Imad-Ali-003

عیماد عەلی : پێشنیارێک ـ با تەنها ناونیشانی نوسینەکان بنوسین .

بیست و ئەوەنە ساڵە لە پاش راپەرینەوە دەنوسین ، هەمووان دەنوسن و بیر دەکەنەوە ، کەڵە نوسەرانی کوردستان زۆر جار باشترین راو بۆچونی خۆیان دەربریوە و پێشنیازیان کردووە بۆ راییکردنی کاروباری کوردستان و ، چارەسەرکدرنی قەیرانە بەردەوامەکان ، ئەمانە نوخبە بوون و پێناسەی نوخبەبونیان بۆ دەبێت . ئەو دەستەی دەسەڵاتی کوردستانەی کە ناکرێت ناویان بنرێت نوخبە ، لەبەر ئەوەی بژاردە یان نوخبە تەنها بۆ کەسانێک دەشێت و دەوترێت کە لە هەموو بارەکاندا نوخبە بن ، لە بیرکردنەوە ؛ عەقڵمەندی و مامەڵەی راست لەگەڵ سەرجەم پرسەکاندا ، لە توێژینەوە و خوێندنەوەی دەرئەنجامی هاوکێشەکان و تاوتوێکردنی پێشهاتەکان و ، لە ژیری و زانینی دوائەنجامەکان لەوانی تر بەرزتر و تایبەتمەندتر تربن . بەڵام لەم شتەمان لە کوردستاندا دەست ناکەوێت بۆیە نوخبەی سیاسیمان نیە .
بەڵام ، دەڵێین لە کوردستاندا نوخبەی نوسەران هەیە ، نوخبەی ئەکادیمیست هەیە ، نوخبەی کرێکاران هەیە، نوخبەی جوتیاران هەن و نوخبەی کاسبکاران هەن و ، نوخبەی مامۆستایان و فەرمانبەران هەن ، نوخبەی سەرجەم پیشە و کارەکان لەئارادا هەن و بەڵام تەنانەت کەس نایانناسنەوە ، کەچی خەڵک هەیە کە خۆی بەسیاسەتمدەدار دەزانێت و لە نوخبە نوخبەتر تەماشای خۆی دەکات .
رۆژنامەی نوخبەوی هەیە و رۆژنامەنوسی نوخبەش رۆڵی گەورەی خۆی گێراوە . دیارە تەنانەت دەتوانین بڵێن بیریاری نوخبەش لەکوردستان هاتۆتە ئاراوە کە سیاسیەکان تووخنیان ناکەون لەبەر ئەوەی لەگەڵ بەرژەوەندیەکانیاندا نایەنەوە .
ئەوەی تا ئێستا چاورەێی دەکەین کە دەستمان ناکەوێت و لە بەرێوەبردنی کاروباری وڵاتندا کە سەرجەم پیشەکان دەگرێتەوە نەهاتۆتە دی ، ئەویش سیاسی و سەرکردەی نوخبەیە ، تا رادەیەکی زۆر بونی نیە ، ئەگەر هەبوبێتیش هیچ رۆڵێکی نیە لە دونیای سیاسیەتی کوردستاندا ، کە تەنها پاشماوەی شۆرش و سودفە و هەلی بنەماڵەیی و حزبایەتی تەسک و مەنسوبیەت و مەحسوبیەت دەریخستون و رێ و شوێنی دیاری پێ بەخشیون ، بۆیە ئەم کوردستانەیان گەیاندە ئەم وەزعە و تارادەیەک دەتوانین بڵێین تێکیان داوە .
ئەوەی تایبەتمە ند بێت بە نوسین ونوسەرانەوە ، ئەگەر سەرجەم نوسەران نەبێت ، زۆرینەیان رەهایان جگە لە نوسەرانی بەرماڵی تەریقەتی حزب و بنەماڵە ، بە خەمخۆریەکی زۆرەوە ئەرکی تایەبتی سەرشانیان جێبەجێ کردووە ، بە نوخبە و خوارتریش بە دڵسۆزیەوە قسەی خۆیان کردووە ، هەر یەکە و ئەسپی خۆی لە کوردستاندا تاوداوە . بەڵام ئەوەی دیارە هیچ لە سیاسیەکان و دەسەڵاتداران و دەسترۆیشتوان ، نەک بە قسەی کەس و نوخبەی رۆشنبیران و نوسەران ناکەن بەڵکو وای لێهاتووە نوسیەناکنیشیان ناخۆێننەوە هەرچەن لە قازانجی کوردستان و دوارۆژەکەی بێت و ، بەراستی لە ئاستی بیستنی قسەی راست و چاکسازیکار دا قوفڵیان لێداوە .
لێرەدا ، وەک هەڵوێستێک کە بۆ فەرزکردنی قسە و بۆچونی راست بەسەریاندا ، وەک بایکۆتێکی نوسین نو سەران بە پێویستی دەزانم کە سەرجەم نوسەران و لە هەڵوێستێکی هاوبەشدا تەنها بەیەکەوە جگە لە ناونیشانی نوسیەنەکانیان هیچ ناوەرۆکێک بۆ نوسنەکانیان بۆ ماوەیەکی دیاریکراو دەرنەخەن و هیچ نەنوسن و شوێنی نوسیەنکانیان بە سپێتی بهێڵنەوە ، لە سەرجەم رۆژنامە و سایدەکاندا، بۆ ئەوەی بە دەسەڵاتدارانی پیشاندەن ، کە ئێوە نا بینن و ناخوێننەوە و نابیستن . ئەوەی پێویستەکە خاوەن رۆژنامە و سایدەکان هاوکاری نوسەران بن لەم کارەیاندا ، هیوادارم ئەمەش وەک دوا هەل رۆڵی خۆی لە شۆک کردنی ئەم دەسەڵاتە ببینێت . بە تیابەتی نوسەرانی خاوەن جەماوەری فراوانی وەک بەختیار عەلی و مەریوان وریا قانع و کەمال رووف و رێبین هەردی و ئاراس فەتاح و سەردار عەزیز و ئاسوس هەردی و عەتا قەرەداغی و شێرکۆ عەبدوڵا و سالار باسیرە و ئەبوبەکر عەلی و پشکۆ نەجمەدین و جەمال حوسین و ێرزاد حەسەن و جەبار قادر و محەمەد گەناوی و هانا عەلی و دانای سەعید سۆفی و کازیوە سالح و عەدنان عوسمان و عەزیز رووف و پەیمان عزەدین و رێبوار سیوەیلی وخەلیل عەبدوڵا و حەمەسەعید حەسەن و حسەین بەفرین و هەفاڵ ئەبوبەکر و نەجم ئەڵوەنی ورێبوار کەریم و یوسف عزەالدین و و شیرزاد شێخانی و بورهان رووف و ئاسۆ کەمال و گۆنا سەعید و عەبدول رەزاق شەریف و چلورە هەردی و هاوژین مەلا ئەمین و رامیار مەحمود و نەبەز گۆران و ئەحمەد میرە و رووف بیگەرد و و عەلی کەریم و شیلان موحەمەد و چۆمان هەردی و نیاز عەبدوڵا و ئێڤار ئیبراهیم و و سەید ئەکرەم و نیاز حەمید و فایق گوڵپی و عەبدوڵای مەلا نوری و ستران عەبدوڵا و قادر نادر و موستەفای حەسەن گەورە و عیماد عەلی و ، کۆمەڵێک نوخبەی تر لە گەنج و لاوان و ژمارەیەکی نوسەری عەرەبی نوسی کورد لە عیراق ، زۆر پێویستە لە کارێکی ئاوهادا جەماوەر و خوێنەران بجوڵێنن ، چاوەرێین .

بەکلیکێک لەسەر سمبولەکانی خوارەوە ، ئەم بابەتە دەگات بەهاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies