بەختیار شارەزوریی : گۆڕان لە نێوان دو ئاراستەدا  ـ بەرەی چەک و بەرەی ناچەک .

لە دوای پەکخستنی پەرلەمان و کۆنکرێتکردنی ئەو هەوڵانەی کە ئەم هەرێمە بەرەوە بە سیستم کردن و سەروەری یاساکان بڕوات ، هەرێم دەکەوێتە بەردەم قۆناغێکی نوێ و دەبێت گۆران ئاراستەی تەکتیکەکانی بگۆڕێت ، ئەگەر چی من بۆ خۆم تەواو باوەڕم بە پرنسپی شۆڕشی سپی هەیە ، تەواو لەگەڵ جۆری مۆدێلی غاندی وماندێلام ، بەڵام ئەمە بۆ ژینگەیەک دەبێت کە ماتریالی بەردەوامی هەبێت ، کاتێك ئەم ماتریالە قۆرخ دەکرێت ، وەک ئەوە وایە بێ تۆپ یارچیت هەبێت ، یان بە دیوێکی تردا یاری لەگەڵ هێزێک دەکرێت کە پاشخانی ئەو هێزە ئامادەگی ئەوەی تیا بێت کە بە زمانی شەق و گولە وەڵامت نەداتەوە ، من لەگەڵ خەمی کۆمەڵێک کەسدام کە تەجروبەیان لەگەڵ فیشەک و خوێندا هەیە و پێیان وایە ڕێگای چەک ڕێگایەکی هەڵەیە ، بەڵام دەکرێت ئەم دیدەی ئەم بەرەیە بە هەند وەربگرین کار بۆ ئەوە بکرێت کە هێزێکی چەکدار بۆ گۆڕان دروست بکرێت بە مەبەستی شەڕی ناوخۆ نەبێت و بۆ دژایەتی هێزەکانی تر نەبێت ، ئەگەر پێمان وابێت هێزەکانی ٧٠ و٨٠ هێزی نیشتمانین ، ئەوا با گۆڕانیش هێزی ٩٠ ی هەبێت لە ناو ئەو هێزە نیشتمانیەدا شەڕی داعش بکات و بەرگری لە نیشتمان بکات ، ئەمە لە کاتێکدایە ، گۆڕان هێزێکی خەوێنراوی باشی هەیە بۆ شەڕی داعش ، ئەو کات گۆڕانیش ڕو بە ڕوی ئەو ڕەخنانە نابێتەوە ، کە گۆڕان هیچ نیە لەبەرەکانی شەڕدا ،  گۆڕان دەتوانێت بڵێت لە ناو هێزی نیشتمانیدا وەک هێزەکانی ٧٠ و ٨٠ هێزی ٩٠خراوەتە خزمەت هێزی نیشتمانیەوە ، هەمومان ناسنامەی سەرەکیمان ئەم هێزانە دەبن ، خۆ ئەگەر بۆ پارتی و یەکێتی ڕەوا بێت ، ئەوا بە هەمان یاسا ، دەبێت بۆ گۆڕانیش ڕەوا بێت و بیەوێت خزمەت بە هێزی نیشتمانی بکات ، ئەمە مەبەستی دروستکردنی هێزی چەکدارە ، نەک بۆ شەڕی ناوخۆ بە پێچەوانەوە ، کار بۆ بەهێز کردنی ڕۆحی نەتەوە بکات لە ناو پێشمەرگەدا ، خۆ ئەگەر ئەمە نەبێت ئەوا پارتی بە تایبەت ، بە بەکارهێنانی چەک و پێشمەرگە دەتوانێت هەمو دەرگاکانی ململانێ ی سیاسی و بە دور خستنی هێزی پێشمەرگە لە ململانێ سیاسیەکاندا کڵۆم بدات و چی بوێ بیکات ،(هەر واشی کرد) وە هەرچی ئەو وتی ئەوە یاسایە .

ئەڵبەت سەرەتا ئەم هەوڵە لەلایەن گۆڕانەوە لە ڕێ ی وەزیری پێشمەرگەوە درا ، بۆ ئەوەی پارتی و یەکێتی لە کایەی پێشمەرگە دور بخەنەوە و ببێتە هێزێکی نیشتمانی ، بەڵام کە گەشتە ئەوەی یاساکان جێبەجێ بکرێت ، هەمو ئەم هەوڵانە سفر بونەوە ، جارێکی تر سنوری زۆنەکان تۆختر بونەوە و هێزەکانی ٧٠ و ٨٠ تۆختر بونەوە ، ئەگەر چی بزوتنەوەی گۆران لە ئامانجەکانیدا کار بە پرنسیپی شوڕشی مەدەنی و بێ چەک دەکات ، دەیەوێت ستراتیژی نەتەوەیی دابمەزرێنێت ، درێژکراوەی ستراتیژی ئێرانی و تورکی نەبێت ، وە لەگەڵ ئەمانەدا کار لەسەر گۆڕینی جۆری حکومڕانی بکات بۆ مۆدێلی پەرلەمانی ، لەم چوارچێوەشدا دژی هیچ حیزب و هێزێک نەبوە ، بەڵکو ویستویەتی هەمویان لەم چوارچێوەیەدا کۆبکاتەوە ، بەڵام دەکرێت ئەمانە بە پاکێچ و پڕۆژەی درێژخایەن ناو ببەین و گۆڕان بیەوێ بە پلە بەندی بگاتە ئەم ئامانجانە ، بەڵام بە پێ ی سیاسەتی واقعی دەکرێت هەندێ خاڵی بخەوێنرێت دابنرێت بۆ زەمەنێکی دور تر ، لە پێناو گەشتن بە ئامانجەکانی ، خۆ ئەگەر گۆڕان هێزی ٩٠ ی هەبوایە لەناو هێزی پێشمەرگەی نیشتمانیدا بوایە ، ئێستە دۆخەکە بە شێوەیەکی تر دەبو ، نەک بەرامبەرەکانی بزانن کە حیزبێکی مەدەنی بە ئاسانی پەراوێز دەخڕێت و لە چوارچێوەی تەکتیکی دەمامکدارا ، نەک هەر دەرکردن ، بەڵکۆ گاڵتەش بە هێزی دەنگدەران بکەن و سەرۆکی پەرلەمان و وەزیرەکان دەر بکەن ، ئەوانەی پێیان وایە شۆڕشی مەدەنی دەتوانێت لە بەرامبەر عەقڵی خێڵدا کار بکات ، با بپرسن بە چی یاسا و نوسراوێک وەزیر و پەرلەمانتاران و سەرۆکی پەرلەمان دەرکراوە ، لە کاتێکدا فەرمانبەرێک لە کارەکەی دور بخرێتەوە دەبێت بە نوسراوێک بێت ، هۆکەشی بە یاسا ڕون بکرێتەوە ، بە چی یاسایەکی مەدەنی بە چی نوسراوێک سەرۆکی هەرێم دەست بەکارە ، ئەگەر سستمی سەرۆکایەتیمان قبوڵە ئەوە ئاساییە و با بڵێن بە پێ ی ڕێککەوتنامەی ستراتیژی و دابەشکاری پۆستەکان ، لە بەرامبەر سەرۆکی عێراقدا سەرۆکی هەرێم بۆ پارتیە و تا ١٥ ساڵ پارتی ئازادە کێ دابنێت ، ئێمە تا ئێستا نازانین ئایا ڕێککەوتننامەی ستراتیژی کە ڕێککەوتنێکە بۆ دابەشکاری ، ئەوە یاسایە یان ئەو یاسایانەی لە پەرلەمانەوە دەردەکرێت ، خۆ ئەگەر پەرلەمان هێندە کارتۆنی بێت ، ئیتر چ پێویست بە خەباتی پەرلەمانی دەکات ( ئەو کات با هەممان بڵین بژی مەلیک )

 بە گشتی گۆڕان کە دەبێتە دو بەرە بۆ چەک و ناچەک ، بەو مانایە نیە چەک بۆ شەڕی برا کوژی بێت ، نەخێر بەو مانایە دێت کە لەم ڕێگەیەوە گوشار دروست بکەی تا بەرامبەرەکەت پەنا نەباتە بەر ‌هێزی پێشمەرگە و بەکاریان بهێنێ ، بە پێچەوانەوە ، گەورەی هێزی پێشمەرگە لە بە نیشتمانی بونیدایە ، بە گشتی من حیزبیم و پابەندم بە پرنسیپی حیزبیەوە و ئەو بەیاننامەیە و وتەکانی شۆڕش حاجی ، بە هەمو جیاوازیەکانمانەوە پابەندین پێوەی ، لە دواجاردا ئێمەش بە مافی خۆمانی دەزانین کە گوشار بۆ گۆڕان دروست بکەین ، لەسەر بۆچونەکانی خۆمان ، بەڵام کاتێک حیزب بە پێچەوانەی ئەم دیدەی ئێمەوە بڕیار بدات ، ئەوا دەبێت پابەند بین پێوەی .

 وەک دیدی خۆم ، گۆڕان تا نەبێتە بەشێک لەو هێزە نیشتمانیە ، زیاتر پەراوێز دەخرێت و گەشتن بە ئامانجەکانی تەواو خاو دەبێتەوە ، بگرە ئەگەر بە دڵی پارتی و یەکێتی کار نەکەین و نەچنە سەر ڕێککەوتننامەی ستراتیژی ، وەک یەکگرتو بە پشکی ئەوان ڕازی بین ، دور نیە کاری سیاسیمان بە هەمو شێوەیەک لێ قەدەغە بکەن ، واتا هەر چەند دەنگ بهێنی دەبێت لە پشکی پارتی و یەکێتی بە پێ ی ڕێککەوتننامەی ستراتیژی خێرت پێ بکەن ، کە ئێستە ‌هێزی دووەمین ، لەمە زیاتر دەنگی چی ، ئەگەر دەنگی هاوڵاتی سەنتەری گۆڕانی دەسەڵات بێت ، کوا بەرکەوتەی شەرعی دەنگ ،  ئەڵبەت هەمو هەوڵەکان لە ٦ ساڵی پێشوتردا تاقی کرایەوە ، گەشتین بە کۆمەڵێک ئامانج ، بەڵام ئەوەی پێویستی قۆناغەکەیە لە پاشەکشەدایە .

لە کۆتایدا من پابەندم بە پرنسیپی حیزبی و هیوادارم ئەم خوێندنەوە هەڵە بیت ، من لە هەڵەیەکی گەورەدا بم و پارتی خۆی بێت بۆ گردەکە و د.یوسف بباتەوە و مسعود بارزانی بڵێت ئەوا هێزەکانی ٧٠ و ٨٠ مان هەڵوەشاندەوە و کاتی سەرۆکایەتیم کۆتای هات و لەملاشەوە د.هەڤاڵ بکەنە پارێزگای سلێمانی و وەزیرەکان بگەڕێنەوە و وەزارەت وەربگرن نەک وەزیر ، ئەو کات با ئەم بۆچونانە هەڵەیەکی گەورە بێت .  

کلیک بکەرە سەر سمبولەکانی خوارەوە ، ئەم بابەتە بنێرە بۆ هاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies