سەلاح خدر : ئەمڕۆش یەکگرتوو لە کۆنگرەکەیدا بەیعەتی خۆی بۆ ئاکەپە و ئەردۆغان نوێ کردەوە .

ئەگەر گوێ لە گوتار و کرداری یەکگرتوو بگرین چەندە دەتوانن باوەڕ و متمانەی خۆتان بەداعش بدەین ئەوەندەش دەتوانین متمانە بە یەکگرتووی ئیسلامی بکەین ، ئاخر ئەردۆغان خەلیفەی داعشە .
بۆیە دەگەینە ئەو راستینەیەی کە یەکگرتوو گورگێکی ترسناکە بۆ پرسی نەتەوەییمان لە پێستی مەڕدا خۆی مەڵاسداوە .
لە ڕاپۆرتەکەی دا ئەمینداری گشتی یەکگرتوو محەمەد فەرەج پەسنی ئاکەپە دەکات و بەئاواکردنی دیموکراسی و دەرفەتێکی ناوازە بۆ کورد وەسفی دەکات و دەڵێت : ئەم پرۆژەی كرانەوەی دیموكراسیەی كە ئەكەپە هەرلەسەرەتاوە بانگەشەی بۆ دەكرد , كەش و هەوا و زەمینەی گۆڕینی هەلومەرجی ناوخۆی توركیا زۆرتر كرد , چونكە ئەم پرۆژەیەی كرانەوەی دیموكراسیە سروشت و پێكهاتە و پەیكەری دەسەڵات و دەوڵەتی لە توركیا دەگوڕێ لە دەوڵتێكی پۆلیسی بۆ دەوڵەتێكی مەدەنی و لەدەوڵەتێكی قەومیەوە بۆ دەوڵەتێكی دیموكراسی و دەرفەتێكی ناوازە بۆ كورد دەرەخسێنێت بەمەرجێ كوردی باكور بتوانێت سودی لێ ببینێت .
هەرلەو ڕاپۆرتەدا بێ ئاماژەدان بە لوتبەرزی و دکتاتۆریەتی ئەردۆغان کە هۆکاری سەرەکی شکستی قۆناغی ئاشتی و ئەو کۆمەڵکوژیانەیە لەژن و منداڵ و پیر ڕۆژانە لە باکوری کوردستان ئەنجام دەدرێت محەمەد فەرەج لایەنی کورد بەنەفەس کورت بەناو دەکات و دەڵێت : مەخابن لایەنەكانی مەسەلەكە نەفەسیان كورت بوو , نەیانتوانی پابەندبن بەو ئەرك و داوایانەی كە قۆناغی سەرخستنی پرۆسەی ئاشتی لەباكورد دەیخواست .
ئەم پەیامەی یەکگرتوو ئەمڕۆ بەخەڵکی دا دوورە لەهەموو ئەخلاق و بەها و پڕەنسیپە نەتەوەیی و سیاسیەکان .. وەک پەیامەکەی کۆنگرەی پێشووترە کە سەلاحەدین بەهادین ئاکەپەی بە هەڵهاتنی خۆری ئومێد و هیوا بۆ گەلانی ڕۆژهەڵاتی ناوەڕاست وەسف کرد .

کلیک بکەرە سەر سمبولەکانی خوارەوەو ، ئەم بابەتە ئاشنا بکە بە هاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies