گۆرانی بێژێکی گەنجی کوردستان لە بەردەم هەڕەشەی تیرۆری ئیسلامیدا .

جەبار سەلیم

هەمو کۆمەڵگایەک بەدەر لە یاساکان وەک نوسراو  ، کۆمەڵێک پێوەری کلتوری هەیە کە زۆر کات دەبێتە ڕێگر لەبەردەم گەشەسەندنی کۆمەڵگا ، یان زۆر کات ئەوانەی هەڵگری بیری کۆنن ئەم پێوەرە کلتوریانە بەکار دەهێنێت بۆ کوشتنی بەرامبەرەکەی ، هەر ئەمەشە وا دەکات کە ئەوانەی دەیانەوێت کاری هونەری بکەن دەکەونە بەر شاڵاوی ئەم جۆرە ئەقڵەوە .

لێرەوە گۆرانی بێژی گەنج ( ش ، ح ) کە وەک گەنجێک دەردەکەوێت دەیەوێت کاری هونەری و گۆرانی بڵێ ، هەر لەم نێوندەدا پەیوەندی خۆشەویستی لەگەڵ کچێک ( س ، ح ، ش )  دەبەستێت کە ئەویش مۆسیقا ژەنە  ، ئیتر ئەم دو عاشەقە کە هەردوکیان کاری هونەری دەکەن پەیوەندیەکنیان گەورە دەبێت و دوای تێکەڵ بونی تەواو ، دەردەکەوێت کە خاڵێ کچەکە ( ج ، ط ، ع ) دژایەتی کاری خوشکەزاکەی دەکات و سەر بە ڕەوتێکی ئیسلامی دەبێت تا کار دەگاتە ئەوەی هەڕەشەی کوشتنی لێ دەکات ، دوای ئەوەی بە هەر حاڵ بێت پرۆسەی هاوسەرگیری ئەنجام دەدەن بە پشتیوانی باوکی کچەکە ، خاڵی کچەکە لە ڕێی گوشاری خوشکەکەیەوە ، دەیەوێت کار بکاتە سەر هەردوکیان بەوەی ئەمە کوفرە و نابێت بهێڵێت کەسی خزمی خۆی ئەم کارانە بکەن و هەڕەشەی کوشتنیان لێدەکات ، هەر بۆیە ژیانی ئەم دو گەنجە دەکەوێتە بەر مەترسییەوە ، بە ناچاری هەڵدێن ، ئەمەش کاری ژێر بەژێری ئەو بزوتنەوە ئیسلامیانەیە کە دەیانەوێت لە ڕێگەی پەیوەندی کۆمەڵایەتی و خێزانیەوە بیری خۆیان بسەپێنن و نەهێڵن گەنجەکانمان خەو بە ئازادی بیر و کرداریانەوە ببینن ، لە سایەی دۆخی گەشەسەندنی ئیسلامیەکان خەونی پێشکەوتنی کۆمەڵگا و تاکەکان لەبەردەم هەڕشەی گەورەدان ، دەسەڵاتی کوردیش توانای لاوازە لەبەردەم گەشە و هەڕەشەی ئەم بیرە ئیسلامیەدا .

کلیک بکەرە سەر سمبولەکانی خوارەوە و ، ئەم بابەتە ئاشنا بکە بە هاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies