دێهات عوسمان : ناوەرۆکی وتارەکەی دکتۆر یوسف چی بوو ؟

وتەکانی دکتۆر یوسف , وتارەکەی نێچیرڤان بارزانی پوچەڵ کردوەو مەسعود بەرزانی ـشی وەك کەسێکی بێ تایبەتمەنی پێناسە کرد .

وتارەکەی سەرۆکی پەرلەمانی کوردستان پێناسەیەکی کورتی ناساندنی شکستی دەسەڵاتە ٢٤ ساڵەیەکەی هەردوو بنەماڵەی بارزانی و تاڵەبانی بوو ، بەزمانێکی پاراو و رەوان سەرۆکی پارتی و دەسەڵاتەکەی بە کەسایەتیەکانی ئەو دیدارە ناساند وەك و سەرۆکیکی نەخویندەوارو دۆراوی نێو کایەی سیاسەتی رۆژهەڵاتی ناوین . ناوەرۆکی وتارەکەی دەرخستنی کەسایەتیەکی بێ تایبەتمەندی مەسعود بارزانی بوو ، لە لایەکی ترەوە وەسفکردنێکی بە ئەدەبەوەی مەسعود بارزانی بوو وەك و سەرکردەیەکی نەخوێندەواری شکست خواردووی خۆسەپێنی بەرۆژوو لە سیاسەت و ،،، دۆراوی گەمەی سیاسی نێو واقعی ئەمرۆی سیاسەت وانانی درواوسێ و جیهان ، هەر لەو وتارەدا وەڵامێکی جەرگ بری دا ، بە گیانی نێچیر بارزانی و ئەندام و لایەنگرانی پارتی . چونکە نێچیرڤان بارزانی لە وتارەکەی دا ویستی کەسایەتی دکتۆر یوسف لە کەدار بکات و تەوای شکستی حکومرانی لە باشوری کوردستان بخاتە ئەستۆی پەرلەمان بەگشتی و سەرۆکی پەرلەمان بەتایبەتی . هەروها نێچیرڤان بەرزانی لە قسەکانی دا هەوڵی دا مەسعود بارزانی وەك و پاڵەوان بناسینێت و بە بەهێزترین کەسایەتی سیاسی و عەسکەری بیناسێنێت لە گۆرەپانی سیاسی کوردستان و تەواوی هێز و دەسەڵاتی پێشمەرگەی لە قۆڵ و باسکی مەسعود بارزانی دا کۆکردوە و پرسی سەرۆکایەتی هەرێمیشی زۆر بە بچوکتر نیشاندا لە ئاستی مەسعود بەرزانیدا .
هەر بۆیە دکتۆر یوسف ڕێك وەك ئەوەی گەل ویستی وەڵامی نێچیرڤان بارزانی و حکومەتە شەق و شۆڕەکەی دایەوەو مامی نێچیرڤانیش وەك و دیکتاتۆریکی هاوشێوويی قەزافی و بن عەلی و حوسنی ناموبارەك وەسف کرد و . دکتۆر یوسف وتی هێزی بەرەنگار بوونەوەو تێکشکاندنی رێکخراوی تیرۆرستی داعش دەگەرێتەوە بۆ بەهێزی و پاڵەوانی و ورە بەرزی هێزەکانی پێشمەرگە نەوەك تاکەکەسێك کە بە کورسیەکەوە چەسپ بووە .
ئەگەر بەکورتی لێکدانەوە بۆ وتارەکانی دکتۆر یوسف و نێچیرڤان بەرزانی بکەی ئەوا ناوەرۆکی هەردوو وتارەکە تەواو پێچەوانەو دژ یەك بوون وتاری نێچیرڤان بەرزانی بەتەواوەتی بۆ تێکشاندنی و لاواز پیشاندانی شکۆی پەرلەمان و سەرۆکایەتی پەرمان بوو ، وە ناوەرۆکی وتارەکەی سەرۆکی پەرلەمانیش بە تەواوی پوچەڵکردنەوەی وتارەکەی نێچیرڤان بارزانی بوو دەربرینێکی ڕاسگۆیانە بوو بۆ پیشاندانی شکستی حکومرانی و دەسەڵاتی بنەماڵەیی لە باشوری کوردستان و لاوازی و بێ تایبەتمەنیەتی مەسعود بەرزانی و دیکتاتۆری بارزانی بوو .

بە کلیکێک لەسەر سمبولەکانی خوارەوە ، ئەم بابەتە دەگات بەهاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies