بێستون حەمەساڵح: گۆڕان چى نەکات و چى پێ ناکرێت؟.

بابەتیانە بڕوانینە قسەکانى ڕێکخەرى گشتى بزوتنەوەى گۆڕان :

شەڕى موسڵ:
یەکەم ـ مەترسى لەسەرکوردستان دووردەکەوێتەوە.
دووەم ـ ڕزگارکردنى ناوچە کوردیەکانى ژێر دەستى داعش .

ستراتیژى گۆڕان ئەوەبوو:
یەکەم ـ چەک لەلاى حزب نەمێنێت. (وەزارەتى پێشمەرگە خاوەنى بێت)
دووەم ـ پارە لە لاى حزب نەمێنێت. (وەزارەتى دارایى خەزنەدار بێت)
سێهەم ـ هەردووکى بخرێتەوە ژێر ڕکێف و چەترى حوکمەتى هەرێمى کوردستان.

بڕیارى پارتى:
یەکەم ـ پەرلەمانى بەبڕیارێکى حزبى پەکخست.
دووەم ـ دورخستنەوەى ستافى وەزارى و پلە باڵاکانى گۆڕان.

خواستى ئەم هەلومەرجە:
یەکەم ـ کشانەوە لە حوکمەت.
دووەم ـ مانەوە تا هەڵبژاردنى داهاتو.
سێهەم ـ گفتوگۆى هەردوو بڕگەکە لەلایەن هەڵسوڕاو ڕۆشنبیر وهاوڵاتى بەردەوامە و هەمووى دڵسۆزانەیە.

پرسە گرنگەکە :
یەکەم ـ گۆڕان چى بکات؟.
دووەم ـ گۆڕان چى پێ دەکرێت.
سێهەم ـ دەروازەى قسەکانى وەک هەمیشە زیرەکانە قوفڵ و کڵۆم دەدات و کلیلەکەى لە لەندەنەوە دەنێرێتەوە بۆ گردى زەرگەتەى سلێمانى.
ئەوەى تازەیە خاڵى کۆتاى ووتەکانى نەوشیروان مستەفایە، هەرچەندە لەناواخنیدا باس لە کۆتایهاتنى ئەزمونى سیستەم بەگشتى و پەرلەمانى بەتایبەت دەکات و باس لە ڕێگەچارە دەکات ئەمەسەرەتای دەست پێکى وتەکانى بوو.
بەبڕواى بەندە نەوشیروان مستەفا نایەوێت لە دەرگایەک بدات بەم کۆتا کۆتایەى تەمەنى سیاسى تەواوى قورسایى و دەرئەنجامەکانى لە کۆڵ و پریاسکەى خۆى بهاویژێت و زیرەکانە کرانەوە بەڕووى برادەرەکانى قوفڵى چارەسەر و کلیلى کرانەوەى ( بەتەکافول و تەزامون ) بۆیان دەنێرێتەوە.
بەکورتى مەخلەسى کەلام پێم وایە گۆڕان هیچ نەکات چونکە بارودۆخەکە زۆر لەقەوارەى گۆڕان گەورەترو ئاڵۆزتر هاوکێشە سیاسى و عەسکەریەکە دەبینرێتەوە..
گۆڕان هیچیشى پێ ناکرێت چونکە ووتەکانى نەوشیروان مستەفا (المعنى فی قلب الشاعر) ، ئەو لەهەموان زێدەتر مەزەندەى بارودۆخەکەى کردووەو دەزانێت گۆڕان هیچى پێ ناکرێت.
لەبەر ئەوە باشترین حاڵەت (نامەوێ ووردەکارى بدرکێنم) گۆڕان هیچ نەکات ، چونکە هیچی پێ ناکرێت.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies