ھاوڕێ چۆمانی : ستەم کاری یاساکان .

  

پێش زیاتر لەچەند سەدەیەک بیرمەندی گەوەری ئەوروپی ڤۆلتێر ووتویەتی خەراپترین جۆری ستەمکاری ئەو ستەم کارییە کە بەھۆی یاسا وە ممارەسەدەکرێت ، لەواقیعی حالدا ستەم کاری ھەر ستەمە جا بەھەر وەسیلەیەک و ئامرازێک سەرھەل بدات واتە ئامراز و دیاریکردنی ناسنامەی ستەم کار و شوێن و کات گرینگ نیە ئەوەی خالی سەرەکیە ئەوەیە رێگەندانە بە مافە سروشتی و یاسایەکانی تاکەکان و سودمەند نەبەونە بە داھات و سامانی گشتی و لەناوبردنی دەنگە ئازادیخوازەکانی نیشتیمانە .

وەک چۆن ئاین ئەگەر نەتوانرا تێگەیشتنێکی ھەمەلایانە و ریالیزمیانە و پێشکەوتنخوازانەی پێ ببەخشرێت ئەوا لەجیاتی ئەوەی مانای بەختەوەری و خۆشگوزەرانی بێنێت و بەدبەختی و تەنگ و چەلەمە شوێنی دەگرێتەوە،بەھەمان شێوەش گەر یاسایەک نەتوانرا ببێتە مایەی خۆشگوزەرانی و ئارامی ئەمە ئەو یاسایە زیاتر لە خواستێکی ستەمکاری و دکتاتۆرانە نزیک ئەبێتەوە و گشتی پایەکانی دەولەتداری بۆ خزمەتی تاکە کەس و حزب و دارودەستەکانی رابەری وڵات دەبێت و زۆرینەی خەلکیش لەبەر ھەژاری و کەمدەرامەتی و بێ بەشکردنیان لە مافە گشتی و سەرەتایەکان لە دەوری ئەو بازنەیە دەخولێنەوە .

ناکرێت ئەوە دەست نیشان نەکەین ھۆکاری سەرەکی بۆ بەستەمکردنی یاساکان لایەنی ھۆشیاری ھاووڵاتیان رۆلێکی سەرەکی ھەیە لەدەرکەوتنی یاسا ستەمکاریەکان و بێدەنگیان لەبەردەم ھەوڵە تاکرەوانیەکەی حاکمی ووڵات چونکە ھەمیشە بێدەنگ بوون ھەنگاوێک حاکمەکان نزیک دەکاتەوە لەکورسی ستەمکاری و دەرکردنی یاسا ستەمکاریەکان 

گشت پەیامە ئاسمانی و بەرنامە دەستکردەکان جەخت لە قەدەغەکردن و حەرام کردنی ستەم و ستەکاری ئەکەن و سزایەکی توند بۆ دیاری کراوە و ەھانی مرۆڤایەتیش ئەدەن لەسەر دوکەوتنەوە لە ستەم و درێژکردنی دەستی ھاوکاری و خۆشەویستی و برایەتی لەنێون کۆی پێکھاتەکانی کۆمەڵ .

ماوەتەوە بلێین وتەکەی تۆماس جیفرسۆن دروستە و لە شوێنی خۆیەتی کە وتویەتی ” کاتێک یاسایەکان دەبنە ستەمکاری ئەوا یاخی بوون ئەرکە .