mala-bextyar

تیر و توانجی ده‌زگاجاسوسیه‌كان و چاوپێكه‌وتنێكی مه‌لابه‌ختیار .. شه‌هاب كه‌ریم

کوردانی تەراوگە بەشێکی دانەبڕاو بوون لە خاك و نیشتمان ، ئەوساتانەی شەڕی ناوخۆ گڕی بەماڵی کورد دەدا ، ئێمەی دورە ولات لەگەڵ ئازارەکانی نیشتماندا بێبەش نەبووین ، شەڕێک کەبەردەرگای یەکێتی گرتبوو ، وەخۆی سەپاند بوو دەبێت بیکات ، ئێمە لەدوورەوە بەلەدەستدانی هەر ڕۆلەیەکی نیشتمان خەم وپەژارە دایدەگرتین و لەناخماندا پرسەمان بۆ دادەنا .. هۆکارێکی سەرەکی بوو بۆ زیاتر هاندانی لاوانی وڵات بەرەو هەندەران و ڕزگار بوونیان لەو جەنگە نەخوازیارە ..

به‌ڵام له‌ئێستادا به‌پێچه‌وانه‌وه‌ ، دوای ووشیاربوونه‌وه‌ و په‌راوێزخستنی ده‌ستی ده‌ره‌كی ناحه‌زانی میلله‌ته‌كه‌مان و چه‌ندساڵێك به‌سه‌رله‌دایك بونی حوكمه‌ت و په‌رله‌مان و كه‌م تا زۆر خزمه‌تگوزاری ودروستبونی شارستانێتی له‌ناو كۆمه‌ڵگاكه‌مان وگه‌ڕانه‌وه‌ بۆزێدی باوباپیران ، جارێكی تر بوه ‌پێچه‌وانه‌ی كۆچكرد و ئه‌ومه‌نفایه‌ی له‌سه‌روه‌ ئاماژه‌م پێداوه ‌هه‌زاران كوردانی تاراوگه‌ به‌دیداری خاك و نیشتیمان شادبوون ، كه‌سانێك هه‌ن بێ گوێدانه‌ به‌ها ئه‌خلاقیه‌كان پێیان وایه ‌جیاواز له‌كلتور و كۆمه‌ڵگه‌ی كورده‌واری و دور له‌داب و نه‌رێتی هه‌ركوردێكی خاوه‌ن مۆڕاڵ ، واده‌ڕواننه ‌خۆیان گوایه ‌له‌كلتور و كۆمه‌ڵگه‌یه‌كی تر گه‌وره‌بوون و هیچی تریان پێ قبووڵ ناكرێت ، جگه‌ له‌تیروتوانجی كۆمه‌ڵایه‌تی كه‌به‌لێشاو ده‌ریده‌بڕن . له‌گه‌ڵ ئه‌وه‌شدا نه‌له‌مانای گفتوگۆده‌گه‌ن نه‌له‌ده‌ستور و یاسای ڕه‌خنه‌گرتن ده‌گه‌ن ، یه‌كێك له‌پێویستیه‌كانی دروستبون و گه‌شه‌كردن له‌ژیانی سیاسیداڕه‌خنه‌یه‌ ، گه‌رچی ڕه‌خنه‌ی دروست و نادروست له‌گۆڕه‌پانی سیاسی بزوتنه‌وه‌ی ڕزگاریخوازی گه‌له‌كه‌ماندا هه‌میشه‌ كایه‌یه‌كی دیاری نێوشۆڕش و گیانبازان بوه‌ ، به‌هه‌ردوودیوه‌كه‌یدا .

هه‌ندێك بۆخۆڵكردنه‌ چاو و ناوزڕاندن ” یان ملشكاندن و مه‌رام ، به‌رژه‌وه‌ندی تایبه‌تی وه‌گه‌ڕیان خستوه‌ ، هه‌ندێكیش بۆكه‌م سه‌یركردن وبێنرخ كردن و زۆرخراپ به‌كارهێنانی ناو و ناتۆری كه‌سێتی و توانجی كۆمه‌ڵایه‌تی بێ ئه‌ندازه ‌ڕێ پێنه‌دراوی كلتوری بێبه‌ڵگه‌ی نه‌بیستراو ئاراسته‌ی نه‌یاره‌كه‌ی ده‌كات ، ماوه‌یه‌ك له‌مه‌وبه‌ر له‌مانگی حوزه‌یرانی ساڵی ٢٠١٢ منیش وه‌ك تاكێكی كۆمه‌ڵگه‌كه‌مان و هه‌روه‌ك تاكێكی كوردانی تاراوگه‌ به‌دیداری خاك و نیشتیمانم شادبوومه‌وه‌ و له‌سه‌ردانێكی مه‌كته‌بی سیاسی یه‌كێتی نیشتیمانیدا له‌گه‌ڵ چه‌ندپێشمه‌رگه‌یه‌كی دێرین ، چاوم کاک مه‌لابه‌ختیار ، لێپرسراوی ده‌سه‌تەی كارگێڕی و وته‌بێژی مه‌كته‌بی سیاسی یه‌كێتی نیشتیمانی كوردستان كه‌وت و دوای ئه‌وه‌ی باسی هه‌ل و مه‌رج و بارودۆخی ئێستای سیاسی كوردستانی كرد ، له‌گه‌ڵ ئه‌وه‌شدا باسی له‌تیرو توانجی كۆمه‌ڵایه‌تی و سیاسی و زۆری تری هه‌مه‌چه‌شنه‌ی كرد ، ئه‌گه‌رچی یه‌كه‌م پرسیارم به‌ڕه‌خنه‌ده‌ست پێكرد ، به‌ڵام گوێ بیستی ته‌واوی ڕاز و گلله‌ییه‌كانمان بوو ، ئه‌وه‌ی له‌دورده‌بیرێت وه‌ك ئه‌وه‌نیه ‌له‌نزیك بیبینیت ، ئه‌گه‌رچی ڕه‌خنه‌ڕاستكردنه‌وه‌ی هه‌ڵه‌وكه‌م و كوڕییه‌كانه ‌له‌سه‌رئاستی بنه‌ماڕاستیه‌كان ،، به‌ڵام به‌داخه‌وه ‌وه‌ك باسمكرد هه‌ندێك ڕه‌خنه ‌ته‌نها بۆخۆڵكردنه ‌چاو و ناوزڕاندنه‌ ، نامه‌وێت زیاتر له‌وه‌بدوێم من ئه‌ڵێم كه‌سێك خۆی پێ چاك نه‌كرێت چۆن ده‌بێت به‌رامبه‌ره‌كه‌ی پێ چاك بكرێت ، كه‌سێك له‌سه‌رئاستی ناڕاستگۆیی و به‌رژه‌وه‌ندی تاكه‌كه‌سی بێبنه‌ما ڕه‌خنه‌ بگرێت ، چۆن ده‌توانێت ڕۆڵی كاریگه‌ری هه‌بێت و خۆی به‌ئه‌لته‌رناتیڤی ، ئه‌وده‌سه‌ڵاته‌دابنرێت كه‌سانێك به‌درێژایی ته‌مه‌نیان له‌وپه‌ڕی ناخۆشی و ناهه‌مواری و نه‌هامه‌تی كه‌به‌سه‌ر ئه‌م میلله‌ته‌ به‌دبه‌خته‌ماندا و هه‌رله‌سه‌رتای دروستبون و هه‌ڵگیرساندنی شۆڕشه‌وه‌ ، واقیعی كوردستانیان به‌جێهێشتوه‌ و له‌به‌رشنه‌ی شه‌ماڵی لێواری ده‌ریاكانی هه‌نده‌راندا به‌وپه‌ڕی حه‌ز و ئاره‌زوه‌كانیان ته‌مه‌نیان به‌سه‌ربردوه‌ ، ده‌بێت ئه‌وه‌چی مانایه‌ك ببه‌خشێت داوای ڕوخاندن و له‌ناوبردنی ده‌سه‌ڵات بكات ، ئه‌مه‌جگه‌له‌وه‌ی كه‌هه‌ربه‌قه‌د زه‌ڕه‌یه‌كیش ئیمانیان نه‌به‌گۆڕان و نه‌به‌روستبونی ئه‌وبزوتنه‌وه‌یه‌ش هه‌بێت ، ئاخرده‌بێت هونه‌ری ئه‌وانه‌ له‌چیدابێت ئه‌و دواكاریانه‌یان هه‌بێت كه‌به‌درێژایی ته‌مه‌نیان ته‌نها بۆ خوله‌كێكیش ناخۆشیه‌كیان نه‌بینیبێت ..

165 جار بینــراوە لەڕەهێڵپۆست