قوباد تاڵەبانی وەڵامی وتاریکورد ـی دایەوە .

بەپێی هەواڵێک لەسەرچاوەیەکی نزیک لەیەکگرتوو بە وتاریکورد گەیشتووە ، کە حەفتەی ڕابردوو قوباد تاڵەبانی جێگری سەرۆکی حکومەتی هەرێم سەردانی سەلاحەدین بەهادین سکرتێریی یەکگرتووی ئیسلامی کردووە . بەپێی سەرچاوەکە ، گوایا قوباد تاڵەبانی لەو سەردانەیدا پەیامی یەکێتی بە یەکگرتووی ڕاگەیاندووە ، لەپەیامەکەدا هاتووە ، ئەگەر پارتی نەرمی بەرامبەر گۆڕان و ئەم ڕەوشە ناجۆرەی هاتۆتە ئاراوە نەنێت بۆ ئەوەی ئاشتی سیاسی لەهەرێمی کوردستان جێگیر بێت ، ئەوا یەکێتی بەپێی ڕێکەوتنەکەی لەگەڵ بزوتنەوەی گۆڕاندا هەیەتی ، ناچارە پیاچوونەوە بەکۆی گرێبەستە سیاسییەکانی بکات لەگەڵ پارتی و هەروەها ئەگەریی کشانەوەشمان هەیە لە حکومەتی هەرێم .

پاش ئەوەی هەواڵەکەمان گەیاندە قوباد تاڵەبانی ، بەرێزی لەوەڵامدا وتی : من لەو شێوە قسانەم نەکردووە .

هەروەها جگە لەهەواڵەکەی سەرەوە ئاماژەمان پێدا ، لەبەشێکی تریی هەواڵەکەدا هاتووە ، کە نێردەی بەرزانی سەرۆکی پارتی بۆ لای حیزبەکان ، واتا دکتۆر فوئاد حسەین ـ سەرۆکی دیوانی سەرۆکایەتی هەرێم  ، بەهۆکاریی پەیامەکەی قوباد تاڵەبانی بووە بۆ پارتی لە ڕێی سەلاحەدین بەهادینەوە . ئەم جۆرە نەرمی نواندنەی پارتی و بەرزانی لەپاش هەرەشەکەی یەکێتیی بووە بۆ پارتی .

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies