ ئه‌ڤرو دئێڤاریا چیروك خاندنێداو دده‌مه‌ شلۆڤه‌كرنێ دا گرژی یه‌ك په‌یدابو … هزره‌ك وی دبه‌ت وئێك وی دئینیت و دیوارێ هزرا ئاڤادكه‌ت و دهه‌ڕفینیت … هزرێن خو كرن و گوت : نه‌ نه‌ نه‌ ئه‌ز باوه‌رناكه‌م ئه‌و گوتنێن من ئه‌ڤرو گوتین كارگه‌ریه‌كا گه‌له‌ك خراب هه‌بیت … ها ما من چ تشتێ خه‌له‌ت گوتیه ‌! من راستی گوتن ، باشه‌ ما بوچی ئه‌و هه‌ڤال عاجز بو ، من قه‌ت به‌حسێ وی نه‌كر ته‌نێ من گوت ئه‌ڤ چیرۆكه‌ وه‌ك راستیا ره‌وش و كاودانێن مه‌ێن ئه‌ڤرونه‌ و ململانێ دنه‌ڤبه‌را زوردار وئاغا ، ئه‌ڤرو دناڤبه‌را مله‌تێ هه‌ژار و ده‌ستهه‌ڵاتدارانه‌ و ده‌ستهه‌لاَت وه‌ك كومه‌كا ئاغا كاردكه‌ن و ئاغایێن به‌رێ ژی هه‌ر ماینه‌ و خو لپشت وان ڤه‌شارتیه ‌؟… به‌لی ئه‌ز دبێژم … ئه‌ز دبێژم ئه‌و هه‌ڤالێن من راست دبێژن . ئه‌و براده‌ر گه‌له‌ك توره‌بو و بێهناوی كورت بو… ده‌ما وی ڤیای به‌رسڤا من بده‌ت و نه‌ هێلا ئه‌ز گوتنێن خو بدوماهی بینم … ئه‌ز باوه‌ر دكه‌م ئه‌و براده‌ر گه‌له‌ك عاجز بو ، راسته‌ ئه‌و ئه‌ڤرو په‌رپرسه‌ك مه‌زنه‌  ” به‌لێ ئه‌وژی كوڕێ هه‌ژاره‌كی بو … و دبه‌رێ دا دژی ئاغا و ده‌ره‌به‌گێن خراب و كه‌سێن خۆفرۆش خه‌بات دكر؟.. چما ئه‌ڤرو ئه‌و وه‌سا عاجز و بێهن ته‌نگ بو؟ ئه‌وی ئه‌ڤ هزره‌ هه‌می دمه‌ژیێ خودا ئینان و برن … پیچه‌ك بێ ده‌نگ بو … پێت خوگرانكرن … چه‌ند پێهنگاڤێن دی چو … راوه‌ستا ڤه‌ . پاشی گوت دابچم ئه‌زیێ نێزیكی مالێ بویم … هێدی هێدی ئه‌و به‌ره‌ڤ مالێ چو … نێزیكی دائیرا به‌رێ یا ئه‌منێ یا به‌رێ بو چه‌ند هزره‌ك دی كرنٍ زیندان .. سێداره‌دان ، ژه‌هركرن ، و و و؟ .

باژێریێ بێده‌نگه ، تاریێ یا خو بسه‌ر باژێری دادای .. زنگ … زنگ … زنگه‌ زنگا عامودێن كاره‌بێیه‌ ؟… چنگ .. چنگ … ده‌نگ نێزیكی وی بو … ئه‌وی نه‌ دزانی واتا وێ زنگه‌ زنگێ چییه‌ ؟. نه‌ دزانی كو تاری هولكا سه‌یێ ئاغایه‌ و نێچرڤانێن ئازادی خازا ، و بێده‌نگ كه‌رێن راستیێ ، مرنێ دكه‌ن مێهڤان و ئازادیێ دخه‌ندقینین … و هزرو بیر وپه‌یڤا سه‌رژێدكه‌ن و مه‌ژیێن تژی هزر دپه‌قینن … و چراێن روناهیێ دڤه‌مرینن … كچك و ژنكێن جان یان دێ دسه‌ردا به‌ن یان ژی دێ گوشتێ وان ده‌نه‌ قڕوقه‌ڵه‌ره‌شا و مشك و مارا .

ئه‌و هزركه‌ره … رۆشه‌نبیره … هه‌ لگرێ ئالایێ رێنجبه‌رایه … هایی ژخو نه‌بو دهزرادابو … چنگه‌ چنگا عامودا نزیكبو … هزرێن وی بڕین … پاشی هزرا وی هاته‌ گوتنێن هه‌ڤالا ؟ زه‌نگا زه‌نگا عه‌مودا نیشان و ئیشاره‌تێن مرۆڤ كوژانه ، هه‌ر چه‌ند ئه‌و زه‌نگێ لێدده‌ن ئه‌و دبێژنه‌ ئێكو دو یێ هات … یان هاتن … نیشانه‌ بو وان كه‌سێن خو دڕێدا ڤه‌لیساندی و لهیڤییا نێزیكبونا نێچیرێنه ‌؟.

زنگ .. زنگ . زززز نگگگگگگ زززز نگگگگگگ ؟ زه‌نگه‌ زه‌نگ نێزیكی ویبو … ره‌پ ره‌پا پێین وان هاتێ … رێ لێگرت … ئه‌قسامێن كلاشنكوفا كێشان … ئه‌و را ِوه‌ستا و كره‌ گازی راوه‌ستن ئه‌زم ئه‌ز … ئه‌ ز ره‌ئوف ئاكره‌یی مه‌ … تبل لسه‌ر زنادا شداندن … ئه‌م دزانین تو ئه‌و پ … كی عه‌شائیره‌ ؟ یێ دی گوت كی وه‌كی ئاغا و ده‌ره‌به‌گایه …؟ كی زورداره‌و كی كرێ گرتی و خائینه …… و و و و …….. “”” ؟.

پێكڤه‌به‌رێ چه‌كێن خو داوی و ده‌ست لسه‌ر زنادا شداندن … ته‌ق … ته‌ق …. تۆرررررررررر …. ته‌ ق ته‌ق ته‌ق …. وی كری قێڕی هه‌ی خوفروش … هه‌ی ……….. ی ی ی …….. ئاخ خخخخخ .

وی كتێبێن خوشداندن و به‌رنه‌دان … گوله‌كێ … و دوگوللا … سێ گوللا … له‌شێ وی سومت و ئاگر كه‌فته‌ هناڤێن وی … هێدی هێدی كه‌فته‌ عه‌ردی … كتێبێن وی كه‌فتنه‌ دكوشا ویدا و به‌رچاڤكا وی دبه‌ر چاڤا تژی خوین بون … له‌شێ وی گه‌رم بو … سوت ….. هه‌ر وی دڤیا خوراگریت و خو بده‌ست مرنێ ڤه‌ به‌رنه‌ده‌ت … چاڤێن وی لێك زڤرین … و گێژ بو … و چه‌ند دیمه‌نه‌ك هاتنه‌ به‌ر چاڤێن وی‌ .

ئالایێ كوردستانێ … ده‌وله‌تا كوردی … په‌یڤێن ئازادی و یه‌كسانی و … و … و دیمه‌نێ دایكا كاوه‌ی و كاوه‌ی و ئه‌ندامێن مالباتێ و هه‌ڤالا ، و دیمه‌نێ حه‌سه‌ن كوێستانێ ده‌ما لمه‌ڵبه‌ندێ چاریێ ئێكه‌تیێ گوتیێ كاك ره‌ئوف هه‌كه‌ تو بزانی بارودوخێن ته‌ دخاربن ئه‌م حه‌ز دكه‌ین بو ته‌ هنده‌ك پاسه‌وانا دانێین … و ده‌ما وی ژی بگرنژینڤه‌ گوتی سوپاس كاك حه‌سه‌ن ئه‌ز ژمله‌تێ خو ناترسم من زێره‌ڤان و پاسه‌وان نه‌ڤێن به‌رچافكێن من زێره‌ڤانێن منن و په‌رتوكێن من پاسه‌وانێن منن و سوپاس بو هه‌وه … بیرا وی هاته‌ ئێكه‌تیا نڤێسه‌را و ئێڤاریێن روشه‌نبیری و گه‌نگه‌شا ئێڤاریا چارشه‌مبێ … و شیره‌تێن هه‌ڤالا ده‌ما گوتیێ یێ هشیاربه‌ بتنێ ده‌رنه‌كه‌ڤه … شه‌ڤڕه‌ڤینكێن شه‌ڤێ كه‌یفا وان بڕوناهیێ ناهێت و لتاریێ قاره‌مانن ژبو نه‌هێلانا ئازادی خازو مێرخاسێن سه‌ربلند و خودان هه‌ڵوێست … ئازادیێ دكه‌نه‌ قوربانیا تێرورێ . ئه‌و باش گێژبو و خوینا وی دچو و كه‌س لته‌وارا وی نه‌هات … بیرا وی هاته‌ كونگرێ دامه‌زراندنا رێكخراوا تێكوشانا ره‌نجده‌رێن كوردستانێ … هه‌ ڤالێن وی … دیسان دیمه‌نێ كاوه‌یێ كوڕێ وی … لێڤین وی له‌رزین ده‌ڤی وی هشك بو … سروده‌كا نیشتیمانی هاته‌ بیراوی و ده‌ست پێكر … رحا وی هاته‌ سه‌رێ دڤنا وی و ئه‌زمانێ وی گران بو … گوری ته‌ ببم كوردستان … بژیت كوردستان … ئاژادی خاز نامرن ن ن ن …. “””””. ستێره‌ك ژئه‌سمانا رژیا و چیایه‌ك هه‌ژیا و روباره‌ك كه‌فته‌ پێلا وكاروانێ شه‌هیدا تلیلیا بخێرهاتنا شه‌ هیده‌كێ نوی كر …

دلێ ده‌یكا كاوه‌ی بستا … وای ئه‌ڤه‌ چ ته‌قه‌ ته‌ق بو … ئه‌ڤه‌ نێزیكی مالا مه‌بو … وای هاواره …. چ ل ره‌ئوفی نه‌ هاتبیت …؟ ده‌مێ هاتنا وییه‌ … كاوه‌ی گازیكر دادێ ته‌ ئاڤ بومن ئینا … داو كاوه‌ ئه‌ز ئه‌ز هاتم … و په‌رداخ ژ ده‌ستێ وێ كه‌فت و دلێ وێ ئاگاداربو وناف ملێن وێ لێ بونه‌ ئێش … كاوه‌ به‌زی و دڤیا ده‌ربكه‌ڤیت دا بزانیت كا بابێ وی چ لێهات و بو نه‌هاته‌ڤه … ؟ ده‌یكا وی خو تێوه‌ركر و نه‌هێلا بچیت …

بڕاستی ئه‌و بخو گه‌له‌ك دترسا به‌لێ ژبه‌ر كاوه‌ی هه‌ر دگوت داو نه‌ترسه‌ چ نینه‌ ” دێ نوكه‌ بابو هێت نه‌ترسه‌ ”

داو نه‌ترسه‌ چ نینه … نه‌ترسه … و نه‌دزانی كاوه‌ ما بێ باب و رێنجبه‌ر و رێكخراوا وان مانه‌ بێ سه‌ركرده‌و و روشنه‌نبیرا مروڤه‌كێ ئازا و ئازاد ژ ده‌ست دا  ”

باژێرێ دهوكێ له‌رزی روشه‌نبیر توره‌ِبون… خو پێشاندانه‌ وكاروانێ روشه‌نبیرا و خه‌لكێن توڕه‌ به‌ره‌ف زێده‌بون دچیت و به‌ره‌ف قه‌برستانێ رێ دگرن وهێدی هێدی دچن … دروشم و گری و روندك تێكه‌لی هاوار و گازیا كه‌س و كار و هه‌ڤالا بون هنده‌ك دروشم هاتنه‌ بلندكرن وه‌ك ( شه‌هید ره‌ئوف سوزبیت ریا ته‌ به‌رنه‌ده‌ین ) ( شه‌هیدكرنا هه‌ڤال ره‌ئوف ئاكره‌ی مه‌زترین تاوانه‌ دژی ئازادیێ ) ( تیروركرنا ره‌ئوف ئاكره‌یی تێروكرنا هزرێن ئازاد و دیموكراسیه‌تێیه‌ ) و هه‌تا دوماهیێ گه‌له‌ك دروشم هاتنه‌ بلندكرن ” گه‌له‌ك روندك هاتنه‌ رشتن …” گه‌له‌ك ئاخینك هاتنه‌ هلكێشان ..” گه‌له‌ك هیڤی و ئومێد چرمسین … روژێن خه‌مگین هاتن .

چله‌یا شه‌هیدبونا ره‌ئوف كاملی یه‌ و كورێ وی كاوه‌ سوزێ نوی دكه‌ت ئه‌و خو بلند دكه‌ت دا بگه‌هیته‌ مایكروفۆنێ ” بژیێ خو زاروكه‌ به‌لێ هشیار و ژیره‌ و خودان هزره‌ … هه‌ڤالێن شه‌هیدی په‌یڤا دخونین … ماموستایێ من و هه‌ڤالێ شه‌هیدی نزار ئه‌حمه‌د په‌یڤه‌كێ دخونیت … و چه‌ندین په‌یڤێن دی دهێنه‌ خاندن و تێدا چه‌ند پسیاره‌ك دهێنه‌ كرن .
كی تاونباره‌ ؟ بوچی كه‌س نه‌هاته‌ گرتن و سزادان …؟  هه‌تا كه‌نگی دی هزرێن ئازاد هێنه‌ تێروركرن و چراێن روناهیێ هێنه‌ ڤه‌مراندن ؟ كه‌نگی دێ سنوره‌ك بو ڤان تاوانا هێته‌ دانان ؟ كه‌نگی دێ مرۆڤێن ڤێ وه‌لاَتی ئازادبن و كه‌نگی دێ روناهی جهێ تاریێ گریت ؟.

كه‌نگی تێ شه‌هیدكرنا ئازادیخازا و خه‌لكێ خودان سوز و هه‌ڵوێست راوه‌ستیت . ئه‌ڤه‌ و گه‌له‌ك پسیارێن دی هاتنه‌كرن و هه‌تا ئه‌ڤرو دبێ به‌رسڤن .

  • بو زانین ئاگه‌هداری :
  • ئه‌ڤ چیروكه‌ ل چله‌یا شه‌هید ره‌ئوف ئاكره‌یی یا هاتیه‌ نڤێساندن به‌لێ هه‌تا ئیرو نه‌هاتیه‌ به‌لاَڤكرن و ئه‌ڤه‌ جارا ئێكه‌یه‌ وه‌ك دیاریه‌ك بو گێانێ شه‌هیدێ ئازادیێ و سه‌ركردێ روشه‌نفكره 
  • به‌رچافكێن شه‌هید ره‌ئوف شاكره‌ی تابلویه‌ك بون د پێشانگه‌هه‌كا هونه‌ریدا له هولا شه‌هید سه‌لمان یا هونه‌ری ل دهوكێ وه‌ك سیمبوله‌كا ئازادیێ

 

کلیک کەرە سەر سمبولێن خارێو ، ئەڤ بابەتە ئاشنا بکە بهەڤاڵی خو

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies