عیماد عەلی : مەسعود بارزانیش دەردەدڵی خۆی کردووە .

وەک دەڵێن لە گەڵ خۆیدا ( واتە خۆی و کەسە زۆر نزیکەکانی ) باس و خواسی دڵی خۆی دەربریوەو ، ئینجا لەگەڵ نزیکترین کەسی خۆیدا بە چرپەوە بە خەفەت و پەشیمانیەکی لوتبەرزانەوە و بە ئاهوناڵەیەکەوە ، هەڵە و کەموکورتیەکانی خۆی و دەسەڵاتی کوردستانی بۆ یەکەم جار دەرخستووە و ، هەر لەگەڵ خۆیدا دانی بەشکستهێنانی دەسەڵاتەکەی بە ناراستەوخۆ داناوە و ، تا دواجار فشاری نالەباری کوردستان و هەست بە خەتاکردن لە ناخیدا بە پەنگخواردویی ماوەتەوە ، کە لە دەرئەنجامی نەزانین لە بەرێوەبردنی کاری ستراتیجی میلەتێک و لەدەستدانی هەلێکی زێرین دروست بووە ، ئینجا کەوتۆتە باسکردنی دەربرینی راستیەکان و ئەو هۆکارانەی کە بەهەڵەدا بردونی و تەنگوچەڵەمەیەکی زۆر گەورەی بۆ میلەتیشی دروست کردووە و بەربەستی خستۆتەبەر رێگەی بەدیهێنانی ئامانجە گەورەکەی کورد .
بە پێی خوێندنەوە و تێگەیشتنی خۆی و بیرو دیدی لە ئاست پێگە و شوێنی بنەماڵە لە خەباتی میلەتێکدا ، لێکدانەوەی بۆ مێژووی بنەماڵەکەی کردووە لە باوباپیرانیەوە تاوەکو ئەمرۆ و هەڵسەنگاندنی بۆ کردون ، ئەو پرسیارانەی وروژاندووە ، ئەگەر وا نەبوایە و خۆهەڵنەکوتانە چاڵی لەزەتی دەسەڵات و لادان لە بیرو فکر و رەفتاری سیاسیانەی رووت ، ئەوان ئێستا لەکوێ دەبوون و لە رێز و بینینی میلەت بۆ ئەوان لەچ پێگە و ئاستێکدا دەبوون ، بۆچی لە پیرۆزی و شکۆ و رۆڵ و قارەمانێتی مێژووی و پێگەی خۆی و بنەماڵەکەیان دراوە و بۆچی وەک زۆرینەی وڵاتانی جیهان وەک بنەماڵە کاریگەر و بە تواناکانیان ئەمانیش نەبوون بە هۆکاری دامەزراندی دەوڵەت بۆ کوردستان و ، ئێستا دەیانەوێت سەرکێشی بەو ئامانجەوە بکەن ، بۆچی لە دانانی بەردی بناغەی دەوڵەت سەرکەوتوو نەبوون و ، نەبوون بە مەرجەعیتی نەتەوەیی بۆ کورد و کوردستان ، تەنانەت وەک باوک و باپیرانی خۆی چەند رێزی تایبەتی و پێگەی پتەوی لەناو عەشیرەت و خەڵکەکە و زۆرینەی دێهاتی ناوچەکەیان و بۆ ماوەیەکی دوورودرێژ لای خەڵکی کوردستان بە گشتی ، جێگەی تایبەتی و رێزی گەورەیان هەبوو ، ئێستا نەیانهێشتۆتەوە ، بۆچی تادێت زیاترئەو رێزەیان نامێنێت و بە ئاسانی بێ رێزیان پێ دەکرێت کە لە بیری ئەواندا نەبوو بگاتە ئەم رادەیە ، لە زەمانێک تێیدا خەڵکی کوردستان بە خۆرسکی و بێ هیچ فشار و بەرژەوەندیەک بە رێز و پێگەی تایبەتیەوە تەماشایان کردوون . باشە بۆ بەو رێگەیەوە نەرۆیشتوون کە بەهەمان تواناو پێگە و شوێنی بنیاتنانی مەرجەعیەتێکی پیرۆزیان لای خەڵک بە گشتی دروست نەکرووە و ، دوور لە ململانێی حزبی روخێنەری بێ رێزکەر کاریان نەکردووە ، لە جیاتی ئەوە خۆیان بە بەرێوەبردنی دەسەڵات و ململانێی سیاسیەوە سەرقاڵ کردووە ، باشە بۆچی شوێنێکی نەتەوەیی هەر هیچ نەبێت بەرێژەیەک هاوشانی هەمان شوێن و پێگە و رێزی سیستانی لای مەزهەبی شیعەکانیانیان بۆ خۆیان دروست نەکردووە . ئەگەر خەڵک بیرو فکر و عەقیدەی ئاینی و مەزهەبی و تەنانەت نەتەوەیی بە ناو و ئدیعای ئاینیەوە بۆ مەبەستی تایبەت بۆ میلەتەکەیان بەکارهێناوە ، بۆچی ئەمان بیریان لەوە نەکردۆتەوە و بە دەسەڵات و سەرقاڵکردنی خۆ بە پَیداویستیەکانی سیاسەت و ململانێی سیاسی و حزبی هیچ ئاورێکیان لە خۆشەویستی راستەقینەی جەماوەر و خەڵک و گردبونەوەی گەلی کوردستان لەدەوری خۆیان نەکردۆتەوە . لەوێشدا کۆمەڵێک پرسیاری لەخۆی کردووە :
1 – کێ بەم دەردەی بردووە و وای لە کورێکی بنەماڵەیەکی خەباتگێر کردووە کە گیرۆدەی دەستی ململانێی تەسکی حزبی و ناوچەیی بێت و لە فەرهەنگی کاری سیاسەتی حزبیدا خۆی بتوێنێتەوە ، بێ ئەوەی رۆژێک بیری لەوە کردبێتەوە لەوە باڵاتر بێت و هاوشانی مەرجەعیەتە گەورەکان لە ناو کورددا ئەو جێگەیە بۆ خۆی زامن بکات، رۆڵی چواردەورەکەی چون بووە لەم بارەوە کام سەرکردە هۆکار بووە چ لەناوخۆی حزبەکەی یان لە رکەبەرەکانی ، چەند خەتای رکەبەرەکانی بووە لەو دواکەوتنە مێژوییە و نزمبونەوەی پێگەکەی لە نێو خەڵکدا .
2 – دەکرا ببێت بە کەسایەتیەکی جیهانیی ئاشتیخواز ؟ یان گۆشبونی بە دەزگای هەواڵگری حزبی لە منداڵیەوە لە رووی پەروەردە و عەقڵیەت و مامەڵە و پەیوەندیە تایبەتیەکانە ئەو هەلەی بۆ نەهێشتۆتەوە کە بەرەو ئەو ئاقارە جوان و پیرۆزە بروات .
3 – بۆچی چووەتە گۆشەیەکەوە کە لە بواری کۆمەڵایەتی و دیدی خەڵک نزمی کردۆتەوە ، لە کاتێکدا دەیتوانی پلەو پایەیەکی مێژوویی باشی بۆخۆی تۆمار بکردایە دوور لە کاری حزبی تەسک ، یان هەر هیچ نەبێت لە کاری حزبی گۆشەگیر نەبووە و پلەیەکی دەسەڵاتی وەرگرتووە ، کە بەرپرسیارێتیەکی وای بەدەست بووە رۆژ لە دوای رۆژ لە کەسایەتی داوە و ، نزمی کردۆتەوە ، بۆچی سەرۆکایەتی هەرێم کەسایەتیەکەی بەو رادەیە نەهێشتۆتەوە .
ئەمە و چەندین گفتوگۆ لەگەڵخۆدا ، کەکاتی بەسەردا چووە و هیچ بەهایەکی نەماوە و پاشگەزبوونەوە لە ئاراستە و بۆچون و دیدەکان لەم کاتەدا هیچ دادێکی نادات خستویەتە دونیایەکی پەشیمانی بەڵام پاش بەسەرچونی کاتی تایبەتی چارەسەرکردنی ، ئەمەش دەردەڵی راستگۆیانە لەگەڵخۆدا .

بە کلیکێک لەسەر سمبولەکانی خوارەوە ، ئەم بابەتە دەگات بە هاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies