newshirwan-serkewtn

لاوک کونجرینی : دەڵێن نەوشیروان مستەفا بگەڕێتەوە ، ڕەوشەکە هێور دەبێتەوە .

* دۆڕاندن لەم ڕەوشەدا گوێگرتنە لەپارتی ، بەیەکێتیشەوە .

* باشترین شانس بۆ بزوتنەوەی گۆڕان ، خۆخستنە بەرەیەکەوە ، لەگەڵ پەکەکە .

* پارتی بۆ هەستانەوەیەکی سەرابی ، دەخوازێت کورد بخاتە نێو ململانییەی ناوچەکە .

لەسیاسەتدا شتە حەتمیەکان دەکرێت ئاسایی ببێتەوە ، بەڵام لای پارتی بەرزو نزم لەئاستێکدا هێور دەبێتەوە ، کەزیان نەکەن . ئایا نەوشیروان مستەفا بیری لەکاری هێندە ترسناک دەکاتەوە و چاو دەپۆشێت لەکۆمەڵێک خاڵی چارەنوسساز ، کە هەم کورد و پرۆسەکەی بخاتە ژێر ڕەحمەتی داهاتووەیەک ئۆکەی  بەچاک و خراپ . یان واز دێنێت لە چارەنوسی بزوتنەوەی گۆڕان و ئەوەی پارتی دەخوازێت ، بۆ ئەوانیش بڵێت ئۆکەی ؟ .

پارتی سورە لە سەر ئەوەی سزای بزوتنەوەی گٶران بدات بە هێز و پێشەلکاری یاسایی و سیاسی ، لەکاتێکدا ئەوەی پارتی دەیکات ، بزوتنەوەی گۆڕان دەتوانێت بەهەمان شێوەی وەڵامی پارتی بداتەوەو هێزی چەکداری بە زەمەنێکی کورت دروست بکات و ڕووبەڕووی پارتی ببێتەوە ، گەر بزوتنەوەی گۆڕان هێزی چەکداریی دروست بکات ، بەهەموو شێوەیەک سەرکەوتنی هێزی سەربازیی بە لای بزوتنەوەی گۆراندا دەشکێتەوە ، چونکە هاتنی داعش ماهییەتی هێزەکەی پارتی لەڕووی چەندایەتی و چۆنایەتی بۆ دەرخستین ، کە هێزیکی بەزیو و بێ هیمەتە .

ئەی دەبێت چ بڕیارێک بدات نەوشیروان مستەفا ، بۆ ئەوەی ڕەوشەکە هێور بێتەوە ؟ . ڕەوشێک ، ئەوەی بێ یاسایی و بێ ڕتوشی نەتەوەی بێت لەگۆڕاندا بوونی نەبووە ، ئەوە پارتییە سەرپێچی یاسایی و سیاسی و نەتەوەیی دەکات ، بۆ دەبێت تاوانبار قسەی بڕوات و خاوەن حەق لێبوردەیی بنوێنێت ؟ .

رەوشێک بۆ پارتی لە لایەک و بۆ کورد لەلایەکی تر . هاتنی داعش زۆر قسەوباس هەڵدەگرێت ، سەرەداوەکانی ڕوو لە هاوپەیمانەکانی ئەمریکا لە ناوچەکە دەکات ،  تورکیا و قەتەرو سعودییە . بۆخۆی دروستبوونی داعش بۆ کۆمەڵێک پاڵپشتی سیاسی ناوچەکەو جیهاندا سوودمەند بوو ، وەک چەکێک بەرەی سونە لە دژی بەرەی شیعە . بۆ ئیسرائیل ناوچەکە بۆتە مەیدانی شەڕ و ، عەرەب و خەڵکی ئیسلام و دۆسیەی فەلەستین لەبیرچۆتەوە . بۆ ئەمریکا و ئەوروپاییەکان بۆتە مەیدانی فڕۆشتی چەک و تاڵانکردنی سامانی ئەو وڵاتانە  . لەئێستاشدا ڕووسیا هاتۆتە مەیدان ، ڕوسیایەکی گۆشەگیر لەسەر بژاردەی ناوچەکە قوت بۆتەوەو خۆی کردە قوتبێکی گرنگ لەناوچەکەو جیهان . ئەوەی بەلای کوردەوە دەبێت لەسەریی هەڵوێستە بگرین . کورد لەپێش ئەوەی داری ئازادیی بە خوێنی زیاتر لە هەزاران ڕۆڵەی نەتەوەیی ئەم گەلە ئاودا ، بەڵام توانی مادەی 140 بخاتە بوواری جیبەجێکردنەوەو ئەو ناوچانەی کورد و بەغداد زەمەنێک بوو خوێنی کورد و عێراقی لەسەر ڕژا یەکلا بووەوە .

تورکیا توشی ڕەوشێک بوو ، لەنێوان گەورە بوون و پچووک بونەوەدا لەئێستادا هەڵدەکشێت ، بەڵام ئەم هەڵکشاندنە نۆڕماڵ نییە ، هۆکارەکەشی هاتنی ڕووسیاو خۆ خستنە نێو ململانێکی ئەو دەوڵەتە گەورەوە ، لەهەر ئەگەرێکی شەردا دەکرێت ڕووسیا لەسەر نەخشە بیسرێتەوە . ئەگەر چی پارتی لەم ململانییەی ناوچەکەو جیهان دەخوازێت کورد ڕاپێچیی ناو ململانییەکە بکات . ئەمیش هۆکاریی هەیە ، ئەویش بەهۆی ئەوەی دەیەوێت لەسەر کورسی حوکم خۆی بهێڵێتەوە نەک لەبەر خاتری کورد . بەێچەوانەوە لەم ڕەوشەدا گەر کورد بەشداریی ئەم ململانییە بکات زیانی زۆرترە لە قازانج .

گەر سەیری کڵێشەی حیزبی بکەین ، لەکوردستاندا وەک حیزب بوونی نەماوە جگە لە پەکەکە  ، بزوتنەوەی گۆرانیش وەک ستایلێکی حیزبی مۆدێرن بەڵام کامڵ بوو نا ، بەحوکمی ئەوەی هەمووان چاویان لەسەریەتی و بەهەموویان نایەنەوێت ئەم حیزبە نوێیە کامڵ ببێت ، چونکە جێگە بە هەموویان شۆڕ دەکات .  

پەکەکە وەک هێز ـ خاوەنی پێگەیەکە لەململانییە نوێکەی ناوچەکەدا ، ئەمریکاو ڕوسیا ڕاکێش ڕاکێشیانە لەسەریی . ئەمریکا دەیەوێت پشتی تورکیا بگرێت و پێگەی تورکیا بەهێزبکات ، ڕووسیا دەیەوێت لەپاش خستنەخوارەوەی فڕۆکە جەنگێکەی لەلایەن تورکیاوە ، گڕ بەرداتە ماڵی تورکیا . بەڵام دەکرێت پەکەکە بەلای ڕوسیادا لابدات و  بکەوێتە بەرەی دژ ، چوونکە خواستەکانی خۆی لەو پیلانەی ئەمریکاو تورکیادا نییە ، ئەوان دەیانەوێت پەکەکە وەک هێزێک لەچوارچێوەی تورکیادا خزمەت بە تورکیا بکات و دەستبەرداری مافەکانی کورد ببێت و وەک حیزبێک لەچوارچێوەی تورکیادا بەشداری پرۆسەی هەڵبژاردن بکات ، هەرچی پەکەکەیە بۆ ئەوە دروست بووە ، کە مافی کورد لەچوارچێوەی تورکیادا بسێنێت .

 سەرچاوەی باسەکە ئەمەیە ، لەناوچەکەدا ململانییەکی ترسناک هەیە ، لەناو ماڵی کورد دا ململانێی نێوان سێ هێز بە ڕاشکاوانە بوونی هەیە .  بزوتنەوەی گۆڕان هەڵوێستی ڕوون نییە لەکام بەرەدایە یاخود بێلایەنی خۆی بەفەڕمی دەرنەبڕیووە .

 پەکەکە گەمەیەکی سیاسی لێزان و ژیرانە دەکات ، لەهەردوو بەرەکە ڕادەکێشێت و وەک بژاردە خۆی بە لایەنی سێهەم ئاشکرا دەکات ، لە ڕۆژئاوای کوردستان ئەمریکا هێزی ئاسمانی دەخاتە خزمەتی هێرشەکانی و لەسەر زەوی ڕوسیا لەبەرژوەندی سیاسی خۆی بەکار دێنێت و سەرنجی جیهانیش وەک هێزێكی بەرهەڵستکاریی دژە تیرۆر نمایش دەکات .

 پارتی لەئێستادا هەم دژی بزوتنەوەی گۆڕانە و هەم خۆی بە نەیاری سەرسەختی پەکە دەزانێت ، لەبەرەی شەبەحەکانی بنیادنانی داعشدا خۆی دەبینێتەوەو هاوپەیمانیانە ، لەبەرەی دژی داعش ، ئەندامە . دۆستێکی زۆر نزیکی تورکیایەو بەڕاشکاویی هەردوکیان پێداویستی یەکترین و هەردوولا لەهەر دوو ململانییەکەدا پیلانیان بۆ ڕزگارکردنی یەکتری هەیە ، پارتی لەناوخۆی کوردستان و ، تورکیاش لە لەناوخۆ و بەرامبەر ڕوسیا دا . هەردوولا کەوتبوون بەسەر خێرێکدا کە ئەمریکا بۆی ئامادە کردبوون ، لەشانسیان ڕووسیا هات و هەمووی لێتێکدان .

پارتی بەپێی دەسەڵاتی ناوچەیی و هێز بێت بەم شێوەیە .

1 – بەپێی تێکشکاندن یان وەک خۆیان دەڵێن تاکتیکی سیاسی و عەسکەری بێت لەشەنگالدا ، هێزەکەیان ترسنۆک کراو یان بەهۆی سەرقاڵی بنەماڵەی بارزانی بە خۆ دەوڵەمەندکردنەوە ، هێزەکەیان لەدەست چووە . هێزەکانی پارتی لە گرتنەوەی شەنگالدا ، وەک قسەی لەسەر دەکرێت لە بەرامبەر 250 داعش دا ، تەنها ئەو شەرگانەی بەر پارتی کەوت بوو بۆ گرتنەوەی % 20 ی هێرشەکان نەبووە . واتە پارتی لەڕووی سەربازییەوە بەتەواوی تێکشکاوە .

2 – لەلایەن بزوتنەوەی گۆڕانەوە ، هەڵدانەوەی دۆسیەی نەوت و بنەنانەوە بۆ هەتا هەتای دەسەڵاتیان بەسەر کوردستانەوە پارتی توشی شکستی شەقام بوو  ڕۆژ بەڕۆژ ، نمونەمان ڕێکخستنەکانی ئەوروپایانە و هەڵوەشاندنەوەی وەلانانی هەمیشەیی ناو هێزی بەرزان بۆ بنەماڵەی بەرزانی .

کاتێک قسە لەسەر ئەوە دەکرێت بە گەڕانەوەی نەوشیروان مستەفا ڕەوشەکە هێور دەبێت ، دەبێت قسە لەسەر کۆمەڵێک بنەمای سیاسی ڕابردووی ئەم زاتە بکرێت . ئەو بەوە بەناوبانگە بێدەنگە ، بەڵام بیر ڕوونە  . کەم دووە بەڵام وتەی جێگای خۆی دەگرێت . بێمنەتە لەسەر هەر قسەیەک دوای بخنە ـ چونکە مێژوویەکی پاکی هەیە . لەسەرو ئەمانەوە لەهەر شوێنێک قسەی خۆی کرد بێت لێی پەشیمان نابێتەوە . واتە ئەوەی بزوتنەوەی گۆڕان ووتوویەتی ، لەئێستادا گەر هەر مساوەمەیەک بکات ، ئەوە مساوەمەی نەوشیروان مستەفا نییە .. ئیتر چۆن و بەچ شێوەیەک بەگەڕانەوەی ڕەوشەکە هێور دەبێتەوە .

لەوە گەیشتوین ، نەوشیروان مستەفا نییە لە داخوازییەکانی بزوتنەوەکەی پەشیمان بێت . لەوە گەیشتین پارتی لەو ناوچەیەی تیا دەسەڵاتە هەیە خۆی نییە ، بەڵکوو هەیمەنەتی ململانییەکانی ناوچەکە هێشتویەتیەوە . لەوە گەیشتین تورکیا لەبەردەم یەک بڕیاردایە یان دەبێت کورد لەباکور قر بکات یان ملبنێت ، چونکە کورد لەتورکیا قسەی خۆی کردووەو ، لەئێستا زیاتر لە 50 هەزار چەکداریی نهێنیان دامەزراندووە .

لەوە گەیشتین پارتی لە ڕۆژئاوادا پەکەکە چۆکی پێداوەو ، تەنها دەتوانێت لەدوورەوە بەدوربین سەیر بکات . لەباکور زیرەی دێت و لەباشور پاشڵی لەشەنگالدا دەرکەوت .. لەوە گەیشتین وردو درشتی کورد لەباشور لەوە گەیشتوون ئەم حیزبە حیزبی نەتەوەیی نییە ، بەڵکوو حیزبی تاڵانکردنی سەروەت و سامانی کوردستان و تەنها بۆ خۆیانە .. ئیتر بەچ پێوانەیەک نەوشیروان مستەفا زێرێتی خۆی بەهۆی ملدانی بۆ پارتی دەگۆڕێتەوە بەتەنەکەی ڕزیو .

بەکلیکێک لەسەر سمبولەکانی خوارەوە ، ئەم بابەتە دەگات بە هاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies