نەوزادی موهەندیس : ڕوسیا لە ڕۆڵی كۆمبارسەوە بۆ پاڵەوان لە ڕۆژهەڵاتی ناوەڕاستدا .

سوپاس بۆ کلیک کردنە سەر تۆڕە کۆمەڵایەتیەکان و ناردنی بابەتەکە بۆ هاوڕێکانت

ڕوسیا وەك میراتگری یەكێتی سۆڤیەتی هەڵوەشاوە لەساڵی 1991 وە ڕۆڵ و كاریگەری خۆی بۆ دەیە ساڵ و زیاتریش لەهەموو دونیادا و بەتایبەتیش لەناوچەی ڕۆژهەڵاتی ناوەڕاستدا وەك زلهێزێك و جەمسەرێكی ململانێ جیهانیەكە لەدەستداوە و خۆشی بچوك و گۆشەگیركەوتوە و هاوپەیمان و دۆستەكانیشی بێئومێد و دەستخەڕۆ خستوە .
گەر بە مێژووی یەكێتی سۆڤیەتی جاران و ڕوسیای ئێستاشدا بڕوانین ، ئەوا هەمیشە دووڕوویی لە بەڵێن و وازهێنان و بەجێهێشتنی هاوپەیمان و دۆستەكانیان لەنیوەی ڕێگادا پیشەی هەمیشەیی و سیاسەتی حیزبی شیوعی سۆڤیەتی و حكومەتی كرملین بوە بۆ وڵات و حكومەت و تەنانەت حیزبە شیوعیەكانی ئەو وڵاتانەش
ئەوەتا كاتێك شۆڕشی ئۆكتۆبەر بەڕابەرایەتی حیزبی شیوعی سۆڤیەتی سەركەوت لەگەرمەی جەنگی جیهانی یەكەمدا ، ڕاستەوخۆ لەو جەنگە كشایەوە و كەلێنێكی گەورەی خستە ناو هاوكێشە سیاسی و سەربازیەكانەوەو ئیدی لێرەوە ڕۆڵ و كاریگەری یەكێتی سۆڤیەتی ڕوو لە بچوكبونەوە و گۆشەگیری كرد .
لە جەنگی جیهانی دووەمیشدا یەكێتی سۆڤیەت ڕووبەڕووی داگیركردنی ئەڵمانیەكان بوە و كارەساتی بەناوبانگی ستالینگرادی لێكەوتەوە و هێندەی نەمابوو مۆسكۆی پایتەختیش بگیرێت و لە ئەنجامیشدا یەكێتی سۆڤیەت تەنها توانی چەند وڵاتێكی ئەوروپای ڕۆژهەڵاتی بخاتە ژێر ڕكێف و خولگەی خۆیەوە و ژمارەیەك حیزبی شیوعی لە دونیادا دروست بكات كە زۆرینەیان نەیانتوانیوە بگەنە دەسەڵات و هەمیشە یەكێتی سۆڤیەت بەبەكارهێنانی سیاسەتی توندوتیژی و تواندنەوەی نەتەوە و ئاینەكان و پشتیوانیكردنی لە هێز و حكومەتە تاكڕەوەكان لەدونیادا گەشەی بە سیاسەت و ڕۆڵی خۆی داوە . بەڵام هەمیشە زۆرینەی جەماوەر و كۆمەڵگای لەدەستداوە .
لە سەردەمی جەنگی ساردیشدا كە لەدوای جەنگی جیهانی دووەمەوە و لەساڵی 1952وە دەستیپێكردوە و تا ساڵی 1991 بەردەوام بوە لە نێوان بلۆكی سۆسیالیستی ڕۆژهەڵات و سەرمایەداری ڕۆژئاوادا بەڕابەرایەتی ئەمریكا ، هێواش هێواش ڕۆڵ و كاریگەری ڕوسیا بەرەو قەتیسبوون و بچوكبونەوە دەچوو تا لەكۆتایدا و لەئەنجامی سیاسەتی هەڵەی داخراو ونەبونی دیموكراسی و ئازادیەكان و بەكارهێنانی سیاسەتی ئاگر و ئاسن لەناوخۆی خۆی و لەو وڵاتانەشی كەپێڕەوی بەناو سۆسیالیستیان كردوە .
ئەوەی گرنگە لێرەدا پرسیاری لەبارەوە بكرێت ، ئەوەیە ئەرێ‌ ڕۆڵی ڕوسیا لە ئێستادا لەناوچەی ڕۆژهەڵاتی ناویندا چیە ؟ ئایا وەك لەڕابووردوودا دەبێت یان لە ئایندەدا كاریگەرتر و ئەكتیڤتر دەبێت؟ئایا ڕۆڵی لە كۆمبارسەوە دەبێتە پاڵەوانی سەر شانۆی ناوچەكە و دونیاش ؟ ئایا دەتوانێت ڕووبەڕووی سیاسەت و ململانێكانی ئەمریكا و ڕۆژئاوا ببێتەوە ؟ ئایا دەتوانێت ببێتەوە بە جەمسەرێكی گرنگ و كاریگەری دونیا و جارێكی تر دونیا دابەشبكاتەوە ؟ یان هەر بە گۆشەگیری دەمێنێتەوە و جارێكی تریش دۆست و هاوپەیمانەكانی دەسخەڕۆ دەكاتەوە ؟ ئەمەو دەیان پرسیاری تر .

بۆ خوێندنەوەی تەواوی بابەتەکە کلیک بکەرە سەر ــ نەوزاد موهەندیس

سوپاس بۆ کلیک کردنە سەر تۆڕە کۆمەڵایەتیەکان و ناردنی بابەتەکە بۆ هاوڕێکانت