عیماد عەلی: چۆن متمانه‌ به‌ گۆران له‌ق نابێت؟

كه‌ مه‌سه‌له‌یه‌كی گرنگ و هه‌ستیاری وه‌ك دارایی بزوتنه‌وه‌ی گۆران بێته‌ئاراوه‌ و چه‌ندین كاردانه‌وه‌ به‌دوای خۆدا بێنێت. بیگومان واباشتره‌ بۆ زیاتر قه‌ناعه‌ت و باوه‌ركردن به‌ راستی بابه‌ته‌كه‌ و ورده‌كاریه‌كانی، ده‌بێت چاوه‌رێی رونكردنه‌وه‌ی لایه‌نی دووه‌م بكرێت، كه‌ بزوتنه‌وه‌ی گۆرانه‌، با بزانین تاچه‌ند حه‌قیقه‌ته‌كان ده‌رده‌خات بۆ ئه‌وه‌ی هه‌ر یه‌كه‌و له‌ نێوخۆی گۆران و ده‌ره‌وه‌شی هه‌ڵوێستی هه‌بێت و قسه‌ی خۆی بكات، له‌به‌ر ئه‌وه‌ی ئێستا گه‌نده‌ڵكاران له‌ خۆشیدا گه‌شكه‌ ده‌كه‌ن، بۆیه‌ ده‌بێت موحاسه‌به‌ی گۆران له‌ لایه‌نی تر توندتر بێت، له‌به‌ر ئه‌وه‌ی ئیدعای پاكژی و شه‌فافیه‌ت و عه‌داله‌ت و خزمه‌تكردنی میله‌ت و هه‌ژارانی ده‌كرد. چاوه‌رێی قسه‌ی قسه‌كه‌ره‌كه‌ی گۆرانین، ئه‌گینا زانیاری وردتریش بلاوبۆته‌وه‌ و هیواردارم وا نه‌بێت. له‌وێشدا حه‌قه‌ كادرانی بزوتنه‌وه‌ی گۆران و ئه‌وانه‌ی حه‌قیقه‌تیان لایه‌ و به‌ تایبه‌تی ئه‌وانه‌ی رۆڵیان له‌ كۆمپانیای وشه‌ هه‌بووه‌، وه‌ك به‌ تایبه‌تی كاك بابه‌كر دره‌یی قسه‌ی خۆیان هه‌بێت بۆ ده‌رخستنی راستی مه‌سه‌له‌كه‌. پرسیاره‌كه‌ له‌وێدایه‌ ئایا راسته‌ كاك نه‌وشیروان وتویه‌تی: ئه‌م کاره‌ده‌که‌م تا دڵنیابم گرده‌که‌ له‌ده‌ستی ئه‌میندایه‌ و هه‌ر بۆ خزمه‌تی گۆڕانه‌؟ ئه‌مه‌ش چه‌ندین پرسیاری تر ده‌وروژێنێت.
كه‌چی رونكردنه‌وه‌كه‌ی نما و چیا ئه‌وه‌نده‌ قه‌ناعه‌تهێن نین و ده‌بێت بزوتنه‌وه‌ی گۆران راوبۆچونی خۆی هه‌بێت و راستیه‌كان بڵێت، بۆ ئه‌وه‌ی چاودیران و خه‌ڵك له‌ زۆر گومان ڕزگاریان بێت و دواتر هه‌موو لایه‌نه‌كانی ئه‌م مه‌سه‌له‌یه‌ به‌خۆیان لێكيبدەنه‌وه‌ و هه‌ر بۆ خۆیان سه‌رپشك بن له‌ ته‌ماشاكردنی بابه‌ته‌كه‌ و ڕوانین و هه‌ڵسه‌نگاندنی پرسێكی ئاوها هه‌ستیار له‌ هه‌موو لایه‌كیه‌وه‌. بۆیه‌ ئه‌م مه‌سه‌له‌ كتوپره‌ تائێستا خوێندنه‌وه‌ی جیاوازی بۆ ده‌كرێت و ره‌نگدانه‌وه‌ی نێگه‌تیڤی نه‌ك له‌سه‌ر بزوتنه‌وه‌ی گۆران، به‌ڵكو له‌سه‌ر كۆی بیركردنه‌وه‌ی خه‌ڵكی كوردستان و متمانه‌ی نێوان خه‌ڵك و ئۆپۆزسیۆن له‌ دوارۆژدا ده‌بێت و، تا راده‌یه‌كی زۆريش كاریگه‌ری له‌سه‌ر رێره‌وی سیستمی سیاسی و له‌سه‌ر داواكردنی نه‌هێشتنی گه‌نده‌ڵی له‌ كوردستاندا ده‌بێت.
بۆیه‌ خاڵێكی زۆر هه‌ستیار و گرنگ بۆ بزوتنه‌وه‌ی گۆران له‌م كاته‌دا ئه‌وه‌یه‌ كه‌ متمانه‌ی خه‌ڵك له‌ده‌ست نه‌ده‌ن و هیچ كه‌سێك نه‌توانێت به‌وانی تر بیانشوبهێنێت، ته‌نانه‌ت گومان له‌ ده‌رسختنی ئه‌م دیۆكۆمینتانه‌ له‌ نێوخۆیی خۆیاندا درسوت نه‌بێت” ئه‌ویش به‌ ده‌رخستنی حه‌قیقه‌تی ئه‌م مه‌سه‌له‌یه‌ و ئه‌وه‌ی راسته‌ بیدركێنن و ئه‌وه‌ش هه‌ڵه‌یه‌ راستی بكه‌نه‌وه‌ و داوای لێبوردن بكه‌ن له‌ جه‌ماوه‌ری خۆیان پێش هه‌ر كه‌سێكی تر.

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies