Kuncryni

لاوک کونجرینی : لە ڕێکەوتنەکەی گۆڕان و یەکێتی دا ـ دوو ئیداریی ئامانجە .

خاڵی یەکلاکەرەوەوە لەڕێکەوتنەکەی یەکێتی و گۆڕان پێمان دەڵێت ـ گەر پارتی ملی نەدا بۆ داخوازییەکانی ئەم دوو هێزە . ئەوا ڕووداوەکانی پشت ئارێشەکە وەک :

1 – یەکێتی لە حکومەت دەکشێتەوە . بێگومان پارتی وەک ستراتیژی خۆی ـ لەوەی ” مردن لەداکەوتن باشترە ” ئەم ئەقڵیەتە ناچاری دەکات بەپێی هەناگاوێکی بەواتا تاکتیک ، بۆ پڕکردنەوەی پێگەی وەزیریی هێزەکانی تر ، بە وەکالەت لە ئەندامانی حیزبەکەی خۆی پڕیان دەکاتەوە . وەک ئەوەی بۆ وەزیرەکانی گۆڕان کردیی .

2 –  یەکێتی و گۆڕان وەک ستراتیژ ، بە دەرچوونیان لە حکومەتەکەی نیچیرڤان ، دەستبەجێ هەوڵی بنیادنانی کابینەیەک دەدەن لە زۆنیی سەوز .

3 –  دەرهاویشتەی مل نەدانی پارتی بە مەرجەکانی گۆڕان و یەکێتی و ، هەڵهاتنی دوو ئیداری بە هەموو پێوانەکان پێمان دەڵێت : پارتی توشی نەهامەتی دەکات ، ئەگەر زۆنی سەوز لانی کەم دەروازەیەکی پچووک بۆ ساخکردنەوەی بەرهەمە سروشتییەکان بدۆزێتەوە ، چۆن :

A – پارتی ڕووبەرووی ڕەخنە و تانەی دادگایی دەبێتەوە لەبەرامبەر کۆمپانیا پەتڕۆلیەکانی لەمەوبەر تاکلایەنانە گرێبەستی لەگەڵ کردوون  و ، ناتوانێت دابینی نەوت و گازیی ئەوان بکات بە پێی گڕیبەستەکە . لەبەر ئەوەی بەپێی سەرچاوە زانستییەکان ، % 35 بەرهەمە نەوتییەکان لە زۆنی زەردایە .

B – پارتی توشی ڕووبەرووبوونەوەی لێشاویی ناڕازیی زۆنی زەرد دەبێت ، بەهۆکاریی ناڕێکی لە دابینی ژیان لە دوای دوو ئیدارییەکە ، بەوەی ناتوانێت دابینی مووچە بکات و هەروەها توشی سزای دادگای نێو دەوڵەتی دەبێت بەهۆی نادابینکردنی بەرهەمە نەوتییەکان بەپێی گرێبەستەکانی کردوویەتی .

C – پارتی لەسەر ئاستی عێراق وەک هێزی یەکەم ، بوونی نامێنێت و لەبەردەمیشیانە توشی تەنگەشە کوشندەکان بووە ، بۆیە وەک جاران ئاڵوگۆڕیی سیاسیان لەگەڵی کەمتر دەبێتەوە .

D – پارتی لەبەرامبەر ئاڵنگارییەکانی هەرێم و ناوچەکەو جیهان ڕووبەڕووی بێ هیوایی دەبێتەوە .

بەرزانی ئەگەر کارەکتەرێکی باشی سیاسی سەر شانۆی هەرێم بووایە ، دەبوایە لەدامەزراندنی بزوتنەوەی گۆڕانەوە ژیرانە مامەڵەی لەگەڵ ڕەوشەکەدا بکردایە . دەبوایە لەوە بگەیشتیایە هۆکارەکانی دروستبوونی بزوتنەوەی گۆڕان و هۆکارەکانی گەشەکردنی ئەم هێزە وا بەخێرایی دەرئەنجامی هەڵەی زەق و ڕەفتارە سیاسییە ناجۆرەکانی خۆیی و پارتەکەیەتی و بەدوای چارسەرو ئاڵنگیریەکانیدا بگەڕایە و ، لەوە بگەیشتایە دەرئەنجامی نەگونجاندی کۆمەڵێک هەڵگیریی دروشم و هەنگاوە ، کە لەگەڵ ڕەوشی گەشەی تاکی کورد و هەرێمدا ناگونجێت ، نەگونجاندنی ئەو ژینگە سیاسییە ، کەجوودا لە کۆمەڵێک وڵاتان و کۆمەڵگای ناوچەکە بۆ ئەمڕۆی هەرێمی کوردستان ڕەوشی نائارام و ، بێ سەروبەرو ، بێ ئامانج بەرهەم دێنێت .

بەرزانی بۆ کردەی ئامانجەکەی ، دەکرا سوودمەند بووایە  لە پلان و داڕشتە وردەکەی ئێردۆگان بۆ قایکردنی دەسەڵاتی تاک ڕەویی و ، بە وردترو بە یەکسانی لە پڕۆژەکان و بە ماوە نەهێشتنەوە بۆ هێزەکانی تر تا پچوکترین بەربەست نەبوونایە لەبەردەم هەنگاوەکانی و سوودی لە ڕازیی بوونی شەقام لە بەرهەمی هەنگاوەکانی بکردایەو شەقامی ڕووبەرووی هێزە ناڕازییەکان بکردایەوە ، نەک بە چەکی برسێتی و تاڵانی و نەبوونی مووجەو … هتد ، ڕووبەڕوویان ببێتەوە .

بەرزانی دەیتوانی تاکتیکی هەنگاویی هێواش بۆ ئامانجەکەی بهاویشتایە لەوانە :

1 – لەبەرامبەر داخوازییەکانی دەستور و هێزەکانی تردا ئاڵگۆڕیی لە پێگەکەی خۆی بکردایە وەک تاکتیک و لە ژێرەوە لە ڕێی حیزبەکەیەوە دیسانەوە کاری بۆ :

A – کاری بۆ ئامانجەکان لە ڕێی هەڵبژاردن و کاری ڕازیی کردنی شەقام بۆ هەمان مەبەست ، لە هەڵبژاردنی سەرۆکایەتی هەرێم لەناو خەڵکدا ، ئەویش بەپێی زۆرینەی پەڕلەمان و بەپێی یاسا ڕێکبخرایە .

B – هەموو دیکتاتۆرەکان لە پێشدا بە بێ دەنگی پێگەکەیان خۆش کردووە بۆ دیکتاتۆریی ، بەڵام بەرزانی نەزانانە ، هەنگاویی بۆ ناو ، هەموو لایەکی لەو ترسە ئاگادارکردەوە ، ئەمەش پێویستی بەوەیە خۆی و حیزبەکەی زیاتر لە هێزەکانی تر هەنگاو هەڵبگرن بۆ دیموکراسی و یاسا و مافی مرۆڤ و ، هەموو ئاڵنگیریانەی لەمەوبەر ڕووبەڕووی بۆتەوە بە شێوەی ژیرانە بیان سڕیتەوە .  

2 – پارتی هەوڵی بنیادنانی چەمکە نیشتمانییەکان بدات و لە ڕێچکەی وابەستەگی بەچاندنی تۆویی خەڵکی شیاو بۆ پێگەی شیاو ، لەوێوە حیزب و بنەماڵەکەی بخاتە دووڕیانی چاکەو دوورە پارێزیی لە چەمکی دەسەڵاتی قێزەوەند ، کە خۆی دەبینێتەوە لە بنیادنانی هێزی پێشمەرگەی نیشتمانی و پەڕلەمانێکی بەهێز و حکومەتێکی مەرکەزیی بە‌هێز ، کە سود وەردەگرێت لەدوو بابەتی سەرەکی :

A –  هیج هێزێک قسەی لەوە نەکردووەو ، هەروەها لە هیچ یاسایەکی ئەم جیهانەدا نییە ، بەحیزبکردنی بنەماڵە ـ بڤە بێت . بەڵکوو بە پێچەوانەوە ، لە جیهاندا ئەم کردەو ئامانجە بوونی هەبووەو ، نەبۆتە شەرم . بەڵکوو ، ئەوە بوونی دەستڕۆشتوی بنەماڵەییە لە دەسەڵاتیی حکومەت دا ، وەک ئەوەی بارزانی و هاوشێوەی ئەو دەخوازێت .

B – لەئێستادا ڕەوشەکە لەسەر بنەمای نە شیش بسوتێت نەکەباب ، هێور بکاتەوەو ، قۆناخەکانی دوای هێورکردنەوە بکاتە ئامانج .

پارتی بەدوای ئامانجی دەسەڵاتی دیکتاتۆری و بنەماڵەییدا دەگەڕا ، کەچی بەنەزانانە وا جەهەنەمێک بۆ خۆی دادەخات . دەکرێت نەگاتە لێواری ئاگرکە ، ئاوڕێک لە پاشەکشی بدات و ، با  کۆتایی بەهەموو شتێک نەیەت ..  چوونکە دوو ئیداری خراپترین ڕەوش بۆ پارتی و بنەماڵەی بەرزانی بنیاد دەنێت و ئامانجەکەشی کۆتایی پێدێت .

 

کلیک بکەرە سەر سمبولەکانی خوارەوەو ، ئەم بابەتە ئاشنا بکە بە هاوڕێکانت

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies